St. Gallen (Suitza)
Hasi da eguraldia hozten. Joan dira egunak laburtzen. Hostoak zuhaitzetatik eroriko dira, alfonbra laranja eta horia sortuko dute.
Hostoak uretan (Leaves on water)
Kategoria: Detailea (Close-up)
Ur hornidurarako hodia (Water pipe)
St. Gallen (Suitza)
Ur hornidurarako hodia zelai batean? Metalez egina eta herdoilarekin estalia. Apaingarri polita da, erabilgarria baino.
Ibai azpia (Bottom river)
Appenzell (Suitza)
Mendi aldetik datozen ur hotzek ez dute ur-landareak hazten uzten. Sitter ibaiak sakonera txikia du hemen eta bere ur gardenek hondoaren harri koxkorrak ikusten uzten dute.
Bandera suitzarrak (Swiss flags)
Appenzell (Suitza)
Bandera suitzarrak nonnahi prest bere nazio eguna ospatzeko. Herria izatearen harrotasuna eta festarako gogoa nahasten dira okasio honetan.
Armarria paretan (Hanging coat of arms)
Appenzell (Suitza)
Paretako hornidura koloretsua kaleetako apaindura ohikoa da leku hauetan. Armarriak familiaren izena gogoratu ohi du eta bere garrantzia goraipatu.
Hostoen topografia (Leave topography)
St. Gallen (Suitza)
Topografia bat marrazten dute ohial beltzaren gainean itzalek eta hostoek.
Hosto eta abar eroriak (Fallen leaves and branches)
St. Gallen (Suitza)
Natura hila. Hostoak lurrean, abar eroriak. Danak idortuak eta lurrean nahasturik.
Koskorrak borborka (Boiling cubes)
St. Gallen (Suitza)
Olioa berotzen den heinean, izotz urtua borborka hasten da eta olio tantak saltoka ateratzen dira zartaginetik, azala errez eta biraoren bat ateraraziz.
Ziazerbaren poesia (The poetry of the spinach)
St. Gallen (Suitza)
Etxeko sukaldean ere detaile ederrak har daitezke kamerarekin. Zartagin batean ziazerba izoztua nola urtzen den begiratzea aukera bat da. Forma gogorrak leuntzen doaz, kolore zuria berde bihurtzen den bitartean, jaki fin bat utzi arte.
Ziazerba koskorrak (Spinach cubes)
St. Gallen (Suitza)
Ziazerba koskorrak zartagineko oil epelean geldo-geldo biguntzen dira. Izotzaren zuria barazkiaren berde dizdiratsuan bihurtzen doa eta forma geometriko gogorrak lausotzen dira.
Barazki koskorrak (Vegetable cubes)
St. Gallen (Suitza)
Izoztutako barazki koskorrak, izotza azalean, bata besteari itsatsiak, sukaldatzeko prest.
Sabaiko leihoa (The window of the roof)
St. Gallen (Suitza)
Sabaiko leihoa ametsak sortzen diren lekua da. Hemendik irtetzen dira umeak hegaz ametsetan, Peter Pan moduan, Sekula Betiko lurraldera pozik izatera.
Ur jauzi xumea (Small water fall)
St. Gallen (Suitza)
Ura maiz dagoen lekuan goroldioak aise hazten dira. Ur jauzi xumean bizitza oparoa gorde daiteke.
Hodeiak putzuan (Clouds in the pond)
Helsinki (Finlandia)
Eguzkia hodei zurien atzean eta zeru urdina. Putzu batek erakusten digu mundua buruz behera. Ederrak dira ilusioak. Ikusteko modu diferenteak begiak eta adimena zorrozten ditu.
Ur putzu baten islada (Reflection on a water pond)
Helsinki (Finlandia)
Neguko elurra ur putzu bihurtzen da udaberrian. Haize izpiek gainazala zimurtu eta putzuak irudi lausoa bueltatzen dute. Gure munduaren ikuspegi berria erakusten digu.
Ur putzua elur artean (Pond in the snow)
Helsinki (Finlandia)
Hodeiak eta zeru urdina ur putzuan ikusten dira eguzki izpiek isladaturik. Erdi urtutako putzuetan, elur artean, harrizko zoruko enparantzan neguaren azkena udaberriaren hasierarekin josten da.
Horma sendoa (Strong wall)
Helsinki (Finlandia)
Sendo eraikitako defentsa eraikina hau. Gotorlekuaren hormak harri puxka handiz osatuak. Zurezko ateak zerraila mardulak jantzirik. Garaiotan neguko elurretatik babesterako baino ez dute balio, baina.
Mahai gaineko elurra (The snow on a table)
Helsinki (Finlandia)
Kristalaren bestaldetik, goxo-goxo, ez dago hotzaren beldurrik. Elur meta polita pilatu da mahai gainean. Elurraren zuritasunaz liluratzeko parada ezin hobea.
Aingura herdoildua (Rusty anchor)
Helsinki (Finlandia)
Belar idorra ageri da urtzen ari den elur artean, putzu eta lohiaren artean. Bere hori kolorea ainguraren burdinaren marroixkarekin nahasten da.
Urdina eta zuria nagusi (Blue and white)
Helsinki (Finalndia)
Urdina eta zuria nagusi hemen. Finlandiako banderaren kolore berak. Eskultura baten modura ageri dira kaleko argiak. Zeru urdina eta aurrean argi kablea lanparak eskegita dituela.