Eguneko argazki bat
Zurich (Suitza)
Nola biziko dira arrainak bere akuarioan. Alde batera eta bestera igeri egin eta beira puska baten bestaldeko izaki erraldoi arraroak behatzea baino ez dute egiten. Beno ba, tarteka jan ere egiten dute. Baina bizitzako beste kitzikagarriak faltan botako al dituzte. Hala nola, aske ugaltzea, harrapakariengandik ihes egitea, janari bilatu eta ez aurkitzea. Beharbada, guztiak ez dituzte bueltan nahi izango …
Appenzell (Suitza)
Arratsaldea aurrera doa eta afalordua ez bada ere, eguna gautzen hasi da. Pixkanaka iluntasuna eta hotza nagusituko dira. Hobe aterpean egotea ordurako.
Appenzell (Suitza)
Zeruak eta lurrak bat egin al dute? Elurraren magiarengatik apenas bereizi daitezke.
Appenzell (Suitza)
Kanpokaldea azkar aldatzen da. Mugitzen dago. Bidaiatzean gure ikuspuntua aldatzen da. Horrek egingo al du berezi?
Appenzell (Suitza)
Bidean aurrera joan basoak, zur metak eta belardiak atzean utziz. Hori da bidaiatzea.
Flims (Suitza)
Udako sargoriak euria ekarri ohi du beroarekin batera. Euria barra-barra hasi da eta inguruko mendiak lausotutak geratu dira ur pantaila atzean.
Appenzell (Suitza)
Etxerako bidean trena hartzean, eseri eta leihotik begira egotea da ohikoena. Paisaia nola abiada betean igarotzen den ikusiz betetzen da denbora. Beti leku eta gauza berriei so egon, etorri diren bezain azkar desagertzen diren arte.
Freiburg (Alemania)
Umea ari da dibertitzen edo jostatzen. Aurrera eta atzera kulunka egin, barre batzuk bota, abiaduraz gozatu. Sentimentu horiek denak batu zaizkio eta pozik dago.
Negua pausoka aurrera doa gure trena bezala. Egunak laburrak eta ilunak dira. Elurra ez du ari izan oraindik. Naturaren koloreek grisetik daukate. Belarra laburra da, lorerik gabekoa, kolore gabekoa.
Gossau (Suitza)
Leiho edo beirazko paretetan isladek misterio itxura ematen dute. Ametsen leihoari begira ote gauden galdetzen diogu gure buruari. Ia gizatiarra den animalia ikusita gure irudimenak hegaz egiten du urruneko paraje gustokoenetara.
Montreux (Suitza)
Lausotuta dauzkat begiak. Formak eta argi-ilunak ikusten ditut. Soilik. Ederrak dira formak eta ederrak dira beraiek dakarten gomutak.
Montreux (Suitza)
Ahate bi hauek martxa ona daramate ur gainean igerian. Atzean uhina uzten dute. Triangelu itxurako olatu koskorra beraien bidea markatzen du. Gauaren hurbiltasuna sentituko dute eta azken paseoan irtengo ziren lotarako lekua aurkitu baino lehen.
St. Gallen (Suitza)
Lauso dago oilar ikusgarria. Ez du interes handirik erakusten hesiaren bestaldean gertatzen denarekiko. Bere gauzetaz arduratzen utziko dugu. Bazkaria bilatu beharko du edo oiloei kasu egiteko gogo gehiago izango du guri arreta jartzeko baino.
St. Gallen (Suitza)
Akerra inoiz baino akerragoa ematen du irudi honetan. Itxura beldurgarria dauka. Akelarre baterako bidean egongo al da? Sorginak zenbaiten buruetan baino existituko ez balira, hemen izango zuten bere lagun bitxia.
Kronberg (Suitza)
Mendi gailur batean negu erdian ez dago beste ezerren esperantza. Haizeak gogor jotzen du elur ekaitza baten erdian. Naturak bere legea ezartzen du. Ez dago aurre egingo dionik. Bere nagusitasuna eta indarra argi ageri da.
Engelberg (Suitza)
Mendian gora goaz eta aurreko ibilgailuaren irudia hauteman baino ezin dugu ikusi. Hain dago itxia lanbroa. Momentu batez, munduan gu baino ez garela existitzen ematen du. Ihes egin dugu eta ingurua gure ondotik astiro eta erabateko isiltasunean igarotzen da.
Engelberg (Suitza)
Lanbroa lurrera jeitsi den hodei bat bada, aurreko horiek berarekin jeitsitako metalezko hegaztiak izango al dira? Laino barruko lausotasunak ez du argi ikusten uzten. Buruak hegan egiten du ere okasio hauetan.
Engelberg (Suitza)
Gautzen ari du eta argi ezak inguruak urrundu ditu guregandik. Argazki makinak itxaroteko eskatu dit irudia sortzen zuen bitartean. Ni, berriz, patzientzi gutxikoa izanik, behar baino lehenago mugitu dut kamera. Argazkiak harrapatu duen mundu puska lauso agertzen da, baina aldiberean polita. Egunerokotasunean nahigabe ezkutatuta bizi den arratsaldearen poesia sentitu dut argazkia ikustean.
Gais (Suitza)
Lauso nahi gabe ikusten da kanpokoa. Ez da begi txarrik eduki behar. Ez da betaurrekorik kendu behar. Barrura begiratzeko momentua da.
Gais (Suitza)
Trenak bideari darrai eta kanpoko mundua abiada bizian pasatzen da begien aurrean. Argi pentsatzeko lagundu dezake begirada lauso mantentzea.