Eguneko argazki bat
Kronberg (Suitza)
Mendian behera hegaz bezala ari gara jeisten. Laster azpiko haranean egongo gara. Lehen behera begira egon gara inguruak miatzen. Azpian urrun ikusiko ditugu harrizko erraldoiak, zerurako erdi-bidean.
Saas Fee (Suitza)
Teleferikoa erraz doa mendian gora eta behera. OInez joan ezkero berriz, erronka bat da gailurretarainoko bidea jarraitzea. Bere saria badauka hala ere. Naturaren edertasuna bertatik bertara ikustea esperientzia benetan berezia da.
Saas Fee (Suitza)
Gailur altuenetan eta kalpartsuenetan ere gizakiaren arrastoa aurki daiteke. Gure ingurunea aldatzeko gaitasun izugarria dugu.
Engelberg (Suitza)
Lanbroak ezkutatzen badu ere, bailara zabala dago gure oinetan. Beheko haranarekin lotzen duen kableak hona ekarri gaitu eta laster bueltan eramango gaitu. Itxura arraroa daukate kableek eta metalezko dorre erraldoiek. Mendi garaiko zuritasunarekin eta arrokarekin kontraste indartsua sortzen dute.
Engelberg (Suitza)
Teleferikoa aurrera doa pixkanaka mendi gainerako bideean. Tartean basoa zeharkatzen du. Gehienbat mendi pinuak dituen basoa. Elurra nonahi ikusten dugu. Hau seinale da neguaern gordinean gaudela. Sentsazio hori lanbro lodiak indartzen du. Desiratzen nago gailurrera heltzeko. Esperantza daukat bertan eguzki printza batzuk ikusiko direla.
Engelberg (Suitza)
Mendian gora goaz eta aurreko ibilgailuaren irudia hauteman baino ezin dugu ikusi. Hain dago itxia lanbroa. Momentu batez, munduan gu baino ez garela existitzen ematen du. Ihes egin dugu eta ingurua gure ondotik astiro eta erabateko isiltasunean igarotzen da.
Engelberg (Suitza)
Lanbroa lurrera jeitsi den hodei bat bada, aurreko horiek berarekin jeitsitako metalezko hegaztiak izango al dira? Laino barruko lausotasunak ez du argi ikusten uzten. Buruak hegan egiten du ere okasio hauetan.
Sarganserland (Suitza)
Funikularrak zutoin bakoitzean salto bezala egiten du eta inpresioa ematen du.
Flumserberg (Suitza)
Flumserbergetik behera funikularrean bailara, Sarganserland, behelainoz estalita dago eta leiak zelaiak zuritzen ditu. Negu betea.