Dubai (UAE)
Abiadura bizian ibiltzen dira eraikitzen leku honetan. Basamortuari lekua kentzeko behar handia sentituko balute bezala.
Eraikuntza berria (New building)
Kategoria: Zuri-beltz (B&W)
Paisai berria (New landascape)
Dubai (UAE)
Beste kontinente, beste munduko ia, paisaia eta natura ikusten dugu gure aurrean. Gure zuzeneko esperientziatik urrun dagoen lekua eta giroa sentitzen dugu gure inguruan. Gure barrunbeak aztindutak sentitzen ditugu.
Pinu basoa (Pine forest)
Schwellbrunn (Suitza)
Baso zabalak ikustea gustagarria da. Gaur egun, gure bizi eremuetan gutxi ikusten dira, gutxiegi ere. Sail ia birjin horietan naturari bere osotasunean garatzen uzten diogu. Berak eskertzen digu gure atmosfera garbituz eta gure bizitza hobetzeko lehengaiak bueltan emanez.
Goizeko irudia (Morning picture)
Schwellbrunn (Suitza)
Itzal luzeak, goizeko eguzkia. Hodei luzeak, haizea goian.
Haizeak eramandako lanbroa (Fog dragged by the wind)
Schwellbrunn (Suitza)
Haize arinak aurpegia laztantzen digu. Gorago, baina, libre ibiltzen eta trabarik gabe ibiltzen da. Lanbroaren hodei alferrak gogoz eragin eta berarekin eramaten ditu bere bidai luzean zehar.
Baserri elurtua (Snowy countryside)
Schwellbrun (Suitza)
Paisai elurtua mendialdeko baserrian. Etxalde bakarti bat larre handiaren erdian, arbola soil batek lagundua. Inguruan basoa du, beraren zaindari. Eguzkiak lekuaren topografia margotzen du goizaldeko argiaren itzalekin.
Elur zuri izoztua (White frozen snow)
Schwellbrunn (Suitza)
Negua ate joka dator eta elurra bidali du hori gogorarazteko. Zuhaitz ilunak tapaki zuri izoztuaz estali agertu dira goizez. Zelaietan kolore zuria nagusitzen da. Horrela da begiek atzeman dezaketen leku urrunenerarte.
Harana erdi-iluntasunean (Valley in half-shadow)
Appenzell (Suitza)
Zeruko argia erabat itzali aurretiko momentuetan, harana erdi-itzaletan, erdi-iluntasunean, murgildua ikusten da.
Zuri-beltzezko paisaia (Landscape in B&W)
Appenzell (Suitza)
Zuria eta beltza nahikoak dira edertasuna transmititzeko eta ahoa zabalik uzteko. Hona hemen horren adibidea.
Nasatik begira (Looking from the platform)
Appenzell (Suitza)
Zain gauden bitartean, denbora geldo igarotzen da. Gogoa laster hasi behar dugun bidaiera doakigu. Itxaronaldiaren ezinegona pasatzeko, inguruko paisaira begira jartzen gara. Baserri hiritartu, landu, honek mendialdeko misterioa gordetzen du. Etxeak aldapan gora eraikiak izan dira, lur basatia menperatu eta etxekotu nahiean. Horrela ere, goi lurretako basoek oraindik handitasuna gordetzen dute.
Trenbideen bizitza (Life of railways)
Appenzell (Suitza)
Trenbideak gurutzatu, batu edo banatzen dira. Beraien helmuga badute ere, bertara heldu bitartean bide aberatsa izaten dute. Bizitzaren adibide erraza ematen dute.
Arbola argilunean (Tree against the light)
Appenzell (Suitza)
Argi kontrara desberdin eta elegantzia berezi batekin agertzen dira argazkien subjektuak.
Arbola argi-kontrara (Tree against the light)
Appenzell (Suitza)
Argilunean zuhaitzaren erradiografia ikusten da. Adarren forma okertuak, pinuaren hosto orratzen profila luzea, hosto multzoak, guztiak ikusten dira.
Adarren dantza (Dance of the branches)
Appenzell (Suitza)
Adarrak ahul eta apurkorrak ematen dute haizeak alde batetik bestera darabilenean, baina eusten diote astinduei. Jarraitzen dute bere lekuan, prest haizearen hurrengo harroaldirako.
Arratsaldeko ikuspegia (Evening view)
Zurich (Suitza)
Arratsalde honetan hodeiak dira nagusi zeruan. Argia gutxinaka ari da apaltzen eta inguruetako detaileak itzalen barnean galtzen hasiak dira.
Metalezko txori erraldoiak (Giant metal birds)
Zurich (Suitza)
Metalezko txori erraldoiak bare daude hangarrean aparkatuak, baina zeruan abiadura bizian doazela ozen egiten dute orro. Xamurki esnatzen dira. Lehenengo pausoak astiro eta pauso astunekin egiten dituzte pistetan zehar. Baina abiadura hartzen duten heinean, transformatu egiten dira. Ez dira metalezko tramankulu astunak, airea artezki nabigatzen duten belatzak baizik.
Hodei itsasoa borborka (Boiling cloud sea)
Alpeak
Hodei itsasoa borborka dago. Mendi gailurren artetik bilatzen du bere bidea baina ezin du besterik gabe igaro. Idortu eta gelditu egiten da harrizko erraldoien eraginez.
Gailur elurtuak (Snowy summits)
Alpeak
Hodei itsasoaren artean ageri dira gailur gutxi batzuk. Garaienek soilik sar dezakete muturra, betiereko eguzkiaren eremuan. Beherago giro iluntzen duen arren, bertan eguzki-argi purua nagusi da.
Alpeak hegazkinetik (Alps from a plane)
Alpeak
Hegazkinaren leihoak bestela ikusteko zaila diren paisaiak ikusten uzten digu. Inpresio handia egiteko moduko ikuspegi aparta daukagu alpeen gainetik hegan egitean. Garai batean oztopo ia gaindiezina zena aisa igarotzen da airean milaka metrotan hegaz eginez.
Hodeiak, harroka eta elurra (Clouds, rocks and snow)
Alpeak
Gailurren ertz zorrotzek argiak eta itzalak banatzen dituzte. Elurra, baina, goi mendi osoan zehar hedatzen da. Hodei xumeek, berriz, harrokazko kolosoak ukitzen eta miazkatzen dituzte.