Eguneko argazki bat
Appenzell (Suitza)
Pareta honek urtetan zehar sutan egon da. Nabari zaio gainazalaren garraztasunean. Lana ongi bete du. Orain atseden hartua du betebehar gartsuetatik eta jakinminez hurbiltzen diren bisitarientzat dago ikusgai.
Appenzell (Suitza)
Lekuaren estutasunak eta epeltasunak labearen barruan bizitakoei buruz pentsarazten dute. Pasilloan sartu eta garai bateko industriarien esfortzuak sentitzen dira.
Speicher (Suitza)
Simetria eta sinpletasuna ere edertasuna dira. Ez da gehiago behar zentzumenei gozararazteko.
St. Gallen (Suitza)
Aspalditik dago urez inguratutako etxola bat hemen. Ur gaineko etxola bat eraikitzeak zer helburu izango du? Urtegi erdiko patsadaz gozatzea? Uraren bidea behatzea?
Oro (Euskal Herria)
Eguzkiak, teilatuaren ertzak eta harriek bat egiten dute efektu iradokitzaile hau horman sortzeko.
Oro (Euskal Herria)
Ate gotortua santutegi honetara sartzeko. Zerengandik babesteko? Garai bateko soldaduak ez dira gehiago mehatxua. Lau hanketako inbaditzaile isilak izango al dira arazo?
Bregenz (Austria)
Kapera nagusi soil-soila. Erretaularik ez, margorik ez, mahaia soila. Elizaren handinahiak eta barrokotasuna txoko hau begi bistaz galduta ote dauka?
Ivrea (Italia)
Adreilu gorriz eraikitatako dorre altu eta sendo honek historia ugari ikusi ditu beheko hirian. Beti zaindari, beti adi.
Oropa (Italia)
Igo eskilarak eta sartu kapera apalera. Apaindurarik ez du sarreran. Sarrera itxiko duen aterik ez du. Harria eta margo zuriaz egina dago. Materiale sinpleak eta landu gabeak. Ingurunearen soiltasunarekin egiten du bat tenplu soilak.
Oropa (Italia)
Puska geometrikoetan ebaki dute arbelarria teilatu bat estaltzeko. Atal bakoitzak zuri-beltzaren tonu desberdin bat hartu du. Pieza bakoitza lekuan eusteko erabiltzen diren metalezko pieza urdinak ere ikusgai daude. Nork esan behar zuen hain kolore gutxiekin horren nahasketa aberatsa egin zitekeela.
Oropa (Italia)
Arbelezko teilatuak mendialdean bereziki maitatuak dira. Neguko hotzetik eta elur ekaitzetatik babestuko du, beharbada. Edonola ere, itxuraz galanta da. Kolore beltza da bere nortasunaren iturburua, sendotasunarekin batera.
Oropa (Italia)
Etxeko balkoiak eguzkiaren errainuak jasotzen ditu eta neguko goiza epeltzen du. Mendialdean behar da epeltasun hori aprobetxatzea. Tenperatura erraz jeisten bait da.
Oropa (Italia)
Errepide zigi-zagatsu batean gora joan eta mendi gailurrez inguratutako haran txiki batean harrizko santutegi erraldoia eraikia dago. Plaza eder honetan egiten dio harrera santutegiak bisitariari. Iturri bat erdian du eta inguruan harri koskorreko zorua. Lekua sinplea da oso, inguruaren naturaltasunean murgiltzeko diseinatua egongo balitz bezala.
Oropa (Italia)
Mendi gain batean jarritako santutegirako sarrera atea da. Barrura sartu bezain laster, plaza zabal batera sartzen zara. Lekua zabala da, zenbait eraikuntzekin. Denak sinpleak dira egituraz, baina sendo eraikiak daude, harrizko pareta zabalekin. Lekuaren tamainak eta hoztasunak inpresioa sortzen du bisitariarengan.
Oropa (Italia)
Santutegi hau mendi baten goikaldean dago kokatuta, mendi altuagoez inguratuta. Eraikuntza handia, sinplea eta hotza. Neguko tenperatura baxuak pairatzen dira bertan. Eskerrak haizea eta euria kanpoan geratzen direla, behintzat.
Biella (Italia)
Eserlekuen ilada luzea egokitu dute, fededunei egoteko modu egoki eta lasai bat eskaintzeko. Bertan eseri eta nekeari buelta eman ahal zaio. Meza garaian, apaizaren hitzak lasai entzuteko modua ematen dute.
Biella (Italia)
Elizen handitasuna altuerak ematen die. Lekura sartu eta sabaia lekutan ikusten da. Zerua ematen du, gizonek bere jainkoa gurtzeko sortu duten harrizko zerua.
Oropa (Italia)
Goizeko eguzki garbiak itzalak sortzen ditu etxe honen paretetan inguruko zuhaitzen laguntzaz. Argitasunak eta mendiko aire freskoak biziberritzen du leku hau gaurkoz. Udazkenean dena ez da hotza eta ospela.
Freiburg (Alemania)
Harri bat landu eta segida erregularrean pilatu. Horrela bat bestearen atzetik jarriz, etenik gabe, paretak egiten dira. Ahaztu gabe leihateetarako lekua uzteaz. Argia iragazi eta eraikuntzaren barrualdea kolorez betetzea dute helburu.
Freiburg (Alemania)
Gau gazteak katedral baten paretak argiz margoturik ikusten ditu. Eraikuntzaren formak eta artea ederki azpimarratzen du.