Rorschach (Suitza)
Uraren koloreak, lakuaren gardentasuna, makilaren sendotasuna, argiarekin itzala dauzka argazki honek.
Uraren koloreak (Colours of water)
Etiketa: sky
Eguzkitan eseri (Sitting in the sun)
Rorschach (Suitza)
Perfektu dago eguzkitan esertzeko. Gorputzean epela sartzea sentsazio gustagarria da eta, lagun batekin kontu-kontari egoterik badago, orduan eta hobeto.
Argi-ilun bizia (Strong contrast)
Rorschach (Suitza)
Neguko azken argitan epeltzen da zuhaitza. Itzalak, aspaldiko partez, lurrean luze hedatzen dira, argi-ilun bizia sortuz. Lakuko ur hotzetara jauzi egin nahi dutela ematen du.
Neguko soiltasunaz jantzita (Dress in winter)
Rorschach (Suitza)
Udaberria dator, egunak luzatu dira, eguzkiak berotzen du baina zuhaitzek, oraindik, neguko jantziak darabilte. Laster, baina, haziko dira lehen hosto berde distiratsu. Freskotasunez beteko da negu usaineko txoko iharrak.
Harrizko erraldoiari begira (Looking at the stone giant)
Craveggia (Italia)
Paisaia gogorra mendi bailara honetan. Harrizko erraldoiek inguratuta egoteak txiki sentiarazten du. Mendi gainari azken begiradatxoa botako diogu eta bihar arte agurtu.
Zeruko argi leunak ekarriak (Made by the soft light of the sky)
Craveggia (Italia)
Zeruko argi leunak soslaiak baino ez ditu uzten erakusgai. Arratsa heldu da eta hor behean gauerako prestatzen hasiak dira denak.
Arratsak harrapatutako herria (Town caught in the twilight)
Craveggia (Italia)
Arratsak harrapatu du herria, iluntasun samurraz inguratuz. Zerua, berriz, argi leuneko ñabardurak hartu ditu, gauaren zain gelditzen den bitartean.
Argitasuna tarteka (Patched lightness)
Malesco (Italia)
Eguzkiak zerua argiztatzeko baino ez du indarrik arrats partean eta horrek lilura sortzen digu. Bitartean, kale-argi xumeek astro handiaren lanari segida ematen saiatzen dira. Baina argitasuna soilik tarteka ekartzea lortzen dute.
Elizako dorrea gauez (Church tower at night)
Malesco (Italia)
Gaueko orduak datozela, kale-argiek ematen diote segida herri honen paisaiari. Elizako dorre altua, harri landu argiaz egindakoa, nabarmentzen da bestee eraikuntzen artean eta inguruko mendien aurrean.
Mendi gainen handitasuna (Great summits)
Malesco (Italia)
Inguruko herriak eta hiriak ilun gelditu dira mendi gainen zuritasun eta handitasunaren ondoan. Hodeiek baino ez diete itzal egiten.
Harrizko zutabea (Stone column)
Malesco (Italia)
Harrizko zutabea eta gainean metalezko gurutzea monumento ezhoizkoa da, ez da ala? Argi-kontrara, zeru hodeitsuaren aurrean eta arratsaldeko eguzki ahuldupean irudikatua itxura misteriotsua hartzen du.
Gailur izoztua (Frozen summit)
Malesco (Italia)
Udaberrian egon ba gaude. Giroan ere nabari da, baina hemengo mendi gainetan elurra da nagusi oraindik. Kostatzen zaio urtaro sartu berriari garaiera hautetako txokoak epeltzen.
Profilak baino ez ikusgai (Only profiles remain visible)
St. Gallen (Suitza)
Profilak baino ez dira gelditzen ikusgai. Arbolen adarrena, etxeena eta zutoin bakan batzuek han eta hemen.
Zerua zabal, hodeiak luze (Wide sky, long clouds)
St. Gallen (Suitza)
Zerua zabal dago, hodeiak luze dira eta arratseko eguzkia erortzen doa. Zeru koloreak epeltzera egin dute eta itzalak bazterretetatik ihes egin dute, leku denetara hedatzeko.
Euri hodeiak (Rain clouds)
St. Gallen (Suitza)
Euri hodei gutxi batzuk pasatzen dira baina bere karga beste nonbaiten utzi behar dute. Hurbil dagoen gaua hezea gerta daiteke hodei hauek iragartzen dutenaren arabera.
Arratsa gaua bihurtu arte (When the sunset becomes night)
St. Gallen (Suitza)
Argia eta iluna nahasten hasten dira pixkanaka. Helduko da momentu bat non ezin diren bata bestearengandik bereizi. Pixkanaka, baina, ilunak irabazten du arratsa gaua bihurtu arte.
Kale gainean eskegitako argiak (Hanging lights)
St. Gallen (Suitza)
Kaleko argiak gaua datorren heinean pizten doaz. Zerua iluntzen den bitartean, argiak agertzen dira han eta hemen, kaleen gainean eskegitak.
Kale argi laranja (Orange street light)
St. Gallen (Suitza)
Goian zeru urdina geroz eta ilunagoa eta behean kale argi laranjak. Gaua gauago ematen du. Koloreak lausotzen dira eta jendea bere baitara biltzen da kaletik ibiltzen doalarik.
Eguzkia ezkutatuta (Hidden sun)
Appenzell (Suitza)
Eguzkia ezkutatu da hodeien artean. Printzak batzuk baino ez dute ihes egiten.
Pinuen profila (Pine profile)
Appenzell (Suitza)
Pinuen profila erraza da errekonozitzen. Mendi giroan ohikoak dira, giro hotzean ondo moldatzen bait da arbola mota zahar hau.