Eguneko argazki bat
St. Gallen (Suitza)
Treneko leihotik ikusita lauso ageri da kanpoko mundua. Begian bata bestearen gainean pilatzen dira inpresioak bereizteko astirik gabe. Honelakoak lasaigarri dira, begiratu gabe gauzak ikusteko momentua. Barneko munduari atentzioa emateko.
St. Gallen (Suitza)
Trenez bidaiatzea plazer txiki eta goxo bat da. Paisaia begiratu eta burua hemendik hara saltoka aritzea gustagarria da. Edari bero bat eta irakurgaia besterik ez dut behar bidai honetarako.
St. Gallen (Suitza)
Buruak martxa lasaiean dabil, kanpokaldean paisaia azkar aldatzen dela. Ez dago presarik helmuga geltokia iritsi bitartean.
St. Gallen (Suitza)
Herri eta hirietan zehar igarotzen da ziztu batean tren hau.
St. Gallen (Suitza)
Kikarak bertan jarraitzen du, baina kanpoko paisaia etengabe aldatuko du. Horrela izango da bidaia bukatu arte. Hori da bere muina.
St. Gallen (Suitza)
Edalontzi hutsak igarotako tarte goxoa gogorarazten du. Edari bero atsegina, leihotik atzean geratzen ari den paisaiari so eginez.
St. Gallen (Suitza)
Hosto busti multzoa. Euririk ez baina. Lanbroaren ferekak ematen die hezearen distira.
St. Gallen (Suitza)
Eliza lanbro artean eta zuhaitzen atzean ezkutatzen da. Adar biluziek, baina, forma borobilak eta dorre puntadunak ikusten uzten du.
St. Gallen (Suitza)
Zuhaitzak udazkeneko jantzia darama soinean. Adar soilek eta hosto marroixkek egiten dute sasoiko irudia.
St. Gallen (Suitza)
Arbolen adarrek hostorik ez dute, adaburua lanbroan galtzen da.
St. Gallen (Suitza)
Parketxo lasai bat, goiz hotz honetan bakardadea eta lasaitasuna bilatzen duenarentzat egoki.
St. Gallen (Suitza)
Udazken betea. Hosto idortuak lurrean, zorua umel, kale hutsak.
St. Gallen (Suitza)
Egun lanbrotsuak hiria itxuraldatzen du. Eguerdian ilunabarreko argiaren leuntasuna nabaritzen da.
St. Gallen (Suitza)
Ez dago giro kalean ibiltzeko. Berokia jantzita, txanoarekin eta burua sorbalda tartean sartuta ibili behar da.
Rapperswil (Suitza)
Ur lasaiak, korronte leunak. Ibarreko herriak freskatzeko eta basoei bizitza emateko.
Rapperswil (Suitza)
Eliza ondotik lakuaren ikuspegi paregabea dago. Momentu batez gelditu eta ortzimugaraino hedatzen den uretara begira egoteak lasaitasuna ekartzen du.
Rapperswil (Suitza)
Zurich lakua udazken bukaeran lanbroak estaltzen du. Untziak geldirik, ur lasaia. Gaur ez da lakuan ibiltzeko eguna. Ez da giro.
Flims (Suitza)
Pinudi bukatzen den lekuan, erakusten du haitz biluziak bere handitasuna harro. Karkabak, harri solteak, belardi eremuak eta elurrak apaindua ageri du bere nortasuna.
Flims (Suitza)
Egunaren eguzkiak argiak eta itzalak uzten ditu etxeetako paretetan. Atzean berriz, argi ederrean bainatuta Alpeetako erraldoiak eta pinudi basoak ageri dira.
Flims (Suitza)
Kale estuak eta itzal luzeak udazkeneko egun eguzkitsu batean Alpeetako herrixka honetan. Auto bi txarto ibiliko dira hemen gurutzatzen badira. Horri esker, beharbada, zainduko da lekuko lasaitasuna hobe.