Eguneko argazki bat
Monte Generoso (Suitza)
Mendi garaiek jendea erakartzen dute, ez soilik berezkoa duten handitasunagatik, ingurua ikusteko beste ikuspegi bat ematen dutelako ere. Beheko haranak eta lautadak zabal-zabal ikusteko aukera ederraz gozatzea gauza polita da.
Monte Generoso (Suitza)
Gailur bat bestearen atzean zerumugaraino heldu arte. Horrelakoa da mendialdea, arrokaz eta basoz tartekatutako paisai basatia eta gogorra.
Kronberg (Suitza)
Garai egokia da lerarekin ibiltzeko. Eguzkia aprobetxatu eta aldapetan behera abiadura bizian ibiltzen egun pasa egitea ez da plan txarra. Momentuz atseden hartzea tokatzen da. Lerarentzako astia egongo da gero.
Kronberg (Suitza)
Elurra leun egon baino, ondo leunduta dago. Eskiatzaileentzat eta leran dabiltzatenentzat ez da leku txarra. Gaur paseo ederra emateko ondo dago.
Saas Fee (Suitza)
Arroka erraldoiak forma finak ditu. Hegi zapalak eta garbiak ertz luzeek banaturik. Zerua baino ez dauka gainetik eta bere parean beste arrokazko punta gutxi batzuk baino ez dira ikusten.
Saas Fee (Suitza)
Handiak, gogorrak, nobleak. Mendi garaiak gure inguruan dauzkagun erraldoien artean erraldoienak dira.
Saas Fee (Suitza)
Arroka eta izotzezko erraldoia harro nabarmentzen da. Bere triangelu itxura pertxenta inguruko mendien gainetik argi ageri da. Soilik zeru urdina dauka gainetik.
Saas Fee (Suitza)
Harria, haizea eta izotza nahasten dira eskultura iraunkaitzak sortzeko. Harri iluna izotz hotzak inguratzen du eta haizeak biak zizelkatzen ditu. Forma fantastiko berriak sortzen dituzte guztien artean.
Saas Fee (Suitza)
Betiereko elurra nagusi den eta zerua muga duten mendi gainak leku bereiziak dira. Gure ohiko neurrietatik ateratzen den parajea da. Erakartzen gaitu, baina, aldi berean, beldurra diogu.
Saas Fee (Suitza)
Arrokaren gainazal garratzak, izotz leunez estalita ere, ez du gogortasunik galdu. Elementuek eragindako zauri sakonak nabarmentzen dira. Bere soiltasuna handiagoa da. Harrizko eta izotzezko basamortu bertikala bihurtu da.
Saas Fee (Suitza)
Izotzez jantzitako erraldoiak ederrak dira. Mendi gailurren gainetik soilik zerua eta hodeiak daude. Urte erdia ematen dute itxura horrekin.
Höher Kasten (Suitza)
Mendi gailurretik begira, harrizko erraldoia nabaritu nuen. Inguruko bailarak behatzen ditu. Belarrak apenas ezkutatzen ditu bere forma garratzak. Mendi pinudiak apenas ezkuta ditzakete bere hegal zabalak.
Höher Kasten (Suitza)
Bizi al dira txoriak altuera handi hauetan? Haize bortitza eta tenperatura baxuen menpe egotea gustoko al dute?
Höher Kasten (Suitza)
Eguzkia goian eta hodeiak behean. Egun ezin hobea mendira igotzeko. Gozatu momentua!
Höher Kasten (Suitza)
Behe hodeiak haranetan pilatzen dira aire hotzari jarraiki. Mendi gainak berriz eguzki argitan distiratusu ageri dira. Laino artetik agertutako gailurrak dira edo itsasoak inguratutako kostaldeko labarrak?
Höher Kasten (Suitza)
Mendi baten gailurrean bakoitzaren txikitasuna erabat nabari da. Mendia handia da. Hodeiak zerumugaraino hedatzen dira. Bakoitzaren lekua munduan ezagutzeko bidaia ere bada.
Höher Kasten (Suitza)
Hodei multzo trinkoa desberdin ikusten da gainean edo azpian izanda. Behean egonda iluntasuna, goibeltasuna dena, argi eta edertasun bihurtzen da goian izatean.
Oro (Euskal Herria)
Zerua bere zabaltasun osoan ikusten da gailurretik. Mundua hanka azpian eta zerua buru gainean dagoela, leku berezia da gailurra.
Risipass (Suitza)
Negua da eta elurrak, izotzak eta haizeak elkar egiten dute mendilerroaren gainan. Mendialdea da eta gailurrak harrizkoak dira. Hodeietatik hurbil daude eta gure eguneroko esperientzietatik urrun.
Kronberg (Suitza)
Zorua lehor eta hotz dago gailurrean. Haizeak elurra eraman du eta izotzak ez du nahikoa hezetasun lurra busti eta bigun manten dadin. Gogor eta harri koskorrekin betea dago.