Eguneko argazki bat
Santoña (Espainia)
Arratsaldea iluntzen ari bada ere, itsasoaren mugimenduak ez dauka etenik. Olatuak behin eta berriro etorri egiten dira, apar batean bukatuz hondartza ondoan. Ur ertzeko harea heze mantentzen da mantso-mantso heltzen den uhinen eraginez. Bitartean, zeruan hodeiek euriaren hurbiltasun betierekoa iradokitzen dute.
Santoña (Espainia)
Zerua hodeitsu, itsasoa bare, haizea gogor eta tarteka euriak bustia. Udazkeneko egun betea. Kostaldeko mendi, muino eta hondartzek itsasoa eta hodeien artean itxura ederra agertzen dute. Munduko txoko honek bere xarma osotasunean agertzen du honelako egunetan.
Santoña (Espainia)
Harrizko erraldoia itsas ertzean gelditu da izoztuta, itsasoari altuera handietatik begira baina mugitu ezinda, bere olatuen eta itsasaldien menpe. Handia eta gogorra ematen du baina aurrean duen erraldoia ez da ahulagoa eta nekaezin aritzen da bere karearrizko paretak higatzen.
Santoña (Espainia)
Itsas ondoko pasealekuan kostalde bikaina ikusten da. Itsas barruraino heltzen diren mendiekin josia, kantabriar itsasoaren olatuz beteriko uretan sartzeraino.
Helsinki (Finlandia)
Agur artxipielagoari momentuz baina bueltan izango naiz. Helsinki kostako zeru zabalez gozatzera, izotzean ibiltzera edo udan bainua ur hotzetan hartzera. Dena dalakoa, baina hemen berriro izateko desiratzen nago dagoeneko.
Helsinki (Finlandia)
Etxe handiak ere aurki daitezke. Gaur egun jatetxeak daude irudiko eskumakoan. Arratsalde-gau berezi bat igarotzeko lekua. Hiria ikusgai eta itsasoaren ondoan.
Helsinki (Finlandia)
Hemen nabigatzea ez da sinplea, ur gutxi bait dago. Irla guztiek, baina, dute kai txiki bat. Artxipielagoan udan da ibiltzeko garai onena. Untzi txiki batekin irlaz irla ibil daiteke. Sarri barbakoan erretzeko aukera ere badago.
Helsinki (Finlandia)
Hiria bistara daukate etxea hauek. Ez dira, beraz, urrutiko bizilekuak baina hemen bizitza gogorra bezain polita izan behar du. Urte osoa haizearen eta olatuen mende egon behar. Kotxearen beharrean, txaluparen menpe bizi behar. Bizimodu berezia.
Helsinki (Finlandia)
Itsasoan bidaiatu bitartean, untziaren alboan ura pasatzen ikusten da. Eguzkiaren islada, baina, guri jarraika dator. Han eta hemen, ere, etxeak ageri dira irla txikietan.
Helsinki (Finlandia)
Eguerdiko argi gogorrak itzalez betetzen du eguna. Gaur itsasoaren urdin kolorea ez da protagonista. Eguzkiak bere dirdira uretan isladatzen du, atentzioa bereganatuz.
Helsinki (Finlandia)
Itsas Baltiko zabala ikusten da irlaren hegoaldera. Ur barean isladatzen da eguzkia. Zerua oskarbi dago.
Helsinki (Finlandia)
Izotzak zaildu egiten dute untzien mugimenduak. Apurtutako izotz puxkak untziak eragindako zurrunbilo boteretsuetan dantzan hasten dira eta lortzen du lekua libratzea kaira hurbiltzeko.
Helsinki (Finlandia)
Helsinkiko badiako artxipielagoa. Irla askotan inor bizi da. Txalupa bat egon ohi da kai txiki batean. Ura eta haizearen menpe egon ei da bat hemen. Itsasoaren xarmak baina barruak betetzen ditu.
Helsinki (Finlandia)
Zeru amaigabea zoragarria da Helsinki egun oskarbietan. Ezker-eskuin hodei ibiltaridun zerua, Helsinkiko sabaia, urdin ageri da. Gaur bezalako okasioetan negu luze eta iluna erraz ahazten da.
Helsinki (Finlandia)
Eguna zeru urdin eta ia erabat oskarbiarekin esnatu da gaur Helsinki gainean. Egun galanta hiria ezagutzeko eta kostaldean txangoa egiteko.
Helsinki (Finlandia)
Itsaso izoztu ondoan dago industri gune hau. Fabrikek Helsinkiko kosta launeko ortzimuga itxuratzen dute. Tximinien ke zuria zeru estalien hodeien artean desagertzen da pixkanaka.
Helsinki (Finlandia)
Zurezko eserleku soila hondartza oso baterako? Ez dirudi oso erosoa denik. Parean dagoen kafetegira joan behar lasai edari freskoa hartzeko edo bokau bat hartzeko.
Helsinki (Finlandia)
Etxola hemen ez balego paisaia basatia eta baserritarra emango luke. Baina Helsinki ondoan gaude eta hiriko hondartza nagusia da hau. Udako egun beroetan jendea hona etortzen da usu eguzkiaren epelean egotera. Gutxi batzuk Baltiko itsasoko ur hotzetan bainua hartzen dute ere.
Helsinki (Finlandia)
Zutoina eta begiralearen aulkia dira hemengo ikurrak. Elurra eta izotza joan bitartean hondartzaren existentzia adierazten duten bakarrak.
Helsinki (Finlandia)
Begiraleek ez dira denbora batean hemen eseriko. Aurreko irlatxoaan urkiak, urrunean pinu basoak daude hemendik ikusgai.