Paradiso (Suitza)
Arbolaren hezurdura agerian dago oraindik. Udaberriko sasoi epelak ez dio oraindik aukera eman bere biluztasuna ezkutatzeko. Pixkanaka, baina, hasiko da hosto berde distiratsuekin janzten.
Arbolaren hezurdura (Tree skeleton)
Etiketa: Suitza
Adarrak dantzan (Dancing branches)
Paradiso (Suitza)
Haize leunak arbolaren adarrak dantzan jartzen ditu. Ohituta dago landare handia bisitari honen astindualdietara. Gogor eutsi eta itxaron pasatu arte. Askorik gehiago ezin du egin.
Mendia, lakua eta zerua (Mountain, lake and sky)
Paradiso (Suitza)
Harrizko mendi erraldoia ura eta zerua artean harrapatuta ematen du. Bata zein bestearen alboan, garratza eta gogorra da.
Umea eta lakua (Lake and child)
Paradiso (Suitza)
Neskato bat laku baten aurrean dago urrunera begira. Jolasean egongo al da? Pentsakor al dago? Urazpian egongo diren arrainak asmatu nahiaz ariko al zaio urari begira?
Lakuko istorioak hondakinetan (Stories of the lake in its waste)
Paradiso (Suitza)
Urak hona ekarria dena, lehenago beste nonbaitetik eramana izana da. Ur ertzean pilatzen joan da eta lakuaren inguruko bizitza deskribatzen du. Hondakinak leku batean batu eta olatuen gainean beste nonbaitera eramaten ditu.
Ur ertzeko hotela (A hotel in the shore)
Paradiso (Suitza)
Gosaria hartu bitartean olatuen soinua entzuten da. Arratsaldeko sargoria gainetik kentzeko uretara salto egin daiteke. Ur ertzean alboan edukitzeak kategoria extra bat ematen dio hotelari.
Ur ertzetiko gogoetak (Thoughts from the shore)
Paradiso (Suitza)
Ur ertzeanl lakuari begira egon eta likido masa erraldoi horren barnean zer egongo den etortzen da gogora. Beste mundu bat da. Ulertu ezin dugun beste mundua.
Ur ertzean jolasean (Playing in the shore)
Paradiso (Suitza)
Urak erregali txikiak ekartzen dizkie bertara hurbiltzen diren haurrei. Ur-ertzera heltzen dira olatuek bultzatuta landare enborrak, animali oskolak edo mota guztietako plastiko puxkak. Horiek batzen momentu ederrak izan ditzazke ume jolastiak.
Mendi arteko lakua (Lake between mountains)
Paradiso (Suitza)
Lakua mendi artean harrapatuta dago. Harkaitz sendoek eusten diete ur masari bere bi aldeetan. Bertan bizi direnak mendi hegaletan sakabanatu behar dira, aldapetan barrena.
Elurrez estalitako eskultura (Sculpture covered in snow)
Appenzell (Suitza)
Harri puska hau eskultura da aldi berean. Elurrez erdi estalia dago. Nabari da mendialdeko herri honetan neguak gogorrak direla, baina kulturarako lekua gordetzen dute ere.
Neskatoaren silueta (Silhouette of a girl)
Appenzell (Suitza)
Kaixo panpox. Jolasten ari al zara tunelean? Ba al dakizu adreiluak erretzeko erabiltzen zen labe bat izandakoa dela? Zer? Egia. Orain ezkutaketetan jolasteko leku aparta da.
Garretan egondako pareta (Flamed wall)
Appenzell (Suitza)
Pareta honek urtetan zehar sutan egon da. Nabari zaio gainazalaren garraztasunean. Lana ongi bete du. Orain atseden hartua du betebehar gartsuetatik eta jakinminez hurbiltzen diren bisitarientzat dago ikusgai.
Labe barruko laberintoa (Labyrinth inside an oven)
Appenzell (Suitza)
Harriz eta adreiluz eraikitako labeak laberinto bat gordetzen du barruan. Ez da ohikoa halako egiturak ikustea.
Estua eta epela (Narrow and warm)
Appenzell (Suitza)
Lekuaren estutasunak eta epeltasunak labearen barruan bizitakoei buruz pentsarazten dute. Pasilloan sartu eta garai bateko industriarien esfortzuak sentitzen dira.
Labeko pasabide iluna (Dark passage of the oven)
Appenzell (Suitza)
Tunel ilun bat zertarako beharko da? Zenbait erabilera izan ditzazke. Harrigarrienetariko bat labe moduan erabili izatea da. Pasillo klaustrofobiko horietan adreilu egin berriak pilatzen ziren eta su batek sikatzen zituen. Horrela sortzen ziren etxeak eraikitzeko lehengaiak.
Teilatu zurituak (Whitened roofs)
Appenzell (Suitza)
Teilatu zurituek etxeak ezkutatu egiten ditu, inguruko paisaiaren negu koloreak imitatuz.
Mendialde zuritua (Snowy mountain area)
Appenzell (Suitza)
Zurituta dago mendialde hau. Elur ekaitzak gogor jo du hemen. Negu gorriak bere legea ezarri du beste behin ere.
Elur ekaitza bitartean (In the snow storm)
Appenzell (Suitza)
Elur ekaitz baten zain daude mendi haran honetan. Ur hotzaren erauntsiak ez du soilik zerua goibeldu. Herritarrak beraien etxeetan sartu behar izan dira, giro goxoago baten zain egotera.
Lera bakartia (Lonely sledge)
Kronberg (Suitza)
Garai egokia da lerarekin ibiltzeko. Eguzkia aprobetxatu eta aldapetan behera abiadura bizian ibiltzen egun pasa egitea ez da plan txarra. Momentuz atseden hartzea tokatzen da. Lerarentzako astia egongo da gero.
Menditik beherako hegaldia (Flight down the mountain)
Kronberg (Suitza)
Mendian behera hegaz bezala ari gara jeisten. Laster azpiko haranean egongo gara. Lehen behera begira egon gara inguruak miatzen. Azpian urrun ikusiko ditugu harrizko erraldoiak, zerurako erdi-bidean.