St. Gallen (Suitza)
Eguzkitan izpien fereka beroak blaitzen zaitu. Itzalean brisa leunak inguratzen zaitu. Zer nahiago duzu? Beroaren sapa edo hotzaren horzkada?
Eguzkia edo itzala (Sun or shadow)
Etiketa: eguzkitsu
Egun eguzkitsuetako ostadarra (Rainbow in a sunny day)
St. Gallen (Suitza)
Euritako koloretsua aukeratu dute bi emakumeok eguzkitik babesteko. Egun eguzkitsuetan ere ostadarra irtetzen da batzuetan.
Goiz eguzkitsuan kalera (Sunny morning to go out)
Bregenz (Austria)
Udaberriko goiz eguzkitsuak eskatzen du kalera irtetzea eta bertan egon. Ez dago euriak blaitzeko beldurrik. Ez digu eguzkiak hotza hartzen utziko. Ez dago azal ileak harrotuko dizkigun haizerik.
Lanbro astuna (Heavy fog)
St. Gallen (Suitza)
Bere bidea aurkitu du lanbro astunak ondoko lakutik gaineko hirira iristeko. Eguzkiaren argitan distiratsu ikusten da hodei multzoa baso eta eraikuntzen artean.
Arratsaldea da azaroan (It is a November afternoon)
St. Gallen (Suitza)
Arratsaldea da azaroan. Eguzki sartzea laster heltzeko da. Nabaria da itzalen luzeeran. Eguzki epelak giroa goxatu du. Udazkena aurrera joanda egonda ere, paseoan egoteko ederto dago.
Lore sortu berriak (Fresh flowers)
Montreux (Suitza)
Loreek gozatzen dute arratsaldeko eguzki beroa. Negua igarotakoan zer hobe eguraldi eguzkitsua eta epela baino. Gogoz hazten dira hostoak eta zutoinak eta azkar loratzen dira landareak.
Buia lasaia (Quiet buoy)
Montreux (Suitza)
Buia lasai dago. Haizeak ez du inora lekualdatzen. Bere lekuan dirau. Uhin txiki gutxi batzuen gainean balantza egiten du. Bestela, ur gainazala leun dago.
Bisontea zain (Waiting bison)
Gossau (Suitza)
Goiz eguzkitsu honetan, ematen du neguak pixkat amore eman duela hoztasunaren lege gogorra ezartzen. Hori baliatuz etorri dira haurrak bisitan. Urrunetik ekarritako, mota askotariko animaliak ikusteko esperantzaz etorri dira. Itxitura zabaletan dute etxebizitza animali gehienek, jateko, lo egiteko edo jolasteko.
Goiz eguzkitsua mendi haranean (Sunny morning in the mountain valley)
Gais (Suitza)
Jende taldeek haranean zehar doan bidea jarraitzen dute goizeko paseo lasaia emateko. Hotzak arropaz babestera behartzen ditu, baina eguzkiak beraien beldurrak pixka bat arintzen ditu. Horrez gain, haranan dagoen ikuspegi zoragarriak ere barrua epeltzen du.
Mendien begiradapean (Under the high mountains)
Gais (Suitza)
Zerua oskarbi dago. Urrunean muinoak haranaren gainetik ageri dira. Oraindik urrunago, mendi gailur harrokatsu eta erraldoiak inguru guztia gainbegiratzen dute.
Arretzen doaz hostoak (Leaves go brown)
Cardano (Italia)
Poza sortzen du honelako egun batean paseoa ematen irtetzea. Hostoak arretzen ikusi eta udazken eguzkian epelak kulunkatzen uztea besterik ez gogoan.
Udako eguna (Summer day)
St. Gallen (Suitza)
Egun egokia zen paseatzera irtetzeko. Udako eguzkiak gogor jotzen zuen, tenperatura epela, festa eguna. Denak laguntzen zuen eta gogoz aprobetxatu egin genuen.
Zoruko taula jokoa (Floor table game)
Teufen (Suitza)
Egurrezko disko zuri eta beltzak erabiltzen dira jolas honetan. Bakoitzak duen makilak errazten du piezak mugitzea, baina askoz gehiago ez da ulertzen arauei buruz. Zer izango dira zoruko marra zuriak? Nola jarriko dira piezak?
Ahate parea (Couple of ducks)
Rorschach (Suitza)
Igeri lasaiean doa ahate bikotea lakuko ur lasaietan. Eguzkiko berotan goxatzen, hala nola laster etorri behar den udaberriko deia gogoan dabiltza.
Udaberria usaintzen da (Smelling Spring)
Rorschach (Suitza)
Eguna eguzkitsu dago. Itzal gogorrak paisaiarekin nahasten dira. Paseatzaileek goizaren epelaz gozatzera irten dira kalera. Udaberria usaintzen da dagoeneko.
Argi-ilun bizia (Strong contrast)
Rorschach (Suitza)
Neguko azken argitan epeltzen da zuhaitza. Itzalak, aspaldiko partez, lurrean luze hedatzen dira, argi-ilun bizia sortuz. Lakuko ur hotzetara jauzi egin nahi dutela ematen du.
Eguzkitsu esnatutako eguna (A day borned sunny)
Cardano (Italia)
Gaur eguna eguzkitsu esnatu da. Aurreko eguneko itzal luzeak joanak dira eta eguzkia da nagusi. Arbolak orain distiratsu ageri dira, kolorez beteak.
Negu hasieran eguzkia (Sunny Winter beginning)
St. Gallen (Suitza)
Negu hasieran ere egun gozagarriak suertatzen dira. Giroa hala ere ez dago terrazetan esertzeko.
Udazken bukaera (End of autumn)
St. Gallen (Suitza)
Udazkena bukatzera doa. Abendua aurrera doa eta egunak eguzkitsu izan arren, hotzak eta argi ordu laburrek negua deitzen dute.
Hegoak astinduz (Shaking the wings)
St. Gallen (Suitza)
Hegoak aztindu ezak eta hasi hadi hegaz txorino eder hori. Arratsaldea beroa bait dago eta goxo egoten bait da aire zabalean hegaka.