Saas Fee (Suitza)
Haranaren hondoan txiki-txikia ematen du herria. Bere etxeak eta errepideak mendi-hegi erraldoiez eta baso sakonez inguraturik daude.
Hegi erraldoi eta baso sakonez inguraturik (Surrounded by giant slopes and dense forests)
Etiketa: Saas Fee
Hegi garbiak, ertz luzeak (Clean sides, long edges)
Saas Fee (Suitza)
Arroka erraldoiak forma finak ditu. Hegi zapalak eta garbiak ertz luzeek banaturik. Zerua baino ez dauka gainetik eta bere parean beste arrokazko punta gutxi batzuk baino ez dira ikusten.
Erraldoien artean erraldoienak (Giants among giants)
Saas Fee (Suitza)
Handiak, gogorrak, nobleak. Mendi garaiak gure inguruan dauzkagun erraldoien artean erraldoienak dira.
Arrokazko horma (Rock wall)
Saas Fee (Suitza)
Beldurra ematen du harrizko horman gora joatea pentsatzeak. Aldapa gogorrak, igoera ia bertikalak, elurra eta izotza nonnahi. Hobeto udararte itxarotea ingurune hauetan menturatzeko.
Mendi malkartsuak (Rugged mountains)
Saas Fee (Suitza)
Mendi hegal malkartsuak, ebakita baleude bezalako aldapa gogorrekin, dira nagusi bailara honetan. Lur barneko indar ikaragarriek horrela suertatzea nahi izan dute.
Mendiko txabola neguan (Mountain hut in winter)
Saas Fee (Suitza)
Elurrak erdi estalita gelditu da etxola. Honegatik ez dago artzairik edo behizainik garai honetan. Beheko haraneko etxaldera bueltatu dira, han jateko gehiago eta hotz gutxiago izango bait dute. Beraien ordez, naturak hartzen du lekuaren jabetza urtaro hotzenean. Landareak aske hazten dira. Piztiak nahieran joan eta etorri egiten dira.
Teleferikoz edo oinez? (In the cable car or on foot?)
Saas Fee (Suitza)
Teleferikoa erraz doa mendian gora eta behera. OInez joan ezkero berriz, erronka bat da gailurretarainoko bidea jarraitzea. Bere saria badauka hala ere. Naturaren edertasuna bertatik bertara ikustea esperientzia benetan berezia da.
Teleferikoa eta mendiak (Cable car and mountains)
Saas Fee (Suitza)
Gailur altuenetan eta kalpartsuenetan ere gizakiaren arrastoa aurki daiteke. Gure ingurunea aldatzeko gaitasun izugarria dugu.
Edertasuna izoztea (Freezing the beautifullness)
Saas Fee (Suitza)
Eguzkiari gabon, egunari gabon. Bihar goizerarte elurra eta izotza oraindik eta hotzagoak, oraindik eta gogorragoak izango dira. Edertasuna izozten du gauak.
Eguzkia badoa (The sun is leaving)
Saas Fee (Suitza)
Eguzkia badoa gaurkoz eta harana pixkanaka itzaltzen ari da. Etxeak, berriz, bizitzaz eta argiz beteko dira.
Mendi magaleko basoa (Forest in the mountainside)
Saas Fee (Suitza)
Mendi magaleko basoan hotz dago garai honetan. Ez da giro elur artean. Zuhaitzek bere bidea aurkitu behar dute hemen aurrera egiteko. Enbor luzeak eta zuzenak, hosto meheak eta luzeak. Horrelakoak eta bestelakoak behar dituzte.
Basoaren neguko jantziak (Winter clothing of the forest)
Saas Fee (Suitza)
Itxura bestelakoa du basoak elurrez estalita dagoenean. Txikiagoak direla ematen dute sasiek. Enbor ebakia erdi ezkutatuta dago. Maindire negutiarrak dena aldatzen du.
Basoa eta mendiak (Forest and mountains)
Saas Fee (Suitza)
Basotik haratago zer dago? Arroka erraldoia zuriz jantzita eta negu haize hotzaren menpen. Eskerrak eguna oskarbi dagoela eta eguzkiak gure gorputza epeltzen duen.
Elurra hegaka (Flying snow)
Saas Fee (Suitza)
Haizeak elurra darama. Zerura bueltatzen du zerutik etorri dana.
Zeru urdina gainetik (Below the blue sky)
Saas Fee (Suitza)
Arroka eta izotzezko erraldoia harro nabarmentzen da. Bere triangelu itxura pertxenta inguruko mendien gainetik argi ageri da. Soilik zeru urdina dauka gainetik.
Islada ilunak (Dark reflections)
Saas Fee (Suitza)
Haizeak elurra orraztu du izotz purua baino ez utzi arte. Islada ilunek elur argiarekin kontraste bizia egiten dute.
Epeletik begira (Watching from a warm place)
Saas Fee (Suitza)
Epelean egotera joan behar da mendi gain hauetan, hotza franko ari bait da. Leihoek kanpoko espektakulua ikustea ahalbidetzen dute. Edari epel bat hartu, mahai baten bueltan eseri eta lekuaz gozatzen jarraitzea dago. Elurra eta izotza arroka artean nahasten dira. Ez da belarrik ikusten. Ez dago zuhaitzen arrastorik.
Gailur hotz eta haizetsuak (Cold and windy summits)
Saas Fee (Suitza)
Harria, haizea eta izotza nahasten dira eskultura iraunkaitzak sortzeko. Harri iluna izotz hotzak inguratzen du eta haizeak biak zizelkatzen ditu. Forma fantastiko berriak sortzen dituzte guztien artean.
Marrazkiak eta itzal jolasak (Drawings and shadow games)
Saas Fee (Suitza)
Elurraren gainazal leun eta biguna hotzak gogortzen du. Gainean marrazten uzten du, hala nola argi eta itzal jolasetan aritzen da.
Zerua muga (Limited by sky)
Saas Fee (Suitza)
Betiereko elurra nagusi den eta zerua muga duten mendi gainak leku bereiziak dira. Gure ohiko neurrietatik ateratzen den parajea da. Erakartzen gaitu, baina, aldi berean, beldurra diogu.