Montreux (Suitza)
“Begira. Eguzkia hor dago. Urazpira sartuz desagertu behar dela ematen du” esanez joan daiteke elkarrizketa. Momentuaren edertasuna handia da. Beste edozerri gailentzen zaio.
Edertasunaz mintzo (Talking about beauty)
Etiketa: sunset
Iluntasunaren freskura (Fresh darkness)
Montreux (Suitza)
Eguzkia desagertzear dagoenean, arratsa ate joka daukagunean, gaueko iratxoek eta aztiek berain hauts magikoak banatzen dituzte edertasuna zabaltzeko. Politagoa ematen du guztiak. Bare dago giroa, presak joan dira, ilunaren freskura pixkanaka heltzen doa.
Arratsa pasealekutik (Sunset from the walk)
Montreux (Suitza)
Eguzkia handia ikusten da arratsalde honetan. Zeru oskarbiari esker izango da ziurrenik. Oztoporik ez du jartzen astroa bere hoberenean ikusteko. Pasealekuan zehar dabiltzanak argi asko dakite hori.
Elurrezko pareta (Snow wall)
St. Gallen (Suitza)
Elurrak landare-hesia pareta bat bihurtu du. Itxura erabat aldaerazi dio errauts zuriak. Arratsarekin hotza dator eta elurra beste egun batez irauten lagunduko du. Elur argia gauaren iluntasunarekin nahasten joango da pixkanaka gure bistatik erabat desagertu arte.
Zeruko kolore beroak (Sky warm colours)
Lehmen (Suitza)
Zein kolorek margotzen dute zerua? Hodeiek beraien ohiko zuritasuna galdu dute. Eguzkiaren azken errainuek udazkeneko arratsalde hotza kolore beroekin bete dute.
Hodei laranja (Orange cloud)
Simplon (Suitza)
Hodei bakarti bat gailur baten gainetik igaro behar da. Bere bidea haizeek agindutakoa da. Kolore laranja tankerakoa, arratseko eguzkiak emandakoa da.
Atsedenerako garaia gaurkoz (Rest Time today)
Müstair (Suitza)
Gaueko lehen orduak dira. Udako egun luzea bukatzear dago. Eguzkiak ilargiari utzi behar dio lekua. Etxeko argiak piztutak daude dagoeneko. Atsedenerako garaia heldu da gaurkoz.
Gaueko ataria (Beginning of a night)
Müstair (Suitza)
Arratsa heldu da eta etxeetako argiak goritzen jarri dira. Kanpoan berriz argia amatatzera jotzen du. Hodeiak iluntzen hasi dira eta zerua belzten.
Elur printzak harrokatzarrean (Snow pieces in the stone giant)
Müstair (Suitza)
Uda da baina gailur altuenek elur printzak mantentzen dituzte. Ez da hau edonolako lekua. Mendiko haran bat, mila metrotik gora kokatuta, mendi erraldoiez inguratua eta aspaldiko ohitura eta hizkuntzari lotuta dirauena.
Basoaren profila (Profile of a forest)
Müstair (Suitza)
Izan da udako egun argitsu eta epela, baina orain zerutik datoz azken eguzki printzak. Mendi magaletako pinudia dagoeneko iluntasunean murgilduta dago. Beraien profila ortziaren kontrara ederki nabaritzen dira.
Arratseko itzalak (Sunset shadows)
Müstair (Suitza)
Arratseko garaia da eta itzalak argiak baino gehiago ikusten dira. Zeruko urdina da galduko den azken kolorea. Bestetik, itzalen beltza nagusi da eta, tartean, apenas nabari dira herri baten formak.
Harana erdi-iluntasunean (Valley in half-shadow)
Appenzell (Suitza)
Zeruko argia erabat itzali aurretiko momentuetan, harana erdi-itzaletan, erdi-iluntasunean, murgildua ikusten da.
Arratsa nagusi (Sunset takes over)
Zurich (Suitza)
Arratsaren kolore bizi eta gorriztatua gailenduz joan da zeru osoa hartzera heldu arte. Lurretako detaileak galtzen doazen einean, zeruetako koloreak eta argi jokoak baino ez dira gelditzen gaua heldu bitartean.
Aireportuko zeru zabala (Wide sky of the airport)
Zurich (Suitza)
Aireportuko eremu zabaletan zeruak eta zerumugak infinitoak izaten dira. Hegazkinek beraien leku naturalera joateko bide zuzena izaten dute, haiek zentruan jarrita pentsatuak daude.
Hondartzako harrokak (Rocks in the beach)
Isla (Espainia)
Harrokak hare artean agertzen dira. Itsasadarrak pilatutako harea ez da nahikoa zoruko harriak erabat estaltzeko. Arratsaren garaia da. Zerua argi dagoen arren, itzalak gailentzen ari dira.
Isladetan dago bizitza (Life lies on the reflection)
Santoña (Espainia)
Itsasoko ura leunki heltzen da hondartza bazterrera eta bertan lamina fin bat uzten du. Beraiengan datza ikuspegi honek sortzen duen lilura. Zeruko urdin kolore sakona eta arratsak ilundutako hodeien zuria jaso eta biderkatzen dute gero guri erakusteko.
Arratsa heltzeko dago (Sunset to come)
Cardano al Campo (Italia)
Arratsa heltzear dago eta arbolen kolore gorrixka eguzkiaren argi leunarekin nahasten da. Herriko etxe eta eraikuntzak urre koloreko arbolek zainduak ageri dira. Tokiaren edertasuna biderkatuta gertatzen da.
Etxeko leihotik garabi bat eta arratsa (Crane and sunset from home)
St. Gallen (Suitza)
Etxean geratzeko garaia dugu. Birus berri bat dabil gure artean eta, tamalez, haren kontra borrokatzeko modu hobeagorik ez da ezagutzen momentuz. Egunak aurrera joaten dira eta arratsak leihotik ikusi behar ditugu. Bitartean biharko egunak ekarriko duenaz pentsatzera jotzen du buruak.
Argitasuna tarteka (Patched lightness)
Malesco (Italia)
Eguzkiak zerua argiztatzeko baino ez du indarrik arrats partean eta horrek lilura sortzen digu. Bitartean, kale-argi xumeek astro handiaren lanari segida ematen saiatzen dira. Baina argitasuna soilik tarteka ekartzea lortzen dute.
Profilak baino ez ikusgai (Only profiles remain visible)
St. Gallen (Suitza)
Profilak baino ez dira gelditzen ikusgai. Arbolen adarrena, etxeena eta zutoin bakan batzuek han eta hemen.