Eguneko argazki bat
Logroño (Espainia)
Mahaia prest dago bazkaltzeko. Goserik al dago? Edo ibiliko gara pixkat gehiago oraindik. Beharbada izkinaren bueltan dagoen plazara joan gaitezke. Denbora izango dugu bueltan etortzeko eta mokautxo bat hartzeko.
Appenzell (Suitza)
Mendi loreak aukeratu dituzte apaingarri modura. Loreak txikiak eta sinpleak dira, baina ederrak aldiberean. Kristalezko lorontzi txikiek fresko mantentzen dituzte.
Appenzell (Suitza)
Mahai luzea bazkaria hartzeko eta aulki erosoak ipurdia ongi deskantsatzeko. Museora bisita interesgarria amaitutakoan, badago atsedena hartzeko txoko egokia ere.
Lichtensteig (Suitza)
Herriko terraza txikiena izango da hau. Hala ere lekua nahikoa dauka pertsona batek kafesne bat lasai edan dezan eta atsedena har dezan. Laguna, baina, zutik hartu beharko du hartu behar duena.
Teufen (Suitza)
Mendixka batean bazegoen zurezko etxola txiki bat. Atea zabalik zeukan. Barruan zurezko mahai bat ikusten zen. Eta zoru gainean, zurezko zorua ere, jostailu ahaztu bat hankazgora utzi zuen umeren batek. Albo batean dagoen leihotik argi urdinxka sartzen zen baina apenas lortzen zuen barrukoa ilunpetik ateratzen.
Helsinki (Finlandia)
Kristalaren bestaldetik, goxo-goxo, ez dago hotzaren beldurrik. Elur meta polita pilatu da mahai gainean. Elurraren zuritasunaz liluratzeko parada ezin hobea.
Helsinki (Finlandia)
Elurra ari du Helsinkin. Apirila hasiera ez da gauza berria. Terraza honetan elurrak oraindik galeraziko du eguzkipean esertzea.
Pfäfers (Suitza)
Egongelarako mahaia, ahulkiak eta sofa estilosoa. Bibolina jo eta kartan jolasteko leku aproposa.
Pfäfers (Suitza)
Karta jokuetan ere ibiltzen ziren garaiotan.
Nancy (Frantzia)
Terraza hau gauez ez du inork erabiliko. Udaberri hasiera ere ez da plaza honetan esertzeko garai hoberena. Lorrenan ez bait da bero eta euria dexente ari du.
