Eguneko argazki bat
Konstanz (Alemania)
Arrain taldeari begira jarri eta animaliak niri begira jarri ditut. Jakinmina edo urduritasunez ari dira ni behatzen? Dena delakoa, salbu daude. Kristal sendoak ni eta beste bisitariengandik egoki babesten ditu.
Konstanz (Alemania)
Arrain multzo honetan lasaitasuna da nagusi. Ohitutak daude bata bestearen ondoan egotera eta denak kristal baten bestaldeko izaki arraroei so daude.
Zurich (Suitza)
Kideak dira eta elkarrekin egoten dira. Zertan arituko dira txutxumutxuka? Pinguinoen artean ere ba al da hitzontzirik?
Hundwil (Suitza)
Lagunak taldeka biltzen dira. Barre batzuk bota, abereak behatu eta paseo koxkorra egin azokan zehar. Horrela joaten da goiza. Batzuek, tarteka, bere animaliei kasu egin beharko diete. Bestela garagardo bat botatzeko edo bazkari legea hartzeko astia hartuko dute. Eguna pixkanaka joango da, udazkena astiro aurrera doan moduan.
St. Gallen (Suitza)
Talde batean badira gurasoak, kumeak, bestelako ahaideak eta, besterik gabe, ezagunak direnak. Guztiak bizi dira elkarrekin. Jolasten dira. Bazka hartzen dute. Burrukatzen dute. Alde horretatik, ez gara basa ahuntzengandik oso diferenteak.
St. Gallen (Suitza)
Lau pertsonatako talde batek erabaki du arratsaldean etxetik kanpora egotea. Jaka beroak jantzi, burua ongi babestu, zapata sendoak eta galtzerdi beroekin babestu oinak eta irten dira kalera. Metatutako elurrak ez ditu kikiltzen. Aire freskoak birikak betetzen dizkie eta barruak garbitzen ditu. Urtaro hotzak ere badauka zer eskaini.
Mörschwil (Suitza)
Behi bat, bi behi, hiru behi… Behi talde osoa bildu da estu-estu. Ahaztu ere egin dute belarrean bazkatzea. Goizeko eguzkia ez dutela atsegin agerikoa da. Zain, baserritarra, unaia, noiz etorriko.