Saas Fee (Suitza)
Arroka eta izotzazko paisaia honi begiratzen bat ez da nekatzen. Handia, gogorra, polita. Dena dauka.
Handia, gogorra, polita (Big, hard, beautiful)
Etiketa: arroka
Arroka, belarra eta zuhaitzak (Rock, grass and trees)
Höher Kasten (Suitza)
Inguruko basoetatik harro nabarmentzen den harkaitz puska deitu dit atentzioa. Arroka, belarra eta zuhaitzak elkartu dira ikuskizun ederra sortzeko.
Harrizko pareta erraldoia (Giant stone wall)
Flims (Suitza)
Nahiz eta euri-lanbroak lausotu duen, harrizko pareta erraldoiak harana etengabe zaintzen du.
Arrokako landare txikia (Small plant of the rock)
Oro (Euskal Herria)
Harrokak bizitoki garratza izango dira, baina landare batzuk kapazak dira bertan sustraitzeko. Pixkanaka osatzen dute lur sail txiki bat non elikagaiak pilatuko diren.
Harroka, arbola eta belardien metaketa (Piling of rocks, trees and fields)
Oropa (Italia)
Arroka, arbolak eta belardiak bata bestearen ondoan pilatzen dira. Zerurako bidea hartu dute, gure buru gaineko erraldoia sortu arte. Goiak ezkutuan dituen erraldoia, lanbroaren artean sartzeraino hazita.
Arroka erraldoia gogoan (About the giant rock)
Laga (Euskal Herria)
Arrokaren azala garratza da uretan sartu arte. Urteek, gizaldiek, arrastoa utzi dute. Gizasemeok txingurriak ematen dugu bere ondoan. Berea bestelako denbora eta bestelako tamaina da.
Arroka eta itsasoa (Rock and sea)
Bakio (Euskal Herria)
Gainazal garratza eta apurtua daukate arrokok. Ur gainazal leunaren alboan kontraste ederra.
Arroka garratza (Harsh rock)
Bakio (Euskal Herria)
Uretatik irtetzen den arrokak estatua garratz baten itxura hartu du. Itsasoaren gora-beherek eta erasanek zizelkatua da. Gogorra eta bakartia ageri da ur amaitezinez inguratua.
Kostaldeko arroka (Rock in the coast)
Bakio (Euskal Herria)
Arroka batek itsasoari aurka egiten zion kostaldeko leku arriskutsuenean. Tinko eusten diola ematen zuen baina zahartzen zihoan heinean txikitzen joan zen. Puxka txikiak galtzen hasi zen. Txikiak hasieran eta handiagoak tarteka. Indartsu zirauen baina itsasoaren indarrak arrastoa uzten zion. Egun batean arrain handi eta zahar batek ikusi zuen eta harrituta esan zuen: bai leku ederra!
Itsasoari so (Looking at the sea)
Gaztelugatxe (Euskal Herria)
Baseliza bat tontor txiki baten ondoan eta itsasoari begira. Itsasoan lan egiten dutenen zaindariari eskainia. Bueltan ekar ditzan erregutzen diote. Izango da honegatik edo bestelako arrazoi arruntago bategatik, baina leku hau jende andanak maite du.
Lainoak haran behekaldean (Fog in the valley bottom)
Engelberg (Suitza)
Lainoak jeitsi dira haranaren behekaldera. Eguneko hotzak erakarriko zituen. Izan ere, neguko eguzki ahulak nekez berotzen bait du lurra.
Mendi orografia (Mountain orography)
Engelberg (Suitza)
Mendi gailurretatik hobekien antzematen da, arroka erraldoien orografiaren nolakoa. Tontor bat mendi magalean dena, nahikoa handia da eraikuntza oso bati eusteko. Inguruaren gainetik altxatzen da irla bat inguruko itsasoaren gainetik bezala.
Eguzkia mendi atzean (Sun behind the mountain)
Engelberg (Suitza)
Eguzkia mendi atzean ezkutatzeko dago. Itzalei eta hotzari bidea libre uzten die gain hartzeko. Hurrengo goizerarte nagusi izango dira. Ez da gutxi neguan. Ilargiaren gauak eguzkiaren egunak baino indar handiagoa duen garaia da.
Arkaitz horitua (Yellowed rock)
Simplon (Suitza)
Arratsaldeko eguzki argiak laztandu ditu harrizko pareta latzak. Bere orografia apurtuak argiak eta itzalak sortzen ditu. Azken errainuen kolore beroa ere hartu du.
Tximino txiki polita (Small cute monkey)
Gossau (Suitza)
Tximino txiki polit hau haurrentzako filma fantastiko batetik aterata ematen du. Animali honek, ordez, zoo honetan biziko zen jaio zenetik. Zinemak ez dio batere axola. Harroka faltsu batean ematen du egun osoa eta benetako ohianik ez du ezagutzen.
Mendiak oztopo (Mountains are obstacle)
Alpeak
Hodeiak heldu dira mendikateraino eta ezin aurrera jarraitu gelditu dira. Horrek moldatzen du lekuko haranen klima. Hemen goian, baina, klima hotza eta haizea da.
Harroka biluztua (Naked rock)
Isla (Espainia)
Harroka honek itsasoaren erauntsiari eusten jarraitzen dio. Monolito moduan geratu da itsas zabala eta kostaren artean. Olatuen talken biktima izaten da baina itxura ederra, dotorea, izaten jarraitzen du. Azal garratza, paretak altuak eta landareen gabezia, ondorioak izan beharrean, harrotasunerako arrazoiak ditu.
Aparrezko dorre zuria (White tower of foam)
Isla (Espainia)
Harroka artean jotzen du olatuak. Aparra forma gabeko dorre zuri baten modura altxatzen da. Kostarako bidean, norabidea galdu duela ematen du.
Apar zuria harroka latzean (White foam on the tough rock)
Isla (Espainia)
Apar zuri harroak eta harroka gogor garratzak egiten dute topo. Behin eta berriz, etengabe, elkartuko dira. Beraien harremana, baina, ez da goxoa, bortizkeriak ekarritakoa baizik.
Ekaitz giroa sortzen (Forming a storm)
Isla (Espainia)
Borborka dago itsasoa. Olatuak bata bestearen atzean datoz, harrokaren kontra indar betean apurtzen diren arte. Orduan ere ura aparrez betea uzten dute. Zerua ilun dago, euri hodeiek ilundua, eta haizeak ufada gogorretan dator. Ekaitz giroa sortzen ari da.