Eguneko argazki bat
Zurich (Suitza)
Kaiola hau Antartidako mendialdean kokatuta al dago? Hala ematen du. Baina pinguinoak etxetik erabat urrun daude Europako zoologiko batean. Jatekoa badute eta igeri egiteko lekua ere, baina zeozer faltan botako dute.
Rapperswil (Suitza)
Kaiola kanpoan zer egongo den jakiteko ikusminez dago gepardoa. Asperraren ondorioak izango al dira? Kaiola barrua nahikoa ondo ezagutzen du eta heldu ezin den horretaz arduratzea nahiago du.
Bad Soden (Alemania)
Hegaztientzako kaiola handia izatea primerakoa da. Behar dute pozago sentitzeko eta txori sentitzeko. Hegaldi bat egin ahal izatea beharrezkoa dute
Hundwil (Suitza)
Eserlekua ondo babestua dago. Kaiola ematen du zaldiko-maldiko honek.
Gossau (Suitza)
Heldu da beste lagun bat eta ez dute adostasun handirik erakutsi. Burrukarako grina gehiago daukate beraien artean konpontzeko baino. Leku preziatua izango al da hor goiko hura?
Gossau (Suitza)
Hoa tximino gazte! Ondo pasa. Asko jolastu. Gazte garaia altxor sakratua da. Gure izanaren aberria gordetzen du. Gaztetasuna galduko da baina ondasun hori gurekin gordeko dugu.
Bisitari arrotzak izan behar beti inguruan. Hori da zoo batean ikusgai egotearen nahigabea. Eramaten ikasi behar da. Ahaztu itzazu aurreko izaki ezezagunak. Kristalaren bestaldean daude. Hesiak banatzen zaitu beraiengandik. Babesten zaitu.
Gossau (Suitza)
Zeri begira ariko da? Janari puska bat aurkituko zuen? Inurri batzuekin jostari ariko al da? Gogoa ematen du galdetzera joateko.
Gossau (Suitza)
Leihoetatik pasatzen den argia apenas da nahikoa, kaiolako itzalak uxatzeko. Argia eta itzalen artean esertzen da txinpantzea. Beharbada, eguzkiaren berotasunaz gozatzen ariko da. Gorputz zahartua epeltzen ariko da.
Txinpantze zaharra (Old chimpanzee)
Bakarrik dago kaiolaren izkina batean itzalen artean eserita. Txinpantze zaharra da. Lurrera so egiten du. Zeozer behatzen ari da atentzio osoarekin. Beharbada buruari bueltak ematen ariko da. Gogoetak ordenean jartzen ariko al da? Energia, ez indarra, faltan duelaren itxura dauka.
Gais (Suitza)
Sudur motza, begi beltz handiak eta belarri luzeak. Horrelakoa da untxi baten aurpegi iletsuaren tankera.
Gais (Suitza)
Kaixo untxi jauna. Zer moduz doa eguna? Gustora al zaude zure kaiolan eta bisitarien artean gela handi honetan? Zaratatsua izan behar du eta zihur gizaki guztiak ez direla lagunkorrak izango. Lasai hala ere, laster bueltatu ahalko bait zara zure etxalde kuttunera.
Gais (Suitza)
Oilar baten erretratu on bat ikusgai. Itxura zoragarria erakusten du animalia honek. Luma leunak, kolore distiratsudunak, moko luze puntaduna eta aurpegi ongi osatua. Gainera, jarrera erakusten du hegaztiak, begietara begira dagoela ematen bait du. Pena da kaiola batean aterata izatea, animali askok jasan behar duten beraien borondatearen aurkako kartzela. Akaso, ateratzeko gogoz begietara begira egongo ote da.
Gais (Suitza)
Profilezko irudian oilarra pentsakor dagoela ematen du. Garuna txikia omen dauka, baina horren barrunbeetan gogoetek eta oroimenek bere lekua izan beharko dute.
Gais (Suitza)
Lumak ondo garbitu behar dira itxura ederra mantentzeko. Horretan dihardu oiloak. Denbora badauka. Soberan ere. Gure begiradapean dagoen bitartean ez bait du askosaz gehiago egiteko aukera eman.
Gais (Suitza)
Lanpetuta dago gure protagonista lumak atontzen. Ez dute bere inguruko gertakariek gehiegi arduratzen. Hobeto horrela, egon dadila lasai, eguna joango bait da eta berriro larrean libre ibiltzera bueltatuko da.
Gais (Suitza)
Honek ez du ematen berriketarako gogo handirik duenik. Hobe izango da bakean uztea.
Gais (Suitza)
Lotarako aukera ikusi dute egoiliar batzuk. Ondo lo egin eta bihar arte. Guk gure bisitarekin jarraituko dugu, bazkal ordua heldu arte behintzat. Gero, gerokoak.
Gais (Suitza)
Oilo zoragarri honek gure intentzioen inguruan jakingura dauka. Ez dirudi kaiolan egoteak txarregi eragin dionik.
Gais (Suitza)
Egun arraroa eta urduria ari da izaten untxi gaixoak. Ez du ulertzen zergatik egon behar duen kaiolan eta zergatik hainbeste jendek ari zaio so.