Eguneko argazki bat
Pfäfers (Suitza)
Arroka barnean haitzulo bat dago. Uraren jario etengabeak sortutakoa da eta nabari du hormen geruza leunduetan. MIlurteetan zehar ilunpean egindako lan ezkutua da eta hura ikustean lilurak betetzen gaitu.
Pfäfers (Suitza)
Itzalak beltz, argiak zuri. Horrela agertzen dira egun eguzkitsuetan.
Pfäfers (Suitza)
Arroila estuan erreka bizi doa. Harrien artean saltoka jeisten da, bidean aparra utziz.
Orio (Euskal Herria)
Belarriak luze. Muturra ere. Begiak triste antzera, begirada malenkoniatsua. Lepo luzea eta mardula. Burua baxu mantentzen du, bere pisua ezin jasan izango balu bezala.
Oro (Euskal Herria)
Harrokak bizitoki garratza izango dira, baina landare batzuk kapazak dira bertan sustraitzeko. Pixkanaka osatzen dute lur sail txiki bat non elikagaiak pilatuko diren.
Oro (Euskal Herria)
Muino leunak basoek estaliak betetzen dute begirada, urruneko arkaitz altu eta gogorretaraino heldu arte.
St. Gallen (Suitza)
Kolore guztietako ohialak bildu eta karratu koloretsuetan elkarri lotu dituzte alfonbra eta mahai zapi biguna osatzeko. Beraren gainean paseoa eman eta tripa zorriak kentzeko eseri. Horrela ari dira bisitariak.
Jolasteko gogoz dauden familiak, paseoan dabiltzan gazteak, denek aurkituko dute bere lekua hiri-piknik honetan.
St. Gallen (Suitza)
Atso panpoxak eguneko paseoa egitera irten da. Ibiltzeko makilak erabiltzen baditu ere, ez du dotoreziarik galdu.
St. Gallen (Suitza)
Hiri honetako erdigune historikoa ez da soilik leku polit bat, leku bizia da ere. Jendea hurbiltzen da jatera, edatera, erostera edo, besterik gabe, paseatzera.
St. Gallen (Suitza)
Metalezko erraldoiak argindarra garraiatzen duten kableei eusten die. Baso eta zelaien gainetik eramaten ditu herri eta hirietaraino garraiatu arte.
St. Gallen (Suitza)
Altuak, zuzenak hazten dira basoko izaki handienak. Lurrazpiko elikagaiak eta eguzkiko argia elkarbanatzen ikasi dute elkarrekin hazteko.
St. Gallen (Suitza)
Arrantzalearena lantegi bakartia da. Inor ez du inguruan eduki nahi. Arrainengatik lehian ez ibiltzearen nahiagatik edo.
Hegazkinetik (Airean nonbait)
Hodeia hemen eta ura urrunean? Mundua aldrebez dagoela ematen du. Horrelakoa da hegazkinez bidaiatzearen magia.
Oro (Euskal Herria)
Paretazko harrien artean eta iskina batean dagoen argindarra neurgailu kutxari irribarre sinpatikoa jarri diot norbaitek. Jarri dion hori sinpatikoa izango al da ere? Ziurrenik beste inorri irribarrea eragitea izango zuen helburu. Horrek sinpatikoa bihurtzen du.
Oro (Euskal Herria)
Banku honek zatar itxura dauka. Goroldioak jan behar du eta esertokiak forma galduta dauka. Itxura nahiko zatarra, alajaina.
Oro (Euskal Herria)
Eserleku huts bat aurkitu dut. Belar ebaki berridun zelai batean dago. Bere gainazalean goroldioak hazten dira. Bertan atseden hartuko dut.
Oro (Euskal Herria)
Eguzkiak, teilatuaren ertzak eta harriek bat egiten dute efektu iradokitzaile hau horman sortzeko.
Oro (Euskal Herria)
Egongo al da zelai hau baino leku hoberik behi pare honentzat eta udaberri sasoiean? Beraiei galdetu beharko, baina ni hemen primeran daudela esango nuke.
Oro (Euskal Herria)
Kristalezko botila handi bat aurkitu dut. Hutsik dago. Jangela handiago batean dago erakusgai, baina barruko edukia falta da. Ardoa gordeko zuen beharbada?