Eguneko argazki bat
St. Gallen (Suitza)
Egun honetan ere behelainoa ez zen egun osoan kendu. Mendi buelta egiten baserri honen ondotik pasatu nintzen. Tximiniako kea lanbroarekin nahasten zen eta etxaldea jan behar zutela ematen zuen.
Sarganserland (Suitza)
Atzoko irudiaren zuri-beltzeko bertsioan kontraste zoragarria da protagonista. Urtarrileko argi goibelak lagundu zuen argi tonuen banaketa egokia lortzen. Zuriak zuri eta beltzak sakonak.
Sarganserland (Suitza)
Goizeko leiak oraindik irauten zuen. Mendian beherako bidean, funikularretik etxola hau agertu zitzaigun bidean. Bakarrik zegoen pinudi baten zabalgunean.
Sarganserland (Suitza)
Gailurrean eguzkiak jotzen bazuen ere, bailara ilun dago eta behelainoaz estalita. Irudi polita. Pena funikularraren leihoak pixkat lausotzen duen.
Flumserberg (Suitza)
Flumserbergetik behera funikularrean bailara, Sarganserland, behelainoz estalita dago eta leiak zelaiak zuritzen ditu. Negu betea.
Flumsemberg (Suitza)
Negu gauetan Suitzako mendialdean ez dago giro baina hotelean goxo egoten da. Logelako berogailua pixtuta, lo kuluxka gustora egiten da afaltzen joan aurretik.
Flumsemberg (Suitza)
Zeru oskarbiko egun izan genuen baina arratsaldea azkar dator neguan. Itzalek pixkanaka mendikatea ere hartuko dute.
Flumsemberg (Suitza)
Eguzkia sartzen ari da gaurkoz. Urte berri eguna da eta goiz iluntzen du. Garaia da funikularra hartu eta toki bero batean sartzeko.
Flumsemberg (Suitza)
Flumsemberg inguruan ez daude Alpeetako mendirik altuena baina leku zoragarria da skia egiteko. Elurra, paisai alpinoak, eguzkia egun pasa baterako.
Flumsemberg (Suitza)
Mendi gainetan aterpeak aurkitzen dira sarri Suitzan. Uda partean egoten dira zabalik eta jaten eman ohi dute ere. Neguan berriz, elur artean galduak ematen dute.
St. Gallen (Suitza)
Atzoko irudi hemen. Orain baina, edizioarekin jokatu nuen irudiari hondoko kolorea gehitzeko. Lanbroak efektua lagundu du argi horixka ematen.
St. Gallen (Suitza)
Basoan zeharreko bidea urrunean lanbroan galtzen zen. Izotza arboletan zetzan. Negu beteko arratsaldea Suitzako mendialdean.
St. Gallen (Suitza)
Bidean enbor ebaki hau aurkitu nuen, inguruan zegoen bakarra. Basoa lanbroan murgilduan zegoen eta arratsaldeko azken eguzki errainuak zuhaitzen artean ageri ziren.
St. Gallen (Suitza)
Pinudi baten barrenera heldu nahi zuten eguzkiaren azken errainuek, elurrez erdi estalitako pinuak argi horitan margotuz.
St. Gallen (Suitza, Switzerland)
Mendi gainetik ikuspegi polita zegoen. Lanbroak bailara betetzen zuen eta arratsaldeko eguzkiak gainak gozo berotzen zituen.
St. Gallen (Suitza, Switzerland)
St. Gallen elurrez estaltzen da urtean pare bat hilabetetan. Garai horretan lanbroa ere sarri izaten da. Honetan bi elementu horiek zuhaitz ilada apaindu dute irudi gogoangarria sortzeko.
Gorbeia (Euskal Herria)
Zuhaitz zaharra protagonista gaurko irudian. Handia. Sendoa. Milaka ikusitakoak dituena. Hurrengora arte Gorbeia.
Gorbeia (Euskal Herria)
Gorbeiako gailurreko gurutzea urrunean ageri da. Hodei guztien gainetik.
Gorbeialdea (Euskal Herria)
Neguko argiak distira ateratzen dio lanbroari, gailurra ferekatuz igarotzen delarik.
Laudio (Euskal Herria)
Gau bezpera mendi gain batean berezia da. Ezagutzen dugun mundua lauso, poliki desagertzera jotzen du. Dena berria, arraroa eta misteriotsua da.