Höher Kasten (Suitza)
Mendia eta basoak indartsuak dira. Gogorrak dira harria nagusi den lekuetan. Biguna da loreak eta goroldioek fintzen dutenean. Misterioz beteak daude beti.
Naturaren indarra (Force of nature)
Etiketa: forest
Arbola izandakoa (Once a tree)
Cardano al Campo (Italia)
Arbola baten enborra egur edo zur bihur daiteke gure beharretara moldatzeko. Baina naturak ere badaki berau erabiltzen. Goroldioak hazteko erabiltzen du. Mikroorganismo eta intsektu egurjaleek jangai daukate. Baten batentzat abesleku ere izan daiteke.
Naturak zizelkaturikoa (Carved by nature)
Cardano al Campo (Italia)
Naturak zizelkaturiko eskultura bihurtu da, garai batean basoko erraldoia zena. Hosto lehorrez inguratuta dago eta hauen modura, lurzorua ongarritzen bukatuko du bere bizitza.
Arbola hilaren enborra (Trunk of a dead tree)
Cardano al Campo (Italia)
Arbola hil baten enbor zaharra pixkanaka higatuz doa, lur bihurtzen. Berari jaten emandakoari ematen dio orain jaten.
Enbor luze eta sendoak (Long and strong trunks)
St. Gallen (Suitza)
Enbor luzeak eta sendoak hazten dira bata bestearen ondoan, bata bestearen atzean.
Argia eta basoa (Light and the forest)
St. Gallen (Suitza)
Argia tarteka baino ez da heltzen basoaren hondoraino. Hor azpiko belar eta sastrakek bizitza gogorra dute.
Basoko biztanleak (Forest inhabitants)
St. Gallen (Suitza)
Arbola gazteak eta zaharrak bizi dira batera baso zaharreetan. Adineko zuhaitz handi batek utzitako zuloa txikiek hartzen dute. Horretarako lehia bizian ibili behar dira, zeinek argi gehiago hartuko duen. Arbolen bizitza ez da beti erraza eta pausatua.
Basoaren barrenaldea (Inside of the forest)
St. Gallen (Suitza)
Basoak uda berantiarreko eguzki errainuak xurgatu eta iragazten ditu. Egun eguzkitsuenean ere argi eta ilunetan egoten da barrenaldea.
Basoa eta erdian lakua (Lake in the middle of a forest)
Flims (Suitza)
Basoaren erdian laku eder bat. Janaria eta edaria falta ez diren naturaren txoko bat. Animaliek behar dituzte horrelakoak, beraiei guri bezain beste edo gehiago gustatzen bait zaizkie.
Landare eta goroldioak argipean (Plants and moss under light)
Flims (Suitza)
Argi puxka bat basoaren zorura heldu da itzalen artean. Landare niminoek eta goroldio umelek eskertzen dute eta behar dute indartsu hazten jarraitzeko.
Argi eta ilunak (Light and shadows)
Flims (suitza)
Argia hatzemateko borroka etengabean egoten dira basoko landareak. Azkar eta altu hazi, bizi iturria den hori lehenago eta hobeto xurgatzeko eta bidean besteei bidea ixten zaie itzalean bizitzera kondenatuz.
Zutoin tenteak (Vertical posts)
Flims (Suitza)
Enbor tenteak han eta hemen da baso bat. Adarrek eta hostoek janzten dituzte zutoin sendoak. Hauek egitura ematen dute, baina haiek gordetzen dute bizitzaren sekretua eta muina.
Pinu baten erretratua (Portrait of a pine tree)
Flims (Suitza)
Pinu bat dago baso baten erdian. Enbor zuzen eta luzea dauka. Tarteka adar bat edo beste ditu. Zenbait hosto ilun eta finez beteak daude. Beste batzuk biziz lehortutak daude. Nekez banatzen dira enborretik hazten diren heinean. Nahiago dute beraien burua erortzen utzi enbor amatik hurbil.
Itzalean egin bidea (Walk in the shadow)
Flims (Suitza)
Eguna eguzkitsu eta bero esnatu da eta itzala bilatzea eskatzen du.
Itzalak beltz, argiak zuri (Black shadows, white light)
Pfäfers (Suitza)
Itzalak beltz, argiak zuri. Horrela agertzen dira egun eguzkitsuetan.
Beheko lautada (Low plain)
Oro (Euskal Herria)
Beheko lautadan herri txikiak, zelaiak eta basoak nahasten dira.
Zoaz esertzera (Go seating)
Oro (Euskal Herria)
Hartu aulkia eta eseri lasai inguruaz gozatzera. Mendi zaharrak, baso berdeak edo larre-soro zabalak ikusiko dituzu. Arimaraino sartuko zaizkizu eta lasaigarri izango zaizkizu.
Muino leunak (Soft hills)
Oro (Euskal Herria)
Muino leunak basoek estaliak betetzen dute begirada, urruneko arkaitz altu eta gogorretaraino heldu arte.
Goroldio alfonbra (Moss carpet)
St. Gallen (Suitza)
Berde bizi hau goroldioak ematen dio basoari. Hezeak eta ospelak diren txokoak konkistatzen diut. Bere biguntasunak basoaren alfonbraren itxura ematen dio.
Basoko argi-ilunak (Light and shadows in the forest)
St. Gallen (Suitza)
Arbolek argia maite dute, beste landareen modura. Bizitzeko ezinbestekoa bait dute. Energia ematen die eta energia hori behar dute elikagaiak biltzeko eta eraldatzeko. Gauza asko gertatzen dira izaki hauen egitura zurrunen barnean. Horregatik dira bizidunak.