Eguneko argazki bat
St. Gallen (Suitza)
Leopardoa, txinpanzea eta lehoia talde berean. Lagunak izan al ziren. Museotako koreografia bat baino ez da izango. Bizirik dirautela ematen duen arren, denbora luzea da jada bizkortasuna galdu zutela.
Lichtensteig (Suitza)
Lehoi honek denbora dexente eramango du hemen. Horren itxura ematen du, behin bere gorputzeko zauriei begiratutakoan.
Malesco (Italia)
Herriak ura ematen duen iturria ere badauka. Lehoi bat arduratzen da ur freskoa etengabe jario dezan, neguko hotzak galerazten ez duen bitartean behintzat.
Vicenza (Italia)
Veneziako errepublika desagertu zen baina lehoiak oraindik dirau hiriak ikuskatzen. Lehoi hegodunak bere kolumnatik erne zaintzen ditu bere oinetan jolasten ari diren haurrak eta paseoan edo lanean helduak.
