Konstanz (Alemania)
Arrain multzo honetan lasaitasuna da nagusi. Ohitutak daude bata bestearen ondoan egotera eta denak kristal baten bestaldeko izaki arraroei so daude.
Arrain multzoa (Fish group)
Etiketa: akuario
Arraina bere bizitokian (A fish in its pond)
Konstanz (Alemania)
Arrain bat bere bizitokian dabil hara eta hona. Lekua arrunta iruditzen zaio, pareten artean bilduta dagoela konturatzen den arte. Gainera, paretetako bat beirazkoa da eta hormaren beste aldean gizakiak, bata bestearen atzetik, agertzen dira, atseden gabe. Eskerrak gauez beraien etxera doazela eta gu lasaitasun pixka bat izan dezakegula.
Arrain berezia (Special fish)
Konstanz (Alemania)
Hara! Zer animalia mota da hau? Marrazoa ematen du, baina biboteak dauzka! Eskerrak ematekoa da, honelako arrainak ikusi ahal izatea. Bestela, lehorreko pertsonok ez genituzke inoiz honelako izakirik ikusiko.
Arrainei begira (Watching the fishes)
Konstanz (Alemania)
Arrain talde hau ondo konpontzera behartuta dago akuario barruan bizi behar badute. Honi esker ikus ditzazkegu mota desberdinetako animaliak gure etxe ondoan. Baina gustatuko al zaie elkarrekin egotea? Itsasoan aske bizi ezkero ere osatuko al zuten taldea?
Urazpiko garezurra (Under water skull)
Konstanz (Alemania)
Zer egiten du mendi ahuntz baten garezurrak urazpian akuario batean? Apaintzeko beharrak puntu honetaraino eramaten ditu lekuko arduradunak. Arrainek behintzat ez dute arazo izango berarekin. Ezkutaleku edo atsedenleku berri bat besterik ez da.
Akuarioko arrain saldoa (Fish group of the aquarium)
Zurich (Suitza)
Arrain saldo bat ari da bere egunerokoan. Alde batetik bestera igeri egin eta jatekoaren bila ari. Besterik ez dute egiteko, elkarri mokoka haztea ez bada. Akuarioetan horrela da bizitza, erraza baina mamirik gabea.
Akuarioan (In the aquarium)
Zurich (Suitza)
Nola biziko dira arrainak bere akuarioan. Alde batera eta bestera igeri egin eta beira puska baten bestaldeko izaki erraldoi arraroak behatzea baino ez dute egiten. Beno ba, tarteka jan ere egiten dute. Baina bizitzako beste kitzikagarriak faltan botako al dituzte. Hala nola, aske ugaltzea, harrapakariengandik ihes egitea, janari bilatu eta ez aurkitzea. Beharbada, guztiak ez dituzte bueltan nahi izango …
Arrain txiki baten anatomia (Anatomy of a small fish)
Gossau (Suitza)
Arrain txiki hau ia gardena da. Barneko organoak itzal modura ageri dira. Buru zabala eta luzea, begi irtenak dauzka. Izaki sinplea da eta bizimodu sinplea dauka.
Formak dauzka azalak (Skin with forms)
Appenzell (Suitza)
Formak dauzka animaliaren azalak eta forma horiek apurtzen ditu gaineko irudiaren forma organikoek. Hipnotizagarria da segitzea lerroaren nahasketa nola hedatzen da gorputzaren ertz guztietara.
Hori eta beltz (Yellow and black)
Appenzell (Suitza)
Ikusgarria arrain hau. Ezkaten gainean larruazala janztearen itxura dauka. Hegatz zabalekin eta isats sendoa darabiltza pauso lasaiean igeri egiteko.
Arrain poteretsua (Powerful fish)
St. Gallen (Suitza)
Aho luzedun arrain honek beste itxura bat dauka. Itsasoak nabigatzen ditu jatekoaren bila. Gorputz handia, ezkata gogorrak, begi behakorra. Ez du saldo baten premiarik bizitza aurrera ateratzeko.
Ezkata koloretsuak (Colourful scales)
Appenzell (Suitza)
Urazpiko izakien azalak beti misteriotsuak eta miragarriak dira lur gainekoontzat. Sarri kolore lauez apaindurik daudela ematen badu ere, argi egokia aukeratu eta erabateko transformazioa izaten dute. Orduan bai, beraien ezkata finek argia isladatzen dute, eta kolore biziak azaleratzen dira.
Arrain txiki finak (Small fishes)
Appenzell (Suitza)
Hegatz finek bere gorputz fina bultzatzen dute. Uraren oszilazioetan gora eta behera, ezker-eskuin nabigatzen dute. Tamaina txikia dute. Apurkorrak dira. Itxura makala dute. Hala ere, energia ez du faltan. Ez diete galaraziko bere bizitza aurrera ateratzen.
Arraina saldoan (Fish in school)
Appenzell (Suitza)
Arrainak saldoetan nahi du. Bertan bere indibidualitatea galtzen du eta lasai dago. Taldearen joerei jarraiki joatea bere bizitza bizitzeko aukera ematen dio. Denbora erosten dio bere bizitza eraikitzeko.
Ura korrontean (Water in current)
Appenzell (Suitza)
Tutuak ura berritzen du eta ur korrontea hedatzen du ontzi osora. Arrainek omen dute gustokoa ura mugimenduan izatea. Izango da, itsasoan eta ibaietan ura ez bait da geldirik egotekoa.
Arraina eta aingira (Fish and eel)
Appenzell (Suitza)
Aingira fina eta luzeak apenas ikusten da arrain puxkaren ondoan. Hala ere, arrainak ez dio begirik kenduko. Arrazoi onen bat izango du errespetua izateko. Bakoitza bere lekuan egoten da, akuarioaren estutasunaren barruan ongi eramateko. Aurkitu dute bere lekua. Guk ere aurkituko al dugu gure lekua? Ematen du beste bizilagun guztien lekua hartu arte ez garela pozik egongo.
Ikusi nuen alga bat (I saw an algae)
Appenzell (Suitza)
Ikusi nuen behin batean, akuario polit batean, algatxo bat txiki eta berdea. Enborrik ez zuena, kolore argia zeukan, eta urak kulunkatzen zuen, goxo eta astiro.
Akuarioaren itzalen artean (Among the shadows of the aquarium)
St. Gallen (Suitza)
Itzalen artean ari dira igerian arrainak. Algen itzalak, harrien itzalak, zur zatien itzalak betetzen dute akuarioaren txokoak. Animali igerilariak aurrera eta atzera dabiltza, txokoak behatuz, janari bilatzen.
Kopia igerilariak (Swimming copies)
St. Gallen (Suitza)
Arrain bakoitza aurrekoaren kopia koloregetua ematen du. Ezkatak distiratsuak, hegatsak gorri kolore bizikoak. Urazpiko animaliek badute berezko xarma, ur gainean ezagutzen ez dena.
Arrainak hegan? (Flying fishes?)
St. Gallen (Suitza)
Arrainek ura behar dute, guk airea behar dugun bezain beste. Ari dira airean igeri egiten? Uraren soiltasunak horrela pentsatzera eramaten du, baina likido gardena indartsua eta aberatsa da. Animali igerilariak zein bizitza bere osotasunean sostengatzen berebiziko ahala dauka.