Gossau (Suitza)
Eskultura bat ematen du argazki honek. Urrunean konkortutako estatua naturala eta hurbilago metalezko estatua mehe eta liraina. Taldea edertzen dute eguzkiak sortutako argi-itzalek.
Paisai eskultorikoa (Sculptural landscape)
Kategoria: Paisaia (Landscape)
Itzalen artean argia (Light among the shadows)
Gossau (Suitza)
Negu erdiko eguna da, baina zeru oskarbiak pixkat arintzen du giroaren hoztasuna eta gauaren luzera. Arratsaldeko itzalak luzeak dira eta apenas uzten dute argirako lekurik. Itzalez inguratuta geratu dira arbola, edo bere hezurdura esan daiteke, eta kaleko argia luzea.
Mendi magal eguzkitsua (Sunny mountain slope)
Chur (Suitza)
Itzaletan nahasten hasia dira inguruko eraikuntzak eta kaleak. Gu, baina, gure bidea jarraitzen dugu urruneko mendi zoragarriari begira. Bere magalean arratsaldeko eguzkiak kolore bikainak margotu ditu. Neguko lanbroak inguratzen du, bere oinarria misterioan ezkutatuz.
Gailur garratz elurtuak (Harsh and snowy summits)
Chur (Suitza)
Negu garaian tokatzen da elurra goi mendietan ikustea. Nere gogorako arrotza da mendi hauen erraldoitasun harritsu eta garratza ikustea. Haur garaiko gailur belartsu eta leunak etortzen zaizkit gogora. Hemengoek, berriz, edertasun exotikoak dute, eta lilura amaigabea sortzen didate.
Bordako jendetza (People in the hut)
Gais (Suitza)
Jendea bildu da txabola edo borda honen inguruan. Eguneko epeltasunak baliatuta egin dute paseoa eta lekua baliatu dute eguzkiaren errainuak xukutzeko.
Txabola bisitariekin (Hut with visitors)
Gais (Suitza)
Beste txabola bat. Honek bisitariak ditu. Goizeko eguzkiaz goxatzeko leku aproposa dela irizten diote, nonbait. Egunerokoan bestelako erabilpena izango zuen. Baserriko lanak betetzen laguntzeko jarria izango zen.
Txabola umila (Humble hut)
Gais (Suitza)
Txabola honek urteen zama nabari du. Eusten dio hala ere. Zelai gainean lekutua, barnean abereak edo beraien jana gordeko zituen. Gaur egun, bere betiko funtzioa betez gain, paisaia edertzen jarraitzen du.
Mendi haran bateko etxaldea (Farm of a mountain valley)
Gais (Suitza)
Mendi haran batean eraiki zen etxalde bat, zelai berdez inguratua, muino baten gainean eta basorako sarreraren aurrean. Eraikin apala zen baina lekuaren handitasunak jasoagoa egiten zuen. Hortxe bizi zen familia bat beraien animaliekin. Pozik bizi ziren, lekuaren edertasunaz gozatuz.
Goiz eguzkitsua mendi haranean (Sunny morning in the mountain valley)
Gais (Suitza)
Jende taldeek haranean zehar doan bidea jarraitzen dute goizeko paseo lasaia emateko. Hotzak arropaz babestera behartzen ditu, baina eguzkiak beraien beldurrak pixka bat arintzen ditu. Horrez gain, haranan dagoen ikuspegi zoragarriak ere barrua epeltzen du.
Baserria mendian (Mountain countryside)
Gais (Suitza)
Baserri eremua mendi aldean. Muinoaren magalean etxe multzoa ezarria dago, justu basoaren limitearen azpian. Beherago larreak, behiak elikatzeko, eta zelaiak, laboreak landatzeko, daude.
Bide distiratsua (Shiny path)
Gais (Suitza)
Lurrezko bidexka distiratsu ageri da eguzkipean. Izotz puxkek isladapean ageri dira distirak. Horrela ere, neguko arrats goiztiarra etorri baino lehenago paseo lasai bat hartzeko egun ezin hobea dago.
Jende ilada paseoan (Row of walkers)
Gais (Suitza)
Hasi berria den neguak denbora luzean etxe barnean egoten behartuko gaitu. Inguruko jendeak aprobetxatu du egun eguzkitsu ederra natura berraurkitzeko.
Mendien begiradapean (Under the high mountains)
Gais (Suitza)
Zerua oskarbi dago. Urrunean muinoak haranaren gainetik ageri dira. Oraindik urrunago, mendi gailur harrokatsu eta erraldoiak inguru guztia gainbegiratzen dute.
Neguko eguzkia (Winter sun)
Gais (Suitza)
Eguzkiak gogoz jotzen du zeruan. Negua izanda, baina, ez du nahikoa indarrik giroa berotzeko. Hala ere, gogoa berotu eta arintzen du. Paseoa bat emateko grina pizten du ere.
Zeru lainoa basamortuan (Overcast in the desert)
Dubai (UAE)
Zerua ilun antzean eta laino dago. Ez da leku honetako gure irudia. Basamortuak beti eguzkia eta beroa ekartzen bait digu gogora. Orain, baina, udazken bukaeran gaude eta giroa freskatzera jotzen du.
Paisai berria (New landascape)
Dubai (UAE)
Beste kontinente, beste munduko ia, paisaia eta natura ikusten dugu gure aurrean. Gure zuzeneko esperientziatik urrun dagoen lekua eta giroa sentitzen dugu gure inguruan. Gure barrunbeak aztindutak sentitzen ditugu.
Pinu basoa (Pine forest)
Schwellbrunn (Suitza)
Baso zabalak ikustea gustagarria da. Gaur egun, gure bizi eremuetan gutxi ikusten dira, gutxiegi ere. Sail ia birjin horietan naturari bere osotasunean garatzen uzten diogu. Berak eskertzen digu gure atmosfera garbituz eta gure bizitza hobetzeko lehengaiak bueltan emanez.
Mendi gainean zeru infinitoa (Infinite sky at the summits)
Schwellbrunn (Suitza)
Mendi gainetan zerua infinitoa da. Urruneko mendiek sortutako zerumuga arte hedatzen da eta beheragoko paisaia eta topografiari argia ekartzen dio.
Goiz eguzkitsua abenduan (December sunny morning)
Schwellbrunn (Suitza)
Goiza eguzkitsu esnatu da. Itsutu egiten du abenduako eguzkiak elurrean isladatzen denean.
Goiz lanbroa (Morning mist)
Schwellbrunn (Suitza)
Goiz lanbroa ez da erabat argitu oraindik. Gaueko hotzetik epeltzen ari da eguna. Elurrez estalirik dago mendialdea. Negua ate joka dator dagoeneko.