Rapperswil (Suitza)
Ama kume bikotea izango al da zooko bere kaiolan paseoan ari direnak? Ez daukate presarik, nora joan behar dira eta?
Ama eta kume elefantea (Mum and cub elephants)
Urazpiko hostoak (Under the water leaves)
Zurich (Suitza)
Urmael txiki bat bazegoen parkean. Bertan metatzen doaz inguruko arboletatik eroritako hostoak. Hosto erorien kolore harreak eta urazpiko zoruaren hautsak, distira gabeko itxura ematen dute.
Zeru oskarbi eta zuhaitz biluziak (Blue sky and naked trees)
Zurich (Suitza)
Zerua oskarbi, zuhaitzen adarrak erdi biluzik. Udazkenean gaude eta haize hotza dagoen arren, giroa polita da. Gustora egoten da paseo laburra ematen.
Pagoda bat (A pagoda)
Zurich (Suitza)
Pagoda motako eraikuntzen kiribilek eta puntek, bata bestearen gainean jarritak, itxura fantastikoa dute. Urruneko lurraldeen istorioak ekartzen dituzte gogora.
Lorategi txinatarra (Chinese garden)
Zurich (Suitza)
Lorategi txinatar bat hemen? Hau sorpresa. Harritu eta hunkitu egin nau. Udazken erdiko kolore goxoek ematen diote itxura erakargarria. Merezi du momentu batez gelditu eta
Arratsalde argitsua (Light afternoon)
Zurich (Suitza)
Udazken arratsalde epel batean zerua tarteka hodei zuriz estalita zegoen. Zeruko ibiltari nekaezinak ez zuten giroa erabat goibeltzen. Eguzki argia lausotu baino ez zuten egiten. Urtaroko hoztasunaz tarte batean ahazteko nahikoa zen.
Arroka, belarra eta zuhaitzak (Rock, grass and trees)
Höher Kasten (Suitza)
Inguruko basoetatik harro nabarmentzen den harkaitz puska deitu dit atentzioa. Arroka, belarra eta zuhaitzak elkartu dira ikuskizun ederra sortzeko.
Harkaitz erraldoia (Giant rock)
Höher Kasten (Suitza)
Mendi gailurretik begira, harrizko erraldoia nabaritu nuen. Inguruko bailarak behatzen ditu. Belarrak apenas ezkutatzen ditu bere forma garratzak. Mendi pinudiak apenas ezkuta ditzakete bere hegal zabalak.
Mendi baten hegala (A mountain slope)
Höher Kasten (Suitza)
Mendi magala belardi bigun eta goxoekin estalita dago. Azpiko harkaitzaren gogortasuna samurtzen duten belardiak.
Mendialdeko txoria (Mountain bird)
Höher Kasten (Suitza)
Bizi al dira txoriak altuera handi hauetan? Haize bortitza eta tenperatura baxuen menpe egotea gustoko al dute?
Urruneko planetan (Afar planet)
Höher Kasten (Suitza)
Harkaitz soileko ingurune ilun eta bakarti batean egotearen itxura hartzen dut. Halako batean esnatu eta urruneko planeta arrokatsu batera bidaia izanaren sentsazioa daukat.
Jateko orduko bisitari hegalariak (Flying visitors at lunch time)
Höher Kasten (Suitza)
Belar gainean eserita eroso eta gustora dago irudiko taldea. Mendi eta lainoak ikusten luze egon daitezke. Bitartean mokau bat hartzen hasi dira. Momentu horretan hurbildu zaizkie bele talde bat jateko eske. Urrunera heltzen dira animaliok jateko erraza lortzeko.
Kotoizko itxasoa (Cotton sea)
Höher Kasten (Suitza)
Kotoizko itxaso biguna eta goxoa ematen dute hodeiek gainetik ikusten dutenei. Behetik bestelako itxura ematen dute. Sabai iluna eta mehatxagarriaren itxura dauka, euria eta ospela dakarren kartzela bat.
Oskarbi mendi gainean (Sunny at the summit)
Höher Kasten (Suitza)
Eguzkia goian eta hodeiak behean. Egun ezin hobea mendira igotzeko. Gozatu momentua!
Astoa mendi gainean (Donkey in the summit)
Höher Kasten (Suitza)
Mendia guztiontzat da. Asto batentzat ere. Bestelako diskusioa da bere borondate hutsez igo den. Gustorago ez al da ibiliko belardi eta basoetan zehar, belar freskoa jaten duen bitartean.
Hodeiei begira (Looking at the clouds)
Höher Kasten (Suitza)
Gailurrera heldu eta zer egin? Inguruko paisaia lasai behatu, adibidez. Mendiak, zerua edo basoak ederrak baino ederragoak dira. Behe-lainoek ikuspegia estaltzen badute. Hodei itsaso bera ikusteaz goza daiteke.
Lainoa gailur artean (Mist between summits)
Höher Kasten (Suitza)
Behe hodeiak haranetan pilatzen dira aire hotzari jarraiki. Mendi gainak berriz eguzki argitan distiratusu ageri dira. Laino artetik agertutako gailurrak dira edo itsasoak inguratutako kostaldeko labarrak?
Lanbro grisa eta ospela (Grey and shady cloud)
Höher Kasten (Suitza)
Lanbroa hurreratzen doa baserriko herrixkara. Orain arte eguzkipean udazkeneko egun ederraz gozatu duten biztanleak, lanbro grisa eta ospela beraien gainean kokatzen ikusten dute.
Lanbroak dena estaltzen du (Cloud cover)
Höher Kasten (Suitza)
Haranak hodei trinkoen itzalpean daude eta gailurrak baino ez dira ikusten. Lanbroak dena estaltzen du.
Hodei estaldura (Clouds cover)
Höher Kasten (Suitza)
Hodeiek lautadak estaltzen dituzte. Zerumugaraino hedatzen dira eta behe aldeko baserria eta goialdeko mendialdea banatzen dituzte. Alfonbra zuri bigun batek banatzen ditu.