Gossau (Suitza)
Bi tximino txiki hauek zain daude bisitariotariko batek zeozer jateko emango diegun. Gure inguruan ibiltzen dira salto eta salto, adi-adi behatzen gaituzten bitartean.
Tximino txiki beltz-beltzak (Small black monkeys)
Etiketa: summer
Arrain txiki eta laranja (Small and orange fish)
Gossau (Suitza)
Arrain txiki eta laranja hau lasai dabil bere putzuan. Zoo batean bizi denez gero, lagun arrotzak izango ditu. Zihur bere jatorrizko bizitokian ez zituen horrenbeste animali mota desberdin ezagutuko.
Airean eraikitako gazteluak (Castles in the air)
Simplon (Suitza)
Hodei horiek airean eraikitako gazteluak ematen dute. Geldiro mugitzen dira zeruan. Bistan da, halako guztiak ez direla arinkeriak. Hauek nahikoa ederrak dira. Gustora egoten gara beraiei luzaro begira.
Mendien gaineko gailurrak (Summits over the summits)
Simplon (Suitza)
Nola hazi diren hodei horiek. Laster pilatzen duten ur andana askatzeko prest egongo dira. Beharbada, arratsaldea ez da izango erabat lasaia.
Datorren ala doan bidea (Coming or going road)
Simplon (Suitza)
Bidea badoa edo badator. Goizeko argi ahulak justu ikusten usten du noran doan. Haratago dagoena, oraindik misteriotsua da. Ilun ageri zaigu. Soilik zeru gaineko hodeiak jasotzen dute nahikoa argi.
Egusenti ezin ederragoa (Beautiful dawn)
Simplon (Suitza)
Goizean goiz altxatu eta egusenti zoragarria eskeini digu egun hasi berriak. Gailurrek eguzki errainuak jaso dituzte, beheragoko hormak eta haranaren parte handiena itzalean dirauen bitartean. Kolore horixkek liraintasuna gehitzen diote paisaiari.
Txikoria lorea (Dandelion flower)
Simplon (Suitza)
Lore bakartia belar artean hazita. Ari da, udari esker, epeltasuna baliatzen bere bizi zikloa betetzeko. Laburra du, hasi eta buka, bere sasoia. Hurrengo urtean, landare berak beste lore diferente bat baina hau bezain ederra sortuko du.
Gailur erraldoien eremua (Where the giant summits are)
Simplon (Suitza)
Leku hauek ezagutzeak bidai bat merezi du. Gailur erraldoiak, udako elur betierekoa, belardi zabalak, haize freskoa eta giza istorio interesgarriak. Guzti hauek aurkituko dira honelako bezalako lekuetan.
Harri hesi sendoa (Strong stone fence)
Simplon (Suitza)
Harlauza ederrek egin dute hesi apaina. Belardiaren gorabeherak jarraitu eta bitan banatzen du. Zabala da osatzen duten harriak bezala. Harriak lehorrean pilatu izaterako, sendotasuna igortzen du eraikuntzak.
Hesia gora eta behera (Fence going up and down)
Simplon (Suitza)
Hesiak erliebearen gorabeherak jarraitzen ditu. Harrizkoa dena gero zurezkoa bihurtzen da. Belardiak, berriz, itxura zoragarria du. Arratsaldeko argiak kolore horixka politarekin bete du zelaia.
Argi eta itzalen artean murgilduak (Among light and shadows)
Simplon (Suitza)
Dramatismo handia dauka paisai harrokatsu honek. Erraldoi izoztu eta mugiezin hauek gaineko hodei handiagoak ere txikitzen dituzte. Baina, haien itzalpean ezkutatzea ezin dute ekidin. Argi eta itzal artean murgiltzen dira.
Mendi magal biluzia (Naked mountain)
Simplon (Suitza)
Tolesduraz betea dago mendi magal leuna. Neguko hotzak eta elurrak forma emandako paisai gogorra da. Gorabehera handiak gelditzen dira agerian zuhaitzen faltagatik.
Jeizteko momentua (Milking moment)
Simplon (Suitza)
Arratsalde honetan, heldu da behiak jeizteko momentua. Animaliak zain daude ikuilura bueltatzeko. Gaua epelean eta lasai igarotzeko lekua dutela ondo ikasiak daude.
Goi-haran dramatikoa (Dramatic mountain valley)
Simplon (Suitza)
Paisai dramatikoak goi mendiak eskaintzen diguna. Hodeiak laino bihurtzen dira mendi magalak laztantzeko. Bere zeruetatiko bideetatik badoazela, harrizko erraldoiak ezin ekidin eta leun igarotzen dituzte. Bertako goi-haranak, zuhaitz koskorrak eta belarrak eskertzen dute freskura, neguko hotzarako prestatzen lagunduko die.
Goi mendi lakatza (Harsh high mountain)
Simplon (Suitza)
Goi mendi eremua zerutik hurbil eta bere menpe bizi da. Hortik datoz hotza, elurra edo euria, orografia baldintzatzen duten metereologi elementuak. Arbolek nekez aurkitzen dute hazteko babes nahikorik eta sastrakek eta goroldioek hartzen dute haien lekua.
Hodei kuxinak (Pillow clouds)
Simplon (Suitza)
Hodei mosaikoa margotua dela ematen du. Argiak eta itzalak maisuki konbinatzen dira eta mendi gailurra leunki ferekatzen dute ur tantazko kuxin bigunek.
Goizeko Giroa (Morning feeling)
Simplon (Suitza)
Eguzkiak ez du oraindik hodeien arteko bere bidea aurkitu. Zeruan ez bada, itzalek ez dute erabat uxatzera jo. Gaueko hotzak dirau ere. Udako egun luze baten hasiera da.
Goizeko hodeiak (Morning clouds)
Simplon (Suitza)
Goizeko zerua hodeiez margotua ematen du. Laino baxu eta mardulak eguzkiaren itzalpean gelditu dira. Goi hodei bidaiari zuriak, berriz, korrika batean pasatzen dira bere inorako bidean.
Goizean goiz (Early morning)
Simplon (Suitza)
Goiza azkar heldu da. Gaua laburra da uda garaian. Goizeko lanbroa pixkanaka altxatzen hasten da. Landareak eta animaliak eguzkia agurtzen dute. Ez denek. Batzuek orain dute garaia atsedena hartzeko.
Gailur elurtuak ikusgai (White summits in sight)
Simplon (Suitza)
Goreneko gailurrak elurrez beteak diraute urte osoan. Hortik gora zerua baino ez dago. Gauaren atarian haiek dira ikusgarri dirauten bakarrak. Itzalen iluna bete du harana belztasunez biharko goiza arte.