Appenzell (Suitza)
Elurra hemen eta han. Tartean arbolak eta sastrakak adar biluztuekin eta atzekaldean harroka erraldoia nonahitik ikusgai. Mendialde paisai bete-betea.
Mendialde paisaia (Mountain region)
Etiketa: photography
Mendialdeko auzogunea (Countryside neighbourhood)
Appenzell (Suitza)
Mendialdeko auzogune honetan etxalde bakanduak zelaiez inguratuak ageri dira. Bestela, zelaiak basoak eta erreka gutxi batzuk baino ez daude inguruan.
Paisai aldakorra (Changing landscape)
Appenzell (Suitza)
Arbolak, elektrizitate zutoinak, kableak, etxaldeak, elurtutako zelaiak agertu eta alde egiten dute. Atzekaldean, baina, mendikate erraldoia beti ikusgai ageri da.
Baserriko irudia (Countryside picture)
Appenzell (Suitza)
Etxalde bakanduak, errepide zaharrak, elur printzak eta zeru hodeitsua. Neguko paisai betea baserriko edertasuna eta misterioa jasotzen duena.
Leihoa agerleku (Staged window)
Appenzell (Suitza)
Leihoa leku berrien agerlekua bihurtzen da trenak bere bidea hartzen duen momentuan. Epe labur baterako ez bada ere. Etengabe etorri eta joan egiten bait dute kanpoko paisaiek, herri eta hiriek edo pertsonek.
Egun iluna (Dark day)
Appenzell (Suitza)
Trenean atzera etxeraldera goazela, eguna iluntzen ari da. Batetik neguko eguzki baxua eta motelagatik, bestetik zerua hodei beltzez bete delako.
Baserri etxe zaharkitua (Old country house)
Appenzell (Suitza)
Baserri etxea zahartua egonda ere, eskualde honetako, Appenzelleko, estiloa gordetzen du. Baserriaren egoeraren metafora bat izango al da, tren baten leihotik kale-kume batek ateratako argazki hau? Espero dut ezetz. Baserriak bizirautea merezi du.
Baserri elurtua (Snowy countryside)
Appenzell (Suitza)
Trenean bidaiean goazela paisai ederra ageri zaigu. Irudiko etxaldean, berriz, neguko bizitza ederra bezain gogorra izango da. Animaliak zaintzea edo baratza hurrengo sasoirako prestatzea lan zailak dira elurra nonahi dagoenean.
Negu beteko giroa (Winter weather)
Appenzell (Suitza)
Negu hotza da aurten. Mendi gainetan eta haraneko zelaietan elurra barra-barra aritu du. Negu beteko giroan murgilduak gaude.
Ihauteri koloretsua (Colourful carnival)
Appenzell (Suitza)
Ihauteri koloretsua ospatzen da herri honetan, hontza erraldoia eta guztiz. Neguko festa garrantzitsua da hemen ere, garai zaharretatik iraundu duena eta inoiz baino indartsuago ospatzen dena.
Ihauteri hotza (Cold carnival)
Appenzell (Suitza)
Hotza ari du edo ihauteri garaian gaude? Ume honek biak batera datozela aprobetxatu du bere janzkera moldatzeko.
Hipopotamo panpina (Hippo dummy)
Appenzell (Suitza)
Panpina mahai gainean gelditu da esperoan. Noiz haurtxoren bat berarekin berriro gogoratuko den esperoan.
Azkenengo gutizia (Last craving)
Appenzell (Suitza)
Postrea bada bazkari on bat ospatzeko garaia. Aurrekoa gustatu ezkero, nola ez hartu azkenengo gutizia bat.
Kaktus iletsua (Hairy cactus)
St. Gallen (Suitza)
Puntu argietan hazten da kaktusa inguratzen duen ile samalda. Haragia inguratu eta babestea izango du helburu. Buruan adatsa hazia duela ematen du.
Kaktus etzana (Lying cactus)
St. Gallen (Suitza)
Atseden hartzen ari dela ematen du, eguzki epelaren pean etzana.
Kaktus borobil handia (Round big cactus)
St. Gallen (Suitza)
Kaktusa benetan da handia eta simetrikoa. Borobil perfektua eta arantza ilada pila ditu, bata bestearen atzetik hazten direnak eta landare osoa inguratzen dutenak.
Enbor luzeko kaktusa (Long cactus)
St. Gallen (Suitza)
Dotorea leiho ondoan eguzki argia gosez jasotzen duen kaktusa. Enbor luze, kiribildua eta ilexkaz betea. Ile biguneen artean, baina, arantza gogorrak ezkutatzen dira.
Kaktus koloretsua (Colourful cactus)
St. Gallen (Suitza)
Kaktusek itxura panpoxa dute, mamia puztuta edukitzearen itxuraz, urez bete-betea. Forma fintzeko kanpoa arantza koloredunekin apaindua dago. Gehiegi ez dute behar aurrera ateratzeko, eguzki argi nahikoa eta ur pixka bat.
Ohialezko panpina (Cloth doll)
St. Gallen (Suitza)
Haur baten astotxoa eskegita geratu da zain, umeak noiz bere bila etorriko den zain. Irribarrea ez zaio falta bakarrik egonda ere. Ohialezko panpina bat baino ez dela jakingo al du?
Hosto idor parea (Pair of dry leaves)
St. Gallen (Suitza)
Hosto idorrak zuhaitzean eskegitak gelditu dira. Neguko eguzki xumea ez da kapaza izango hauei bizia bueltan emateko.