Appenzell (Suitza)
Bezeroek terrazan aterpea bilatzen dute eguneko sargoriatik. Kartetan jokatzea dela edo egunkaria irakurtzea dela, denak balio du denbora pasatzeko errefreskagarri bat edaten den bitartean.
Terraza itzalean (Terrace in the shadow)
Etiketa: itzal
Natura hilari so (Looking at dead nature)
Cardano (Italia)
Enborra pixkanaka barrutik jana izaten ari da. Zorua hosto lehorrez estalia dago. Natura hilak ere edertasuna sortzen du.
Ilunean gordeta (Hidden in the darkness)
Cardano (Italia)
Ilunean gordetzen dira basoko sekretu asko. Egunaren argiak adar eta hosto altuetan galtzen du bere indarra. Zoruan, ilunantzean gelditzen den txokoetan, agertzen dira ustekabe gogoangarri asko, hala nola enbor zabal erori bat.
Enbor zatia (Trunk piece)
Cardano (Italia)
Enbor zati honek lurrera erori eta hilik geratuko zen baina ekosistema elikatzen jarraitzen du. Zoruko biotak birziklatze lana egiten du eta nutrienteak berrerabiltzeko prest uzten dituzte.
Baso zaharra (Old forest)
Cardano al Campo (Italia)
Baso zaharrak arbola handi eta edadetsuak, txiki eta gazteekin nahasten du. Zorua estaltzen dute arbola eroriek, hosto zaharrek eta sastrakaren bat han eta hemen. Eguneko argia ere nekez heltzen da guregana, ibiltariok gerizpearen freskotasunaren altzoan eramanez.
Argi-ilun bizia (Strong contrast)
Rorschach (Suitza)
Neguko azken argitan epeltzen da zuhaitza. Itzalak, aspaldiko partez, lurrean luze hedatzen dira, argi-ilun bizia sortuz. Lakuko ur hotzetara jauzi egin nahi dutela ematen du.
Profilak baino ez ikusgai (Only profiles remain visible)
St. Gallen (Suitza)
Profilak baino ez dira gelditzen ikusgai. Arbolen adarrena, etxeena eta zutoin bakan batzuek han eta hemen.
Zerua zabal, hodeiak luze (Wide sky, long clouds)
St. Gallen (Suitza)
Zerua zabal dago, hodeiak luze dira eta arratseko eguzkia erortzen doa. Zeru koloreak epeltzera egin dute eta itzalak bazterretetatik ihes egin dute, leku denetara hedatzeko.
Arratsa gaua bihurtu arte (When the sunset becomes night)
St. Gallen (Suitza)
Argia eta iluna nahasten hasten dira pixkanaka. Helduko da momentu bat non ezin diren bata bestearengandik bereizi. Pixkanaka, baina, ilunak irabazten du arratsa gaua bihurtu arte.
Enbor luzeko kaktusa (Long cactus)
St. Gallen (Suitza)
Dotorea leiho ondoan eguzki argia gosez jasotzen duen kaktusa. Enbor luze, kiribildua eta ilexkaz betea. Ile biguneen artean, baina, arantza gogorrak ezkutatzen dira.
Argi-ilunean murgilduta (In light and shadows)
St. Gallen (Suitza)
Argi-ilunean murgilduta sentitzen da bat negu erdiko arratsaldeetan. Barrualdeko lanparek elektrizitatea argi motel eta goxoan bihurtzen dute. Kanpoan, bitartean, bazterrak lehenengo eta zerua gero argi lausotan galtzen hasten dira.
Ilundu du egunak (Night arrived)
Cardano (Italia)
Ilundu du egunak. Pixkanaka joan da eguzkia goibeltzen, bazterrak itzalez bete arte. Soilik zerua hatzematen da, eta bertan hodei gutxi batzuk.
Parkea itzaletan (Shadowy park)
Cardano (Italia)
Parkeko plaza itzaletan geratu da. Gaurkoz eguzkia joana da zerumugatik behera eta zeruko kolore biziak baino ez du utzi gogorapen modura.
Neguko arratsalde itzaltsua (Shadowy winter evening)
Cardano (Italia)
Neguko arratsaldeak laburrak dira baina itzalak luze eta azkar hazten dira. Landareek bitartean bere soiltasun handiena erakusten dute garai honetan.
Txoko goxoa (Nice corner)
Cardano (Italia)
Txoko honetan esertzeko gogoa ematen du. Eguzkiak berotzen duen alditan behintzat.
Arratsa heldu da (Dusk came)
Cardano (Italia)
Argi-ilunean dago eserlekua. Hosto eroriak ere arbola azpian ezkutaturik daude orain. Itzalak luzatzen ari direlan seinale, arratsa heldu denan seinale.
Itzal luzeak hotz eta elur artean (Long shadows in the cold and the snow)
St. Gallen (Suitza)
Neguko egunetan itzalak luzeak izaten dira. Pixkanaka laburtzen joango dira, baina bitartean hotza eta elurrarekin bizi behar da.
Hizketaldi baten itzala (Shadow of a conversation)
Laudio (Euskal Herria)
Arratsalde honetan astia eta aukera dago lagunekin biltzeko ekitaldia aurrera doan bitartean. Hizketaldiak tarteka artzain txakur txapelketaren inguruan dabiltza eta tarteka azken aldian topo egin zutenetik gertatu denaren inguruan ere.
Itzalak denetan (Shadows everywhere)
St. Gallen (Suitza)
Itzalak kanpoan eta itzalak barruan.
Argiak eta itzalak (Lights and shadows)
Flims (Suitza)
Egunaren eguzkiak argiak eta itzalak uzten ditu etxeetako paretetan. Atzean berriz, argi ederrean bainatuta Alpeetako erraldoiak eta pinudi basoak ageri dira.