St. Gallen (Suitza)
Eguzkiak berotzen du eta tenperatura goxoa da. Parkeetan jokoetan ibiltzeko garaia heldu da. Umeen gozamena.
Parkeko joko bat (A park game)
Kategoria: Hiriak (Cities)
Hareazko jolastokia (Sand playground)
St. Gallen (Suitza)
Uda hasierako egunotan jolastokia oraindik jarri gabe dago. Estalkia kendu eta hostoak garbitu ondoren, harea prest izango da haurren gozamenerako.
Zurezko eserlekua (Wooden seatar)
St. Gallen (Suitza)
Parkeko eserlekuan lasai egoteko tokia da, udako egunaren goxoaz gozatzeko. Zurezko aulkiak urtaro guztiak ikusi dituzte: neguko elurra, udaberriko belar berriak, udako intsektuak eta ume jolastiak eta udazkeneko hosto eroriak.
Harrizko eskilara (Stone stair)
St. Gallen (Suitza)
Eskilara mendian gora joateko. Honelakoez beterik dago Suitzako mendialdea, mendia beren bizimoduaren parte bait da.
Arbol zaharra enparantzan (Old tree in the square)
St. Gallen (Suitza)
Arbola zahar bat enparantzan. Garai bateko basoaren hondarra eta hiria bere inguruan hazten ikusi duena.
Fraidearen agurra (Greetings of the monk)
St. Gallen (Suitza)
St. Gallen hiriari izena eman dion fraideak bisitariak agurtzen ditu. Hartz bat otzandu omen zuen VIII. mende zaharrean Irlandatik heldutakoan. Monastegia sortu zen eta bere inguruan hiria.
Alfonbra gorrian bezala (Like a red carpet)
St. Gallen (Suitza)
Alfonbra gorrian ibiltzea bezala da, St. Galleneko kale honetatik paseatzea. Plastikozko estalkia denez, esertzeko ere erabil daiteke.
Harlauzazko zorua (Floor tiles)
Helsinki (Finlandia)
Harlauzazko zoruan putzuak, putzuetan islada eta isladan hodeiak eta zeruaren urdina. Helsinkiri agur esateko egunak hau utzi du. Makina bat gogorapen on eramango ditut. Gero arte.
Katedrale gorria (Red cathedral)
Helsinki (Finlandia)
Uspenski katedrale ortodoxoak katedrale protestanteari egiten dio so ondoko muino batetik. Errusiar garaitik datorren ondarea da hau eta gaur egun oraindik erabilgai dago.
Turista taldea hirira heltzen (Group of tourist arriving at the city)
Helsinki (Finlandia)
Hara turista talde bat monumentuei begira eta hiriaz gozatzen. Hau da Helsinkiko puntu turistikoenetarikoa. Itsas frontea, udaletxea, presidentearen etxea, Suediako enbaxada eta denen gainetik katedrale zuria.
Egurrezko etxe urdina (Wooden blue house)
Helsinki (Finlandia)
Etxe hauetan historia luzea gordetzen da. Hiru nazioetako jendea bizi izan da hemen. Suediarrak hasiera batean, mendebaldetik etorriak, errusiarrak gero, ekialdetarrak. Azkenean bertakoak, auzokideen dominazioa gainetik astindu ostean.
Etxebizitzak etorbidean (Houses in the avenue)
Helsinki (Finlandia)
Irla gehienbat bastioi moduan erabili izan da azken bi mendeetan. Etxe hauek soldadu familientzat eraikiak omen ziren. Gaur, berriz, etxebizitza pribatuak dira eta kafetegi atseginak aurki daitezke ere baten batean.
Horma sendoa (Strong wall)
Helsinki (Finlandia)
Sendo eraikitako defentsa eraikina hau. Gotorlekuaren hormak harri puxka handiz osatuak. Zurezko ateak zerraila mardulak jantzirik. Garaiotan neguko elurretatik babesterako baino ez dute balio, baina.
Zerua Helsinkiko sabaia (The sky the roof of Helsinki)
Helsinki (Finlandia)
Zeru amaigabea zoragarria da Helsinki egun oskarbietan. Ezker-eskuin hodei ibiltaridun zerua, Helsinkiko sabaia, urdin ageri da. Gaur bezalako okasioetan negu luze eta iluna erraz ahazten da.
Zeru ia erabat oskarbia (Almost blue sky)
Helsinki (Finlandia)
Eguna zeru urdin eta ia erabat oskarbiarekin esnatu da gaur Helsinki gainean. Egun galanta hiria ezagutzeko eta kostaldean txangoa egiteko.
Helsinkiko Kauppatori itsasotik (Helsinki Kauppatori from the sea)
Helsinki (Finlandia)
Helsinkiko portu zaharretik, Kauppatori, urruntzen ikuspegi polita dago. Eraikuntza monumentalak lehen lerroan eta denen gainean katedrale zuria, protestantea bera. Turistentzat irudi ohikoa.
Hiria elurpean (City under a snow storm)
Helsinki (Finlandia)
Elur ekaitza dator baina hiriak bere bizitzarekin jarraitzen du. Tranbia nabarmentzen da bere kolore berdeaz paisai zurian zehar higitzen den bitartean.
Terraza elurtua (Snowy terrace)
Helsinki (Finlandia)
Elurra ari du Helsinkin. Apirila hasiera ez da gauza berria. Terraza honetan elurrak oraindik galeraziko du eguzkipean esertzea.
Arratsalde ilun eta lainotsua (Dark and cloudy afternoon)
Helsinki (Finlandia)
Arratsalde ilun eta lainotsua, arbola biluziak, elurra eta izotza. Hiria desberdin ageri da. Neguko berokia jantzi eta ongi lotu. Beharbada bihar etorriko da eguraldi hobea.
Parke txiki elurtua (Snowy small park)
Helsinki (Finlandia)
Begirada bat bota leihotik eta parke elurtua ikusten da. Txikia, triangelu formakoa. Izotzak soilik hostoz biluztutako arbolak eta landare hesiak uzten ditu agerian.