Pfäfers (Suitza)
Arroilan gora hazi behar dira zuhaitzak hemen. Udazken koloreak agerian dute. Mendietan dagoeneko negua usaintzen da.
Etiketa: photography
Udazken giroa (Autumn feeling)
Pfäfers (Suitza)
Harkaitza, behelainoa eta zuhaitzak biltzen dira hemen irudia sortzeko. Iluntasuna eta argitasunaren konbinazio orekatuak sentipenak ernarazteko bidea zabaltzen du.
Harkaitz pareta (Rock wall)
Pfäfers (Suitza)
Egun goibela bailara estuan. Behelainoak harkaitz hormak mihazkatzen ditu. Udazken arbolak hostoak gorrituak dauzkate.
Mendietatik bueltan (Back from the mountains)
Appenzell (Suitza)
Egun euritsua eta baserritarrak mendi belardietatik bueltan datoz. Udazken hasiera da eta ez da giro alpeetako goi haranetan. Hobe baserriaren babesa gozo lo egiteko.
Laku bat mendiaren oinean (A lake at the bottom of the mountain)
Rigi (Suitza)
Laku bat mendiaren oinetara. Herrialde honetan sarri errepikatzen da hau. Baso eta zelaien berdea, lakuen urdin eta mendien marroiarekin apurtua.
Harkaitzezko ortzimuga (Rock horizon)
Rigi (Suitza)
Mendi paisaia primerakoa irudian. Alpeetako tontor garaienak inguruan daude. Harkaitz hutsa, belar edo zuhaitzen faltan, mendi gainetan. Harrizko profil gogorrek ortzimuga apurtzen dute.
Rigitiko ikuspegia (View from the Rigi)
Rigi (Suitza)
Hona hemen Rigi menditiko ikuspegia. Luzernako lakua, Vierwaldstättersee, behean da. Suitzako mendi turismoan aintzindari izandako lekua da hau. Tontorreraino igotzen den trena dago gaur egun, baina bere garaian Erresuma batuko erregina zaldiz igo zen. Hotela ere zegoen tontorrean.
Eguzkiari segituz (Following the sun)
Sursee (Suitza)
Loreok eguzkiari darraiote bere eguneroko zeruko bidean. Hortik beraien izena, eguzkilore.
Eguzkiloreak etxe aurrean (Sunflowers nearby home)
Sursee (Suitza)
Eguzki loreak izena apropos jasoa da; errainuak eta guzti. Etxeko lorategian eguzki puxka bat edukitzea al da lore hau landatzearen arrazoia?
Ur txirikorda (Water string)
Alpsee (Suitza)
Arroka biluzian behera doa ur txirikorda. Saltoka, harria kolpatuz eta arrasto zuri luzea utziz.
Alpeetako paisaia (Alp valley)
Alpsee (Suitza)
Lakua, mendi harana, pinudiak. Aldapa pikoak, harri puxka meterorizatuak eta denen gainean harrizko gailur erraldoiak. Alpeetako paisaia.
Hesidun borda (Hut with fence)
Alpsee (Suitza)
Gaueko hotzetik eta mendi aldeko ekaitzetatik babesteko borda behar da hemen. Sutondoa gorputza eta afaria berotzeko, ohea atseden hartzeko eta mahaia otorduetarako eta gazta lantzeko. Asko gehiago ez da behar. Garai batean horrela zen, gaur egun herrixka hurbilena hamabost minututara dago kotxez. Ez dago egun osoa hemen igarotzeko beharrik.
Joaredun ahuntza baten erretratua (Portrait of a goat with bell)
Alpsee (Suitza)
Joaredun ahuntza baten erretratua. Zuria da. Itzalean ari da atseden hartzen. Udako egun eguzkitsu da. Beroa ari du.
Ahuntz lasaia (Quiet goat)
Alpsee (Suitza)
Lasai dago ahuntza itzalean eserita. Udako egun beroa da eta eguzkian baino hobe itzalean egoten zen. Ondoan turistak ari ziren eguzkian etzanak edo bainua hartzen. Alpsee lakua fresko zegoen.
Untzi baten argiak (Lights from a ship)
Sorgenti di Aurisina (Italia)
Untzi bat gauaren erdian. Argiak ur barean isladatzen dira eta kokapena erakusten digute. Itsaso barnean untzi soil batek, handia dela ere, duen bakartasuna adierazten dute.
Eguzki sartze koloretsua (Colourful sunset)
Sorgenti di Aurisina (Italia)
Hodei gorriak, zeru hori eta urdina eta ur lasaia. Udako gau hasiera koloretsu eta zoragarria.
Argiek margotua (Painted by lights)
Sorgenti di Aurisina (Italia)
Argi bat hemen, beste bat han. Gaua margotzen dute. Ilunaren beltztasuna edertzen dute. Kolore beroez egindako margo bat osatuz.
Ilunabarra itsasoaren aurrean (Sunset in front of the sea)
Sorgenti di Aurisina (Italia)
Eguzkia ortzimugaren atzean sartu berri da. Arbolak dagoeneko ilunera joanda daude. Soilik zeruak gordetzen ditu argi printza batzuk eta urak haiek isladatzen ditu gureganaino.
Itsaso leunean kulunkan (Swinging in a flat sea)
Grignano (Italia)
Untziak amarratutak, masta bat bestearen segidan lerratutak dutela, itsaso leunean kulunkan.
Leihoa itsasorantz begira (Window heading the sea)
Trieste (Italia)
Itsasoari begira dago hemeretzigarren mendean eraikitako Miramare gaztelua. Lorategiak, paseatzeko bidexkak, aintzirak, eta portua dauzka. Garaiko modura egokituak oraindik. Ferdinand Maximilian Austriako Kaiserraren anaiaren etxebizitza izateko sortu zen. Hemen zoriontsu biziko zen, bere azken bidaian Mexikora, enperadore kargu hartzera, joan zen arte.