Eguneko argazki bat
St. Gallen (Suitza)
Gaua etortzen begira gelditu gara parke batean eserita. Inguruko zuhaitzak pixkanaka itzalez betez joan eta iluntasunean gorde dira. Zeruak, baina, beraien profila irudikatzen du arratsaldeko azken argien kontran.
St. Gallen (Suitza)
Larre berdeak, loreekin, fruitarbolekin, urrunean mendiak eta basoak. Bakartasun goxoa eta lasaiaren sentsazioa lagun. Mila esker laztana hitz polit hauengatik.
St. Gallen (Suitza)
Mendian gora etxaldeak eta larreak. Garai batean basoa eta animali basatiak ziren nagusi. Gaur egun, baina, gizakiak bere kasara itxuratu du Suitzako mendialdea.
St. Gallen (Suitza)
Zelaiak, muinoak eta hodei zuri handiak Suitzako mendialdean. Paisai zoragarriak. Paseoan ibiltzeko aproposa. Udaberri-udan mendizalez betetzen dira paraje hauek.
St. Gallen (Suitza)
Autobus horia herrien artean bidaiatzeko. Mendi magaletatik gora astiro, herri txikienetan ere geldituz eta zelai artean errepideari jarraikiz.
St. Gallen (Suitza)
Muino baten gainean bakarrik dago haritza, aldapan behera begira. Bakarrik, zelai baten erdian, begiralea ematen du.
St. Gallen (Suitza)
Udaberriaren oparotasuna irudikatzen da hemen. Larre berdea, sorgin belarraren lorea, arbola lore zuri irten berrriekin eta basoa mendian gora doala. Europako mendialdea horrelakoa da negua bukatu eta bueltan biziz betetzen denean.
St. Gallen (Suitza)
Zelaiaren berde argiak eta zuhaitzen berde ilunak fruitarbolaren loreen zuria azpimarratzen dute. Udaberriaren edertasuna bere gorenean.
Helsinki (Finlandia)
Zelai elurtu hauek Helsinkiko artxipielagoan dagoen gotorleku batena da, Suomenlinna. Historia bitxia du. Hiria babesteko eraiki zen, eta oso ondo eraiki ere. Azkenean, baina ez zuen ezertarako balio izan. Hemengo buruzagi suediarrak errusiar armadari utzi zion burruka egin gabe. Gaur egun, gizateriaren ondare da da UNESCOk izendatuta.
Helsinki (Finlandia)
Itsaso izoztu ondoan dago industri gune hau. Fabrikek Helsinkiko kosta launeko ortzimuga itxuratzen dute. Tximinien ke zuria zeru estalien hodeien artean desagertzen da pixkanaka.
Helsinki (Finlandia)
Zurezko eserleku soila hondartza oso baterako? Ez dirudi oso erosoa denik. Parean dagoen kafetegira joan behar lasai edari freskoa hartzeko edo bokau bat hartzeko.
Helsinki (Finlandia)
Neguan elurrez janzten dira arbolok. Beren jantzi berdea mantu zuriz ornatzen da. Ipar Europan pinuak berebiziko garrantzia dauka. Basoetan, zurgintza industriarako edo eraikuntzarako. Gauza askotarako da erabilia.
Helsinki (Finlandia)
Pasa den udatik diiraute belar hauek. Ezin esan behar bizi eta indartsu daudenik. Laster etorri behar diren belar freskoentza ongarri izateko bidean dago.
Helsinki (Finlandia)
Urkia udaberri hasieran enborra eta adarrak besterik ez da. Giro epelagoa baina laster helduko da.
Helsinki (Finlandia)
Arbolen artean ibiltzeko pasealekua zuri-zuri ageri da. Azkenengo elurteak bidea erabat estali du.
Helsinki (Finlandia)
Zurezko kaia ezerezera joateko dela ematen du. Ondo fijatu ezkero, nabarituko dituzu eskegitzeko egiturak. Udan hemen garbitu eta zikatzen dira alfonbrak. Baltikoko ura, apenas gazia dena, ezin hobea izan ei da lan honetarako.
Helsinki (Finlandia)
Oinatzak elurrean da bereizten den detaile bakarra. Bestela paisaia zuria da, lurra eta itsasoa nahastu arte. Izan ere, elur metaren atzean itsasoa bait dago. Izotzak estalia.
Helsinki (Finlandia)
Badia izoztuak irlatxoa eta kosta batzen ditu estalki zuri batekin. Kai luzeak ere badiaren beste aldea ukitu nahi duela ematen du.
Helsinki (Finlandia)
Lasaitasun eta soiltasun bila etorriko zen gizon hau. Espaloian eseri eta munduaz ahaztu. Bizkarrean hiriko mugimendua utzi eta begirada hustasunean finkatu, eguneko aferak ahazteko desiraz.
Helsinki (Finlandia)
Itsasoa izoztuta udaberri hasieran hemen. Egunak luzeak dira dagoeneko baina tenperaturak apenas ailegatzen dira zerora martxo bukaeran.