Eguneko argazki bat
Helsinki (Finlandia)
Zutoin urdin-urdina elurrez betetako hondartzan. Egurrezko txoriak Hietarantako hondartzatik itsasora begira dago. Zer ikusiko? Orain izotza besterik ez. Uda partean, berriz, ur hotzetan korrika batean sartu-irten bat egiten duten haur eta nagusiak edo itsaso Baltikoko ur baretan dabiltzan belauntziak.
Helsinki (Finlandia)
Elurra da nagusi hondartzan. Urrun dago bainua hartzeko garaia. Oinatz gutxi batzuk baino ez dira ageri.
Helsinki (Finlandia)
Hondartza bertan dago, larrialdietarako igerigailuak erakusten duen moduan. Berrehun metrotara dago irlatxoa eta tartean eskialari bat dabil goiz paseoa ematen.
Helsinki (Finlandia)
Irlatxoa zuhaitzdunera eta argindarra dorrera oinez joatea dago. Itsasoa desagertzen bait da negu garaian badia izoztuaren azpian.
Helsinki (Finlandia)
Harri bat itsasertzean. Itsas urak ferekatuta, elur izoztuak besarkatuta eta eguzkiak berotuta. Egongo dira bestelako egunak, non itsasoak gogor kolpatuko duen eta, eguzki ezean, euriak bustiko duen.
Helsinki (Finlandia)
Itsas baltikoa lasai dago gaur. Ur gainazala laun dago, soilik uhin makal batzuek apurtua. Neguak utzi duen azken elurra itsaso ondoraino heltzen da.
Helsinki (Finlandia)
Ur putzuak granitozko harri gainean. Garai batean glaziarrak ziren nagusi hemen. Beren itsasoranko bidea harria sakon higatzen zuten. Arrastoak ikusgai daude oraindik.
Helsinki (Finlandia)
Itsas Baltiko zabala hemen. Ipar Europaren Mediterraneoa. Gatzik apenas dauka. Iraganean sarri lakua izandakoa. Ipar itsasotik banandua. Neguan parte handi batean izozten da. Baina udaberri hasiera honetan ur garbia ageri da.
Helsinki (Finlandia)
Itsas zabalak beste itxura du. Izotz puxka batzuk baino ez dira ageri. Bestela ura soilik ikusten da. Urdin ortzimugara heldu arte.
Helsinki (Finlandia)
Buiak izotz artean harrapatuak daude orain, baina laster joateko da. Orduan, itsas korronteen eta haizearen mende dantza egingo dute, ontziak noiz helduko diren zain.
Sorgenti di Aurisina (Italia)
Untzi bat gauaren erdian. Argiak ur barean isladatzen dira eta kokapena erakusten digute. Itsaso barnean untzi soil batek, handia dela ere, duen bakartasuna adierazten dute.
Sorgenti di Aurisina (Italia)
Hodei gorriak, zeru hori eta urdina eta ur lasaia. Udako gau hasiera koloretsu eta zoragarria.
Sorgenti di Aurisina (Italia)
Eguzkia ortzimugaren atzean sartu berri da. Arbolak dagoeneko ilunera joanda daude. Soilik zeruak gordetzen ditu argi printza batzuk eta urak haiek isladatzen ditu gureganaino.
Grignano (Italia)
Untziak amarratutak, masta bat bestearen segidan lerratutak dutela, itsaso leunean kulunkan.
Trieste (Italia)
Itsasoari begira dago hemeretzigarren mendean eraikitako Miramare gaztelua. Lorategiak, paseatzeko bidexkak, aintzirak, eta portua dauzka. Garaiko modura egokituak oraindik. Ferdinand Maximilian Austriako Kaiserraren anaiaren etxebizitza izateko sortu zen. Hemen zoriontsu biziko zen, bere azken bidaian Mexikora, enperadore kargu hartzera, joan zen arte.
Muggia (Italia)
Gaueko lehenengo orduak. Bada garaia portuan untzia amarratu eta atseden hartzeko. Bihar beste udako egun luze bat egongo zen arrantzatzen joateko edo belak zabaldu eta Mediterraneoaz gozatzeko.
Trieste (Italia)
Mola Audacek ausart egiten dio aurre Mediterraniar itsasoari. Zabala eta luzea. Portu bezala ez da erabiltzen gaur egun. Paseo baterako edo itsasoari begira arratsalde lasai bat pasatzeko leku ezin hobea da, baina.
Grignano (Italia)
Ekaitzak itsasoa harrotzen du. Pilpilean, dantzan hasten da ura. Ezinegona etorri behar den haizea eta euriaren aurrean. Gu, errespetutsu, babesera joan gara.
Grignano (Italia)
Untziak amarratzeko leku hau urteak daramatza erabili gabe. Arrantza untziak ez dira gehiago hemen paratzen eta belaontziak eta yateak ondoko kirol portuan sartzen dira. Amarralekua itsasoari begira dago orain, bakarrik, bere gogorapenak herdoilean galduz.
Grignano (Italia)
Trieste ondoan dagoen Grignanon mendia eta itsasoa artean kokatu dago. Portua da nagusi. Kirol portua, arrantz untzirik ez bait da geratzen.