Appenzell (Suitza)
Adarrak ahul eta apurkorrak ematen dute haizeak alde batetik bestera darabilenean, baina eusten diote astinduei. Jarraitzen dute bere lekuan, prest haizearen hurrengo harroaldirako.
Adarren dantza (Dance of the branches)
Etiketa: Suitza
Haizean dantzan (Dancing in the wind)
Appenzell (Suitza)
Adarrak haizeak dantzan jarri ditu, goxo astindu, udazkeneko hosto lehorrak erortzen utz ditzaten.
Kale nagusi apaina (Elegant main street)
Appenzell (Suitza)
Kale nagusia, bisitariak erakartzeko irrikaz dendez beterik, hiri honek daukan erakargarpen handiena da. Garai bateko eraikuntza ondo zainduak eta gusto handiko erosteko aukerak. Hau dena probesteko historia luzeaz eta berezitasun handiaz aprobetxatzeko.
Metalezko ikur koloretsua (Colourful metal sign)
Appenzell (Suitza)
Metalezko ikurrak denda edo saltokia markatzen du, estiloarekin markatu ere. Urrezko armarri itxura hartzen du. Kalearen goiak antzeko sinboloez beteak izaten dira. Paseoan dabilenek erraz kokatzen dituzte inguruko saltokiak.
Bandera dantzan (Dancing flag)
Appenzell (Suitza)
Bandera haizeak astintzen du. Makilan dantzan jartzen du.
Arratsa nagusi (Sunset takes over)
Zurich (Suitza)
Arratsaren kolore bizi eta gorriztatua gailenduz joan da zeru osoa hartzera heldu arte. Lurretako detaileak galtzen doazen einean, zeruetako koloreak eta argi jokoak baino ez dira gelditzen gaua heldu bitartean.
Arratsaldeko ikuspegia (Evening view)
Zurich (Suitza)
Arratsalde honetan hodeiak dira nagusi zeruan. Argia gutxinaka ari da apaltzen eta inguruetako detaileak itzalen barnean galtzen hasiak dira.
Metalezko txori erraldoiak (Giant metal birds)
Zurich (Suitza)
Metalezko txori erraldoiak bare daude hangarrean aparkatuak, baina zeruan abiadura bizian doazela ozen egiten dute orro. Xamurki esnatzen dira. Lehenengo pausoak astiro eta pauso astunekin egiten dituzte pistetan zehar. Baina abiadura hartzen duten heinean, transformatu egiten dira. Ez dira metalezko tramankulu astunak, airea artezki nabigatzen duten belatzak baizik.
Aireportuko zeru zabala (Wide sky of the airport)
Zurich (Suitza)
Aireportuko eremu zabaletan zeruak eta zerumugak infinitoak izaten dira. Hegazkinek beraien leku naturalera joateko bide zuzena izaten dute, haiek zentruan jarrita pentsatuak daude.
Amaitu da hegaldia (The flight finished)
Zurich (Suitza)
Amaitu da hegaldia. Aireportuko eraikuntza nagusia bistan da eta pixkanaka ari gara hurbiltzen. Atzekaldean, zerumugaz haratago, eguzkiak ihes egin egunari baina hodeietan oraindik nabari dira bere argi gorrituaren isladak.
Bi ardi lagun (Two friendly sheeps)
St. Gallen (Suitza)
Lagun onena modura ari dira bi ardiak bata bestearen ondoan jaten. Belarra gogoz hartzen dute eta lore gaziren bat noizean behin aurkitzen badute, ahoa gozatu ere egingo dute berarekin.
Hiru ardi eder (Three great sheeps)
St. Gallen (Suitza)
Hiru ardi ederrek beraien janariari baino ez diete atentzioa ematen. Belardiak nahikoa dauka artalde osorako eta hori baliatzen ari dira.
Lanbroa heltzen (Coming fog)
St. Gallen (Suitza)
Lanbroa heltzen ari da hirira. Pixkanaka ezkutatzen ditu inguruko basoak, gero etxeak, kaleetara eta errepideetara heldu arte. Irentsi bezala egiten ditu, tapaki lodi batean ezkutatu.
Behe lainoa (Fog)
St. Gallen (Suitza)
Behe lainoa haranaren hondoan zabaltzen hasi da eta maindire zuriaren azpian estali ditu basoak eta zelaiak. Bailara pixkanaka desagertzen ikusteak harridura eta halako emozioa, zirrara, sortzen du.
Zurezko kai txikia (Wooden small quay)
St. Gallen (Suitza)
Zurezko kai txikia ezin hobea da atseden hartzeko eguzkitan eserita. Udazken garaian igeri egiteko sasoi ona ez da, baina oraindik posible da lekuaz gozatzea. Turistaren bat edo beste ikusten da.
Urmaela udazkenean (Pool in Autumn)
St. Gallen (Suitza)
Aintzira edo urmaela daukagu gure aisialdian paseoa emateko edo uda garaian igerian joateko. Eguzkitan etzan eta gozatu ere egin dezakegu, baina orain uda amaitu da. Egunak azkar ari dira laburtzen eta hotza nabari da goizetan. Arbolek ere nozitzen dute urtaro aldaketa eta pixkanaka udako hosto andana lurrean uzten dute usteltzen.
Zorura itsatsitako hostoak (Leaves stuck to the floor)
St. Gallen (Suitza)
Hostoak banan-banan pilatzen joan dira. Euripean lurrera itsatsi dira. Zoruaren kontra zanpatuak ere izan dira, oinen eta hatzaparren pean. Pixkana deskonposatzen joango dira, ongarri bihurtuz.
Udazken mosaikoa (Autumn mosaic)
St. Gallen (Suitza)
Mosaiko koloretsua osatzen dute gure arboletako hostoek. Kristi-krasta kraskatzen dute gure oinpean, udazkeneko soinu banda osatuz.
Hosto pilatuak (Piled leaves)
St. Gallen (Suitza)
Hostoak pilatu egiten dira. Batzuk lur kolore argiakoak, besteek lur ilun kolorekoak, bata bestearen gainean mantu biguina eta magikoa sortzen du. Oinak bertan sartzeko gogoak ematen du.
Marroitik horira gorritik pasatuta (Brown to yellow going through red)
St. Gallen (Suitza)
Marroitik horira gorritik pasatuz dute kolorea erori berritako hostoak. Bere urteroko lana betetakoan ahitutak gelditzen dira eta pixkanaka galtzen dute berde kolorea. Beharrezkoak ez direla eta lurrean biltzen dira. Alfonbra leunarekin apaintzen dituzte gure inguruko basoak eta herriak.