Eguneko argazki bat
Konstanz (Alemania)
Arrain bat bere bizitokian dabil hara eta hona. Lekua arrunta iruditzen zaio, pareten artean bilduta dagoela konturatzen den arte. Gainera, paretetako bat beirazkoa da eta hormaren beste aldean gizakiak, bata bestearen atzetik, agertzen dira, atseden gabe. Eskerrak gauez beraien etxera doazela eta gu lasaitasun pixka bat izan dezakegula.
Konstanz (Alemania)
Hara! Zer animalia mota da hau? Marrazoa ematen du, baina biboteak dauzka! Eskerrak ematekoa da, honelako arrainak ikusi ahal izatea. Bestela, lehorreko pertsonok ez genituzke inoiz honelako izakirik ikusiko.
Konstanz (Alemania)
Arrain talde hau ondo konpontzera behartuta dago akuario barruan bizi behar badute. Honi esker ikus ditzazkegu mota desberdinetako animaliak gure etxe ondoan. Baina gustatuko al zaie elkarrekin egotea? Itsasoan aske bizi ezkero ere osatuko al zuten taldea?
Konstanz (Alemania)
Zer egiten du mendi ahuntz baten garezurrak urazpian akuario batean? Apaintzeko beharrak puntu honetaraino eramaten ditu lekuko arduradunak. Arrainek behintzat ez dute arazo izango berarekin. Ezkutaleku edo atsedenleku berri bat besterik ez da.
Seealpsee (Suitza)
Belar goxoaren igo dira behiak mendi haran honetara. Uda osoa dute aurretik udazkenean beheko haraneko kortara bizitzera bueltatu aurretik. Beraien oporra izango al da hau?
See Alpsee (Suitza)
Mendiko behiak alaiago biziko al dira? Belarra goxoagoa omen da eta airea freskoagoa. Hori nahikoa ez bada, zarata ere gutxiago jasango dute.
Frauenfeld (Suitza)
Kaixo tximinotxo. Ondo al zabiltza? Hesi baten barruan bizitza osoa ematea ez da egoera errazena izango.
Frauenfeld (Suitza)
Profilez hartutako tximinoa urrunera trankil begira harrapatua izan da. Burutapenik pasatuko al zaio burutik? Kaiolatik kanpoko bizitza faltan botako al du?
Frauenfeld (Suitza)
Mapatxeak itxura berezia duen animalia da. Marra zuri eta beltzek aurpegikera berezia ematen diote.
Frauenfeld (Suitza)
Mapatxe bat janari eske hurbildu da. Badaki lekuko bisitariak eskuzabalak izaten direla, batik bat umeak.
Frauenfeld (Suitza)
Luma argiak eta ilunak. Bitarikoak janzten ditu hegazti zoragarri honek. Kaiolan sartuta egoteak ez al ditu pixkat motelduko?
Frauenfeld (Suitza)
Luma luze eta koloretsuek atentzioa urrunetik deitzen dute. Loroak ez du bere burua ezkutatzeko beharrik. Moko indartsua eta atzapar luzeekin bere burua erraz defendatuko du harrapariengandik.
Frauenfeld (Suitza)
Loro bat daukat begira. Nik ere hura begira ari naiz. Niri bere kolore biziek eta moko erraldoiak erakartzen naute. Zer ariko da bera niri buruz pentsatzen?
Frauenfeld (Suitza)
Ohianeko erregea herrialde epel batean eta kaiolan sartuta. Ez da ikusteko gauza aparta. Ez bada katu erraldoi honen handitasuna miresteko.
Zurich (Suitza)
Usoa izango da paparra ateratzea hobeto egiten duen animalia. Bular indartsuak eta luma koloretsuek itxura benetan indartsua ematen diote.
Zurich (Suitza)
Ahatearen kolore biziak ondo gorde dira barrunbetetzearen ondoren. Ondorengoentzat erraza izango da animaliaren edertasuna ikusten.
Zurich (Suitza)
Ahate kumearen gorputz txikia eta hego laburrak denboran izoztuak gelditu dira.
Zurich (Suitza)
Azala gogor, hanka labur eta sendoak, ahoa handi eta hortz zorrotzez betea. Dragoi txiki baina beldurgarriaren itxura osoa dauka honek. Sua ere botako al du ahotik?
Zurich (Suitza)
Narrazti indartsu hau hobe urrunetik ikustea eta beirazko leiho baten bestaldetik. Animalia ederra da, baina ez du lagunkorra izatearen itxurarik. Gosea kentzeko inguratzen zaion edozerri hozka egiteko prest dagoenaren tankera hartzen zaio.
Zurich (Suitza)
Arbolaren adarra hartu du atsedenleku hartzak. Atzeko hanken gainean eseri eta aurrekoak adar batetik balantzaka utzi ditu. Neke itxura dauka. Edo aspertuaren aurpegia izango al da? Edozein kasutan, eroso dagoela ematen du.