Eguneko argazki bat
Santoña (Espainia)
Giro haizetsuak olatuak harrotzen ditu eta kaioak ere eguraldi latzetik babestu behar dira. Nola? Haizeari aurpegia emanez. Ez diezaien ipurdiko lumak harrotu eta barruko beroa kendu.
Santoña (Espainia)
Harea argiaren gainean, algek itxura tristea ematen dute. Haizeak ekarritako hareak pixkanaka estaltzera jotzen du, betirako ahaztera.
Santoña (Espainia)
Olatuek eta korronteek algak bere zutoinetik askatu eta aske darabiltzate kostara heldu arte. Bertan, eguzkitan lehortutako algak gatzez eta hareaz beterik geratzen dira harri koskorren artean.
Santoña (Espainia)
Olatuen segidari begira egoteaz ez da bat aspertzen. Hareazko hondoak gutxinaka behera egiten du eta horren eraginez itsasoa aparrez betetzen da hondartzara heltzerako.
Santoña (Espainia)
Arratsaldea iluntzen ari bada ere, itsasoaren mugimenduak ez dauka etenik. Olatuak behin eta berriro etorri egiten dira, apar batean bukatuz hondartza ondoan. Ur ertzeko harea heze mantentzen da mantso-mantso heltzen den uhinen eraginez. Bitartean, zeruan hodeiek euriaren hurbiltasun betierekoa iradokitzen dute.
Santoña (Espainia)
Kaio taldeak arratsaldeko haize kirriak zer dakarren zain dago. Ufadek olatuen gainak harrotzen ditu eta itsas hondoak nahasten dituzte. Muskuiluak edo landareak hondartzaraino heltzen dira nahaspila barnean eta hegaztiak prest daude haiek harrapatzeko.
Santoña (Espainia)
Urte mordo bat hemen egon ostean, aintzinako oroitzapen ugari gordeak izango ditu. Horregatik zuri-beltza, memoriak zuri-beltzean izango bait ditu eliza zahar honek.
Santoña (Espainia)
Hau bezalako eliza erromaniko txiki eta zaharrak mundu europarraren gune garrantzitsuak izan dira sortu zirenetik. Gurtza eta poterea bere ingurura ekarri zuten. Jendeak bere artean hartu zituen bizikide bezala. Gure hiri askotan ikusgarri daude historia puska handi baten sinbolo bezala.
Santoña (Espainia)
Zerua hodeitsu, itsasoa bare, haizea gogor eta tarteka euriak bustia. Udazkeneko egun betea. Kostaldeko mendi, muino eta hondartzek itsasoa eta hodeien artean itxura ederra agertzen dute. Munduko txoko honek bere xarma osotasunean agertzen du honelako egunetan.
Santoña (Espainia)
Harrizko erraldoia itsas ertzean gelditu da izoztuta, itsasoari altuera handietatik begira baina mugitu ezinda, bere olatuen eta itsasaldien menpe. Handia eta gogorra ematen du baina aurrean duen erraldoia ez da ahulagoa eta nekaezin aritzen da bere karearrizko paretak higatzen.
Santoña (Espainia)
Haizeak itsasaldetik jotzen ari da pasealekuan zehar. Eguna hodeitsu dago eta euria ez da urrun. Ez dago giro kaletik ibiltzeko. Negua ate joka dagoela nabari da eta kantabriar itsasoak gogorarazten die momentuan kalean dabiltzanei.
Santoña (Espainia)
Itsas ondoko pasealekuan kostalde bikaina ikusten da. Itsas barruraino heltzen diren mendiekin josia, kantabriar itsasoaren olatuz beteriko uretan sartzeraino.
Santoña (Espainia)
Plaza hau bizitzaz beterik egon ei da merkatu egunetan. Erosketak egitera etorri den jendea sarrera inguruan bilduko ei da, txutxumutxuak entzuteko eta zabaltzeko edo ezagunen bat agurtzeko. Posturen bat ere egongo da, bertako produktuak saltzen.
Santoña (Espainia)
Zeru zabalean hodei zuriak arin bidaiatzen dira haizearen bultzadaren menpe. Beherago lekuko biztanleak jaka lodietan ezkutatzen dituzte aurpegia eta eskuak, haizetik eta euritik babesteko. Harrizko eraikuntzak gogor eusten diote, horrexegatik eraiki bait ziren, lekuko klima gogorra tinko jasateko.
Santoña (Espainia)
Azoka estalirako beharra dago leku honetan, euriak eguzkia baino gehiago eragiten bait du hemen. Gaur baina ez da laneguna eta atsedenerako tartea hartu dute hemen ere. Kanpotik ikusita, hala ere, polita da merkatua. Pozik geratu gara bisitarekin.
Cabarceno (Espainia)
The female giraffe stands elegant giving the back to my camera. Urrunean ikusten den ahuntza multzo bati begira edo. Induskatutako harri paretak ere ikusten dira urrunean. Leku erosoa. Lasai bizitzeko aproposa.
Cabarceno (Espainia)
Ostrukari hurbildu ez da ohikoa baina Cabarcenoko parkean animaliak pertsonez inguratuak egoteari ohituak daude. Hala, errazagoa da urreratzea eta erretratua ateratzea.
Cabarceno (Espainia)
Eremu zabaletan bizi dira animaliak zoo honetan. Garai batean aire zabaleko meatza izandako leku batean, zundatutako zuloak erabili dira animaliak artatzeko. Jatorri askotako animaliak daude. Lekuko hartzak, jirafak, lehoiak, gameluak eta abar luze bat. Egun pasa egiteko aukera polita 🙂
Santillana del Mar (Espainia)
Herriak itxura erabat zaindua dauka. Harria edono ageri da, kaleetako zoruan ere. Irudi abstraktua osatzen dute harri puxkek, estoldak eta urak bustitako harri tarteek.
Santillana del Mar (Espainia)
Lore gorri hauek, zaingorriak, herri osoko balkoietan zeuden. Loreen kolore biziek zeruaren urdinarekin bat egiten zuten.