Dubai (UAE)
Dorre honek beste sorpresa bat gordetzen du. Apaingarri moduan erabilitako koloreek formak betetzen eta margotzen dituzte. Ondo zainduta daude eraikuntza berezi eta bereizgarri honen detaileak.
Etxe-orratz gorria (Red skyscraper)
Kategoria: Arkitektura (Arquitecture)
Gauearen xarma (Attraction of the night)
Dubai (UAE)
Gau betean zeruko argia lurreko argia betetzen da. Borbor betean dago lekua, lotarako intentziorik erakutsi gabe. Egunez tamaina erraldoiko egitura hutsalak ematen dutenak, gauez hartzen dute itxura bizia.
Etxe-orratz iragarki euskarri (Skyscraper as publicity holder)
Dubai (UAE)
Erreferentziazko eraikuntzaren ikusgarritasuna probesten da iragarkien euskarri bihurtzeko. Orotariko hizkuntzatan eta alfabetoetan erakusten dituzte iragarkiak.
Altua eta sinbolikoa (Tall and symbolic)
Dubai (UAE)
Arkitektura monumentala erabili dutesinbolotzat herrialdearen imajina mundura zabaltzeko. Dorre altua, metalarekin eta beirarekin eraikia, da garai modernoetako gaztelua.
Metalea eta beira (Metal and glass)
Dubai (UAE)
Irudikoa inoiz eraiki den edifizio altuena omen da. Beraren tamaina da handia, ze zaila da ere bistaz neurtzea. Metal eta beirazko erraldoia harro agertzen da, inguruan hura bisitatzera joan den jendetzaren begiradei kasurik egin gabe.
Eraikuntza berria (New building)
Dubai (UAE)
Abiadura bizian ibiltzen dira eraikitzen leku honetan. Basamortuari lekua kentzeko behar handia sentituko balute bezala.
Ate mardula eta leiho xehea (Strong door and simple window)
Liérganes (Espainia)
Ate mardula eta leiho xehea zizelkatu dituzte harrizko etxe aurrekalde honetan. Harri puxka handiekin osatutako hormak zoragarri markatzen ditu atea eta leihoaren posizioak.
Egitura xumea (Humble structure)
Liérganes (Espainia)
Azpiegitura xumea baina estilosoa dauka herri txiki honek. Gaur egun, zaila da ulertzea izango zuen zioa. Itxura apala dauka baina diseinuak handitasuna dauka. Simetriak eta diseinu garbiak ditu ezaugarri aipagarrienak.
Harrizko etxearen aurrea (Front of a stone house)
Liérganes (Espainia)
Harrizko etxe tradizional honek aurpegi hoberena ematen du. Horma gainazala garbia eta harri tarteak ondo zainduak dauzka. Fronteko paretan zurezko ate zurruna, leiho zulo txikiak eta balkoi sinplea baina elegantea ageri ditu. Gainera, ate ondoan landare bilduma dotorea jarria dago. Detaile guztiak bere itxura edertzeko jarriak daude.
Zurezko balkoi zaharrak (Wooden old balconies)
Liérganes (Espainia)
Zurezko balkoi zaharrek oraindik ederki babesten dute euritik eta haizetik. Bere zuriak ez du distira puska bat galdu. Etortzeko zegoen neguan babesa izateko leku ikusgarria.
Eliza erromaniko txiki eta zaharra (Small and old romanesque church)
Santoña (Espainia)
Hau bezalako eliza erromaniko txiki eta zaharrak mundu europarraren gune garrantzitsuak izan dira sortu zirenetik. Gurtza eta poterea bere ingurura ekarri zuten. Jendeak bere artean hartu zituen bizikide bezala. Gure hiri askotan ikusgarri daude historia puska handi baten sinbolo bezala.
Estatua zaldiekin (Statue with horses)
Berlin (Alemania)
Gurdia lau zaldik tiratuta eta gainean emakumea armarri bat eutsita. Ikurra eraiki nahi izan zen baina bere esanahia garaiak emandakoa da: izan bakea, garaipena edo batasuna.
Tradizionala eta ederra (Traditional and wonderful)
Appenzell (Suitza)
Egurrezko itxidurarekin apaindua, lekuko itxura tradizional ederrean, eta diseinu dotoreaz egina dago etxea. Txikia izan eta lekuz kanpo dagoela ematen du baina, bere izaerak apartekoa bihurtzen du. Bere lekua harro aldarrikatzen du, inguruko eraikuntzak berriagoak eta handiagoak badira ere.
Porlanezko eskilarak (Concrete staircase)
Appenzell (Suitza)
Eskilarak porlanez eginak, harri artifizialean zizelkatuak, sendoak, iraunkorrak. Eraikuntzaren egiturari atxikitzen dira. Hura osatzen dute.
Bi ate, bi gela (Two doors, two rooms)
Appenzell (Suitza)
Bi ate eta bi gela beraien atzean. Lekua argitsua, lasaia, iradokitzailea da. Bileretarako gelak izan, erakusketa gelak izan edo hitzaldiak leku egokia da museo barneko txoko hau.
Mahai luzea aulkiekin (Long table with chairs)
Appenzell (Suitza)
Mahai luzea bazkaria hartzeko eta aulki erosoak ipurdia ongi deskantsatzeko. Museora bisita interesgarria amaitutakoan, badago atsedena hartzeko txoko egokia ere.
Adreiluzko zorua (Brick floor)
Appenzell (Suitza)
Adreilua dago nonahi eraikuntza honetan. Garai bateko hemen egiten ziren lanen oroigarri edo.
Adreilu lantegi zaharra (Old brick factory)
Appenzell (Suitza)
Adreilu lantegia izandako eraikuntza hau zoragarria da. Adreilua tximinian eta lurrean erabili da beroa hobe jasan dezan. Zurezko egitura batek osatzen du ola zaharra. Kolore gorria nonahi ageri da lekuari nortasuna emanez. Zementuzko elementu berriek lekuaren izaera indartzen dute. Museo garaikidearen itxura ematen diote.
Dorre lirain zaharra (Old elegant tower)
Somma Lombardo (Italia)
Dorre lirainak inguruko etxeak eta kaleak goitik ikuskatzen ditu. Biztanleen joan-etorriak zaintzen ditu. Ordua eskaintzen dio behar duenari eta kanpai kontzertuak noizean behin ere. Auzoko ona da.
Etxe zahar baten horma (Wall of an old house)
Malesco (Italia)
Etxe zaharrak hormetan pilatu du denboraren xarma. Nabari da etxebizitza batek leiho guztiak itxitak dauzkala. Besteak, berriz, bat baino ez du zabalik. Hauzokideren bat etxetik faltako al da? Pena litzateke lekuak gutxinaka bizitza galduko balu.