Santoña (Espainia)
Itzalak nagusitzen hasiak dira. Argiz betetako putzuak itzaltzen hasiak dira eta urruneko formak belzten joanak dira. Arratsaren momentua da, gaueko ataria.
Itzalak nagusitzen (Shadows growing)
Etiketa: sky
Ura eta harea nahasten deneko tokia (The mixing place of water and sand)
Santoña (Espainia)
Ura eta harea nahasten delarik sortzen da hondartzako lekurik xamurrenak. Zeharo egokia paseoa edo korrikaldia egiteko edo besterik gabe itsasoko mugimenduari begira esertzeko.
Hondartza ondoko etxebizitzak (Houses near the beach)
Santoña (Espainia)
Hondartza lehenengo eta berehala etxe multzoak hasten dira. Zerura luzatzen den eraikuntza nabarmentzen da. Apartamentuek itsasoaren ikuspegi pribilegiatua dute, inguruko beste ezerren konpetentziarik gabea gainera.
Isladetan dago bizitza (Life lies on the reflection)
Santoña (Espainia)
Itsasoko ura leunki heltzen da hondartza bazterrera eta bertan lamina fin bat uzten du. Beraiengan datza ikuspegi honek sortzen duen lilura. Zeruko urdin kolore sakona eta arratsak ilundutako hodeien zuria jaso eta biderkatzen dute gero guri erakusteko.
Arratsaldea hondartzan (Evening in the beach)
Santoña (Espainia)
Arratsaldea iluntzen ari bada ere, itsasoaren mugimenduak ez dauka etenik. Olatuak behin eta berriro etorri egiten dira, apar batean bukatuz hondartza ondoan. Ur ertzeko harea heze mantentzen da mantso-mantso heltzen den uhinen eraginez. Bitartean, zeruan hodeiek euriaren hurbiltasun betierekoa iradokitzen dute.
Udazken beteko paisaia (Full Autumn landscape)
Santoña (Espainia)
Zerua hodeitsu, itsasoa bare, haizea gogor eta tarteka euriak bustia. Udazkeneko egun betea. Kostaldeko mendi, muino eta hondartzek itsasoa eta hodeien artean itxura ederra agertzen dute. Munduko txoko honek bere xarma osotasunean agertzen du honelako egunetan.
Itsasertzeko harrizko erraldoia (Stone giant of the coast)
Santoña (Espainia)
Harrizko erraldoia itsas ertzean gelditu da izoztuta, itsasoari altuera handietatik begira baina mugitu ezinda, bere olatuen eta itsasaldien menpe. Handia eta gogorra ematen du baina aurrean duen erraldoia ez da ahulagoa eta nekaezin aritzen da bere karearrizko paretak higatzen.
Itsas ondoko pasealekua (Near sea promenade)
Santoña (Espainia)
Itsas ondoko pasealekuan kostalde bikaina ikusten da. Itsas barruraino heltzen diren mendiekin josia, kantabriar itsasoaren olatuz beteriko uretan sartzeraino.
Egun haizetsu eta euritsua (Windy and rainy day)
Santoña (Espainia)
Zeru zabalean hodei zuriak arin bidaiatzen dira haizearen bultzadaren menpe. Beherago lekuko biztanleak jaka lodietan ezkutatzen dituzte aurpegia eta eskuak, haizetik eta euritik babesteko. Harrizko eraikuntzak gogor eusten diote, horrexegatik eraiki bait ziren, lekuko klima gogorra tinko jasateko.
Baserri ordenatua (Countryside in order)
St. Gallen (Suitza)
Noiz eta zergatik ekarri zuten hona etxalde hau? Baserrian bizitzeko desira izango al zen? Bizimodua ateratzeko modu profitagarri hutsa? Paisaian asentatuta dago orain, bere edertasunaren parte ere.
Larre zabalak (Wide fields)
Appenzell (Suitza)
Larre berdeak mendietan gora hedatzen dira. Tarteka baso koskorrak ere ikusten dira. Gehiena, baina, belardiak dira eta uda partean fresko eta berde diraute.
Aireko mendi bidaiariak (Mountains traveling in the air)
Wildhaus (Suitza)
Inguruko mendiak eta basoak argiz hutsik daudela ematen dute zeruko urdin ilun oskarbiaren ondoan. Hala ere, hodei zuriek, aireko mendi bidaiariek, jaso eta igortzen dute eguzkitik argi gehien.
Zuhaitz multzoa argi kontrara (Group of trees against the light)
Wildhaus (Suitza)
Argi kontrara zuhaitz guztiak ilunak eta hotzak dira. Lurretik enborra zuzen altzatzen denean eta abarrek aldeetara armonia osoan erortzean, basoetako jaun guztiek ez dutela alde egin datorkit burura.
Mendi paisai zoragarria (Marvelous mountain view)
Wildhaus (Suitza)
Pinu bakanak mendi belardietan sakabanatuak zeruari eta inguruko menditzarrei begira daudela ematen dute. Zergatik ez lukete ingurua horrela behatu beharko? Zoragarria, liluragarria da lekua.
Hodeiak zeruan garraioan (Clouds transported in the sky)
Wildhaus (Suitza)
Zeru urdinean haize zurrunbiloka garraiatzen ditu hodeiak. Mendien artetik agertzden dira, berriro ortzimugaren bestaldean desagertzeko.
Egun oskarbia mendi goietan (Sunny day in the mountain)
Wildhaus (Suitza)
Zerua urdin dago eta haizerik ez dabil eta eguzkiak gogoz berotzen du. Udako egun betea daukagu. Mendi goietan, baina, sargoriak ez du hain gogor jotzen. Hori eskerrak, paseo txikia egitera irtetzeko aukera izan dugu eta bidean paisai zoragarria ikusi ere egin dugu.
Goi mendiko larre bat (A mountain grass field)
Wildhaus (Suitza)
Goi mendietan larreek itxura zoragarria izaten dute uda partean. Pinu gutxi batzuk ere agertzen dira tarteka. Eta guztien gainetik zeru zabala, urdina eta hodei zuriez josita. Horrela da eguraldi oneko egunetan behintzat.
Lehoi baten zauriak (Wounds of a lion)
Lichtensteig (Suitza)
Lehoi honek denbora dexente eramango du hemen. Horren itxura ematen du, behin bere gorputzeko zauriei begiratutakoan.
Parapentelariak (Paragliders)
Waserauen (Suitza)
Parapentelari hauek mendialde honen ikuspegi ezin hobea izan behar dute airean patxadaz mugitzen diren bitartean. Lana ere badute, baina, aire korronteetan nabigatzen eta lurreratzeko lekua bilatzen.
Arrokazko gailur altua (Rocky tall summit)
Waserauen (Suitza)
Arrokaz osatutako mendi erraldoia argi ikus daiteke haranaren bukaeran. Bere goiak elur zuriz apainduak ageri dira. Kolore bereko hodeiak zeru garbian mugitzen dira mendietako gailurrak bere altzoan hartuz.