Eguneko argazki bat
St. Gallen (Suitza)
Mendi martxa St. Gallen inguratzen duten mendixketan zehar. Paisaiaren edertasuna gozatu, mendiaren lasaitasuna barneratu eta konpainia onean ibiltzeko aukera. Amaieran bazkari bapoak itxaroten badu, orduan bai biribildu dela plana.
St. Gallen (Suitza)
Jende multzoak han eta hemen. Arratsalde on bat pasa egiteko lagun talde batek belarrean esertzea eta eguraldi ona baino ez dute behar.
Helsinki (Finlandia)
Esertzeko leku lasaia hau ere. Eguzkia hartu eta hizketaldi gozagarri bat izateko leku aproposa.
Helsinki (Finlandia)
Arratsalde eguzkitsu lasaia eta izotz gaineko paseoa. Laster ez da posible izango hemendik ibiltzea. Orain, baina, ikusmira zoragarria dago. Ur bazterra alde batera eta itsaso sakona bestera.
Helsinki (Finlandia)
Buruan dugunari buelta asko eman ohi diogu. Kalean goazela nahikoa dugu lurrera begiratzea. Begiratu bai, baina ikusi ez bait dugu egiten.
Helsinki (Finlandia)
Estatua hauek tren geltokiko nagusiko argiak eusten eman dute mende bat baino gehiago. Jendetza ibiltzen da bere behetik kasu egin gabe. Baina hobe esanda haien begiradapean, zaintzapean, dabiltza.
Biel (Suitza)
Suitzako mendebaldea. Abenduko goiz eguzkitsua baina hotza. Negua bueltan dagoela gogorarazten duen horietakoa. Aire hotzak sudurra bete eta aurpegia laztantzen du.
Munich (Alemania)
Uso hauentzat ez dago momentu txarrik lumak pixkat atontzeko. Putzu bat bidegurutze baten espaloian ere ez da txarra. Inguruan dabilen jendeak kasu gutxi egiten die. Usoek ere apenas jartzen dute arreta. Momentuaz gozatzea hobe.
Vicenza (Italia)
Gazteak, turistak, langileak dira plazan, ibilian, eserita. Uda partean hiria bisitariz betetzen da, hiria eta inguruko landetxeak ezagutzera etorriak. Hauen artean Palladiok utzitako ondare hilezina.
Nancy (Frantzia)
Jende talde bat etxera bidean plaza zeharkatzen du. Kale argi dotoreek beraien bidea argitzen dute, gaueko zaindariak bailiran.
