Seealpsee (Suitza)
Harkaitzen azal zimurrak eta forma biribilduek begietara jotzen dute. Aurpegi zahar bat edo denbora luzean zehar mimoz landutako eskultura ematen du.
Harkaitzen azal zimurra (wrinkled skin of the rocks)
Etiketa: mendi
Belar mosaikoa (Grass mosaic)
Seealpsee (Suitza)
Leku arruntenek ere bere magia gordetzen dute. Belardi bat landare txiki multzo uniformea izan beharrean, belar nahasketak, loreek eta zoruaren irregulartasunak elkarrekin argi eta itzaletako mosaikoa sortzen dute.
Belarrak eta loreak (Grass and flowers)
Seealpsee (Suitza)
Loreak eta belarrak indartsu hazten ari dira udaberri hasiera honetan. Hotzak eta elurrak utzitako zauriak joanak dira eta bizidunek galdutako protagonismoa berreskuratu dute.
Mendialdearen erakargarritasuna (Attraction of the mountains)
Seealpsee (Suitza)
Mendialdeak badauzka erakargarritasun handia bisitariontzat. Ez dugu bertan bizi nahi, ziur. Baina lekuaren handitasuna eta inguruaren ikuspegi zabalak gure barneak arintzen ditu. Horrelako sentimenduen bila hurbiltzen gara gure inguruko harrizko erraldoien ingurura.
Harkaitz nabarmena (Remarkable rock)
See Alpsee (Suitza)
Harkaitz nabarmena, urrutitik ikusten dena eta berehala atentzioa deitzen duena ageri da mendi haranaren gainean. Protagonita izan nahi duela ematen du. Bestela ere, hain da ederra.
Mendia eta animaliak (Mountain and animals)
Seealpsee (Suitza)
Mendi hegala belardi bat da eta horretan bazkan behi talde bat dago. Naturaren garratztasun ederraren erdian, etxe ondotik ezaguna den zer edo zer bereizten da. Goi mendiak ere ez dira leku basatiak.
Mendiko behiak alaiago biziko al dira? (Are mountain cows happier?)
See Alpsee (Suitza)
Mendiko behiak alaiago biziko al dira? Belarra goxoagoa omen da eta airea freskoagoa. Hori nahikoa ez bada, zarata ere gutxiago jasango dute.
Gastatutako natura (Wasted nature)
Monte Generoso (Suitza)
Kolore arrea nagusi da neguko elurra joan eta udaberriko belar freskoa hazi bitartean. Natura gastatuta, nekatuta dagoela ematen du. Baina biziberritze zikloa hastear dago. Berde kolorea laster gailenduko da.
Arre kolorea (Brown colored)
Arre kolorea da nagusi udaberri hasieran. Urte garaiko indar berria ez da heldu mendi puntetara. Landareek ez dute neguko hotza gainetik kendu.
Mendi gainerainoko trena (Train to the summit)
Monte Generoso (Italia)
Trena altu igo da. Mendiaren gailurreraino ailegatzen da bertara bisitariak igotzera. Eserleku horiek ez dira atzo berriak jarritakoak. Nabari zaio aspaldi ari dela bide hau egiten.
Mendilerroa (Mountain range)
Monte Generoso (Suitza)
Gailurrak lerro batean kokatutak daude. Txikitik handira eta handitik txikira, ilada batean nahastutak daude. Hodeiek bere itzala marrazten dute mendi hegal zabaletan.
Mendia, lakua eta zerua (Mountain, lake and sky)
Paradiso (Suitza)
Harrizko mendi erraldoia ura eta zerua artean harrapatuta ematen du. Bata zein bestearen alboan, garratza eta gogorra da.
Ur ertzetiko gogoetak (Thoughts from the shore)
Paradiso (Suitza)
Ur ertzeanl lakuari begira egon eta likido masa erraldoi horren barnean zer egongo den etortzen da gogora. Beste mundu bat da. Ulertu ezin dugun beste mundua.
Mendi arteko lakua (Lake between mountains)
Paradiso (Suitza)
Lakua mendi artean harrapatuta dago. Harkaitz sendoek eusten diete ur masari bere bi aldeetan. Bertan bizi direnak mendi hegaletan sakabanatu behar dira, aldapetan barrena.
Zerumuga zabala (Wide horizon)
Kronberg (Suitza)
Mendiak eta muinoak ikusten dira urrunean. Altuak, baxuak, zakarrak, leunak. Orotarikoak daude eta denen artean osatzen dute zerumuga zabala.
Menditsua, bortitza, latza (Mountainous, harsh, rough)
Kronberg (Suitza)
Mendikateak bata bestearen atzetik. Harri biluzi bortitza lurrazala urratu eta zerurantz altzatzen. Basoek ezin dira leku latz honetako pareta pikoetara heldu. Belar ziztrin gutxi batzuk eta elurrak estaltzen ditu soilik.
Neguko xarma (Winter charm)
Kronberg (Suitza)
Basoa, muinoak, arrokazko mendiak eta denaren gainean elurra, alfonbra zuri erraldoia. Neguak mendialdeari xarma berezia ematen dio.
Neguko egun eguzkitsua (Winter sunny day)
Kronberg (Suitza)
Eguzkipean negua iluna eta hotza izan daitekela ahazten da. Elurraren zuri bizia eta urtaro hotzeneko itzal luzeak argilun kontraste bizia sortzen dute.
Erraldoien artean erraldoienak (Giants among giants)
Saas Fee (Suitza)
Handiak, gogorrak, nobleak. Mendi garaiak gure inguruan dauzkagun erraldoien artean erraldoienak dira.
Arrokazko horma (Rock wall)
Saas Fee (Suitza)
Beldurra ematen du harrizko horman gora joatea pentsatzeak. Aldapa gogorrak, igoera ia bertikalak, elurra eta izotza nonnahi. Hobeto udararte itxarotea ingurune hauetan menturatzeko.