Eguneko argazki bat
Cardano (Italia)
Pasealeku hau eguzkiraino igotzeko egina dagoela ematen du. Luzea eta zuzena, harrizko zorua gorantza egiten du pixkanaka. Eguzkiak etxeen gainetik argitzen du zerua, argi gogorraz betez arratsaldea.
Cardano (Italia)
Etxe koloredun honek patiora begira dagoen balkoi luzea dauka. Teiletako gorria eta paretetako hori krematsua distiratsu ageri dira arratsaldeko eguzkipean.
Cardano (Italia)
Txoko honetan esertzeko gogoa ematen du. Eguzkiak berotzen duen alditan behintzat.
Cardano (Italia)
Etxe xehea baina bizitzeko goxoa. Arratsaldeko eguzkia amatatzen doan bitartean, sukaldeetako eta egongeletako argiak pizten hasten dira.
Cardano (Italia)
Etxebizitza sinpleak jende arruntak biziz bete ditzaten. Edozein garaitan, aintzina edo gaur egun, bizimodua hainbestean dirau.
Cardano (Italia)
Hemendik aurrera ez pasa, ibiltzeko gordeta bait dago eremua. Urruneraino ikus daiteke, ortzimugak lurzorua behean ukitzen baitu. Zerua zabal ikusten da eta zuhaitzek negu hasierako kolore ederrak eta itxura lerdena agerian dutelarik.
Cardano (Italia)
Pasealekuak zeru kolorea hartu du. Eguzkia libre agertzen denean, koloreak bizi eta alai darizkie arbolei, zeruari edo hodeiei.
Cardano (Italia)
Gaur eguna eguzkitsu esnatu da. Aurreko eguneko itzal luzeak joanak dira eta eguzkia da nagusi. Arbolak orain distiratsu ageri dira, kolorez beteak.
Rorschach (Suitza)
Urruneko lekuetatik jendea etorri eta gero beste leku urrunetara joateko gunea, lotailua, dugu geltokia. Trenbide ugari elkartzen diren puntua.
Wasserauen (Suitza)
Aldapan behera neguaren ilunenean ere jeitsi ahal izateko dago argiztatua mendi hegala. Behera joan eta zuzenean herri barnean hago.
St. Gallen (Suitza)
Elurra barra-barra izan dugu neguan. Zuhaitzetan pilatu, kale bazterrak bete eta espaloiak ixtera behartu du.
St. Gallen (Suitza)
Atzeko eraikuntzak ilun diraute eta jendea kale bazterretan dabilen itzal moduan ageri da. Autobus geltokia, hala ere, argitan blai ageri da.
St. Gallen (Suitza)
Elurra mara-mara ari du neguko gau etorri berri batean. Iluntasuna argi jokoekin disimulatzen da. Hotza eta iluntasunari izkin egiten diote gizabanakoek autobusari itxaroten dauden bitartean.
St. Gallen (Suitza)
Negu hasieran ere egun gozagarriak suertatzen dira. Giroa hala ere ez dago terrazetan esertzeko.
St. Gallen (Suitza)
Metalezko estruktura fina, bikaina. Forma luzeak eta estilizatuak. Inguruko harrizko etxeen ondoan egonda, modernitatea ekartzen du lekura.
St. Gallen (Suitza)
Gabon zuhaitza erraldoia parkean jartzen da hemen. Helikopteroz jarri behar dute. Gero koloredun hornidurak jarri eta argi mordo gabon gauetan dizdira egin dezan.
St. Gallen (Suitza)
Gau aitzinean hiriaren profila iluntzen da, belzten da. Pixkanaka galtzen du kolorea eta argia. Bihar arte.
St. Gallen (Suitza)
Egun eguzkitsua, arratsalde partea. Eguna hotza da baina eguzkiaren argiak gogoak berotzen ditu.
Winterthur (Suitza)
Zapatak desagertu arte oinak sartu eta arrastaka ibiliz hostoa astintzeko. Hosto idorrezko alfonbran paseatzea bada urte garai honetako, udazkeneko, pribilegioa.
Winterthur (Suitza)
Ez da munduko eserleku erosoena izango baina goxo egotea badago zuhaixkaren ondoan eta kale-argiaren argipean. Hemen badira udazken koloreak: hostoen horia, ilunabarraren argi urdina eta kale-argiaren zuria.