St. Gallen (Suitza)
Zein ederra izan daitekeen negua. Betetzen dira kaleak elurrez. Estaltzen dira zelaiak alfonbra zuriarekin. Apaintzen dira zuhaitzen adarrak estaldura zuriarekin.
Estaldura zuri negutiarra (Winter white cover)
Etiketa: snow
Elurraren gainazala (Surface of snow)
St. Gallen (Suitza)
Elur geruzaren gaina leuna da lehenengo inpresioan. Tontor txikiak ikusten dira hala ere. Zimurdurak ere dauzka. Zartadura handienak aztarnek egiten dituzte.
Enbor labur eta adar luzeak (Short trunk and long branches)
St. Gallen (Suitza)
Zuhaitz honek urteak izan behar ditu. Enbor labur baina sendoak tinko mantentzen ditu adar luze eta lirainak. Hostorik ez ditu garai honetan, baina elurrak ederki apaintzen du.
Garaje sarrerak eta balkoia (Garage entrances and balcony)
St. Gallen (Suitza)
Garaje sarrera bikiek ateko sarrera ere konpartitzen dute, kolore urdin ederrean margotutakoak. Beraien gainean balkoi estu batek, zoragarriki ikuskatzen du ibilgailuen sartu-irtenak. Estilo soila baina itxura ezin hobea duen arkitektura puska.
Espaloi ertzaren kollagea (Collage of the pavement border)
St. Gallen (Suitza)
Espaloiaren ertzak ubide lana ere egiten du, orain bezala, kaleak elurrez edo euriz blai gelditzen direnean. Harrizko blokeak, galipota, ur hotza eta izotz erdi urtua nahasten dira, gertutik ikusita kollage bat osatzeko moduan.
Adaxkek egiten dute arbola (Trees are made by the small branches)
St. Gallen (Suitza)
Elurra zuria da. Zerua baita ere. Beste dena beltza da bien argitasunaren aurrean. Adar lodiek egitura sortu eta adaxkek han eta hemen sortzen dira zuhaitzaren gorputza betez. Hostoak falta dira izakia osorik izateko. Horiek eguraldia hobetzen den heinean helduko dira. Urtaro berria ekarriko dute beraiekin batera.
Gurpil aztarnen irudia (Pattern of wheel marks)
St. Gallen (Suitza)
Kotxearen gurpil aztarnek irudi korapilatsua utzi dute garaje biren aurrean. Ibilgailu batek edo batzuek dantza bat osatu dute, motorearen run-run zarataren erritmoaren dantza.
Neguko hosto estalkia (Winter leaf cover)
St. Gallen (Suitza)
Zuhaitz honek ez du hostorik galdu neguaren hotzenean. Horrela, udaberri arte izango du babes xume hau. Txorinoek eskertuko dute gehien.
Elur maluta eskegiak (Hanging snow)
St. Gallen (Suitza)
Elur malutek nahiago izan dute itsastea eta eskegita gelditzea, lurra besarkatzea baino. Irudi bitxia zinez.
Porlana, adreilua eta beira (Concrete, brick and glass)
St. Gallen (Suitza)
Elurra eta hotzari porlana, adreilua eta beirarekin egiten zaio aurre. Kanpoan hotz eta barruan epel. Hau izan da helburua milaka urteetan. Baina, aldi berean natura ere arrotz gelditzen zaigu. Ahazten dugu nondik gatorren eta zer izanak gara. Noizbai bueltatuko al gara hura izatera?
Beirate galantadun etxea (House with giant windows)
St. Gallen (Suitza)
Beirate galanta daukaten etxeok ikuspegi desiragarria dute oso. Kanpotik begiratzea ere gozamena da. Lerdentasuna dario lekuak bere diseinu garbiarekin.
Baso zuria eta zeru urdina (White forest and blue sky)
Lehmen (Suitza)
Basoko zorua zurituta dago gaueko izotz zuriagatik. Ez du azkenaldian elurrik bota eta zeruko urdin koloreak ez du elur jasa berririk iragartzen.
Arbolak neguan (Trees in Winter)
Lehmen (Suitza)
Pinu eta izeiek zaintzen dute basoa udazken eta neguan. Beste arbolak, berriz, erdi-lotan egoten dira egunak laburrak eta hotzak diren bitartean. Elurrari ere ez diete beldurrik.
Udazkeneko kolore arreak (Earthy colours of Autumn)
Lehmen (Suitza)
Kolore arreak nagusi dira udazkenean. Belarraren berdea baino ez da gelditzen udaberriko kolore festatik. Sastraka gehienak adar hutsak dituzte eta pinudien berde sakonak ez du kolore sorta apenas alaitzen.
Ira zaharra (Old fern)
Lehmen (Suitza)
Ira zaharra, aitzinatiko basoko biztanlea, bere urteroko bizi zikloaren momentu baxuenean dago. Lehortzen utzi du bere burua, garai hobeak etorriko direnaren zain.
Zutoina eta muga (Border and stick)
Lehmen (Suitza)
Egurrezko zutoin karratuak eta hari elektriko finak muga bat sortzen du. Nahikoa da abere bat zelai barnean mantentzeko edo kuxkuxero bat sartzea ekiditeko. Baina landareak edo harrapaladan datorren haizea ez dute muga hori ulertzen. Alde batetik bestera ibiltzen dira lotsarik gabe.
Zutoin elektrikoa (Electric post)
Lehmen (Suitza)
Zutoin honek kable sorta fina dauka lotuta. Abereak zelaian gordetzeko lana berak egin behar du berak bermatzen ditu. Gailu elektriko honek artzaina edo abeltzainaren lana errazten du. Bide batez, gure inguruen itxura modernizatu egiten du. Garai berrien seinalea da.
Hesia elurrez inguratua (Fence surrounded by snow)
Lehmen (Suitza)
Zurezko hesi bat banatzen du larrea nahiz eta negu atariko egun hotzetan ez den abererik ikusten. Belarra eta zuhaitzak baino ez ditu inguruan egurrezko egiturak. Elurra ere noski. Elur garaian gaude eta argi ikusten da hemen.
Baserri bideko bazterra (Side of a rural way)
Lehmen (Suitza)
Baserri bideetan aurkitzen dira hesiak larreak eta larreetakoak babesteko. Mendia guztiona da baina ez bere larreak.
Haitz zorrotzak (Sharp rocks)
Lehmen (Suitza)
Elurrak luze irauten du gailurretan. Haitzak zorrotzak dira, hotzak eta izotz gogorrak erasaten bait diete.