Gais (Suitza)
Trenbide ondoan hazi da baserriko herria. Trenak aurrera eta atzera doazen bitartean, biztanleak bere etxeetan jan, lo eta egoten dira.
Herri bildua (Houses)
Etiketa: train
Etorri eta joan (Come and go)
Appenzell (Suitza)
Etxeak, larreak, zeru urdina ikusten dira treneko lehiotik. Bat joan eta beste bat etorri izaten da. Etengabe, bidaia hasieratik amaitu arte.
Trenean jolasten (Playing in the train)
Appenzell (Suitza)
Jolastu ere egin daiteke tren bidaian.
Paisai lausotua (Blurry landscape)
Appenzell (Suitza)
Etxerako bidean trena hartzean, eseri eta leihotik begira egotea da ohikoena. Paisaia nola abiada betean igarotzen den ikusiz betetzen da denbora. Beti leku eta gauza berriei so egon, etorri diren bezain azkar desagertzen diren arte.
Mendialdeko trena (Mountain train)
St. Gallen (Suitza)
Trena bere trenbidean zehar mugitzen da aldapan gora errepideari jarraiki. Ez du elur jasa batek metatutakoak erraz geldituko. Jendea hiritik mendialdera eta mendialdetik hirira garraiatzen jarraitu du. Abiadura betean egiten du aurrera, inoiz ez berandu izateko, inor ez atzean uzteko.
Trena aurrera darrai (The train keeps its way)
Gais (Suitza)
Leihotik begiratu eta kale arrunta ikusten da. Elurra pilatzen da lorategietan. Teilatu gorridun etxeak hiladatan jarriak daude. Denda bat edo beste ikusten da. Trena aurrera darrai.
Kanpoan lauso eta azkar (Blurry and fast outside)
Gais (Suitza)
Lauso nahi gabe ikusten da kanpokoa. Ez da begi txarrik eduki behar. Ez da betaurrekorik kendu behar. Barrura begiratzeko momentua da.
Begirada lausoa (Blurry sight)
Gais (Suitza)
Trenak bideari darrai eta kanpoko mundua abiada bizian pasatzen da begien aurrean. Argi pentsatzeko lagundu dezake begirada lauso mantentzea.
Forma luzeak (Long shapes)
Gais (Suitza)
Paisaia ez da argi ikusten gure garraiobideak, trenak, abiadura bizian doanean. Detaileak lausotu egiten dira. Formak luzatu egiten dira.
Trenak gurutzatzen (Crossing trains)
Appenzell (Suitza)
Gurutzatzen da beste tren bat. Gaiak garraiatzen dituen trena. Konponkenta bat egiteko tresna eta materialez betea ematen du doala. Guk, berriz, gure bideari jarraitzen diogu. Beharretatik eta presetatik urrun bidaiatzen gara erlaxatzeko gogoz.
Slow telebista trenean (Slow tv in the train)
Appenzell (Suitza)
Trenako leihoak “slow” telebista saioa ematen du. Amaigabea den irudien segida ekartzen ditu. Lasaitasuna ekartzen du.
Zerumuga trenetik (Horizon from the train)
Appenzell (Suitza)
Treneko eserlekua leku ederra da urruneko paisaia behatzeko. Zerumuga nola aldatzen doan ikustea plazer goxoa da. Mendiek haranei lekua egiten diete, eta berriz mendiak bueltan.
Nasatik begira (Looking from the platform)
Appenzell (Suitza)
Zain gauden bitartean, denbora geldo igarotzen da. Gogoa laster hasi behar dugun bidaiera doakigu. Itxaronaldiaren ezinegona pasatzeko, inguruko paisaira begira jartzen gara. Baserri hiritartu, landu, honek mendialdeko misterioa gordetzen du. Etxeak aldapan gora eraikiak izan dira, lur basatia menperatu eta etxekotu nahiean. Horrela ere, goi lurretako basoek oraindik handitasuna gordetzen dute.
Trenbidearen kableak (Wires of the railway)
Appenzell (Suitza)
Trenbideak behar ditu argindar kable ugari, burdinezko zaldi modukoari behar duen energia emateko. Burdinbidearen gainean pilatzen da parafernalia osoa. Trena doan leku berdinetara eta harekin joaten da, etengabe zaintzen behar duena jasotzen duela.
Andelak gure bidean (Tank in our way)
Appenzell (Suitza)
Paisaia beti da anitza, beti dakar zeozer berri eta horregatik irauten dut nik hari begira nere leihoko eserlekutik.
Elurraren sekretuak eta misterioak (Secrets and misteries of the snow)
Appenzell (Suitza)
Ez da akitzen bat neguaren eta elurraren forma beti berriak behatzen. Bere sekretuak eta misterioa ulertu eta xurgatu nahiean edo.
Negu mendi paisaia (Mountain winter landscape)
Appenzell (Suitza)
Hotza eta elurtsua joan da negua, mendi paisai polita utziz. Gogoa piztu eta arima arintzen du.
Paisai aldakorra (Changing landscape)
Appenzell (Suitza)
Arbolak, elektrizitate zutoinak, kableak, etxaldeak, elurtutako zelaiak agertu eta alde egiten dute. Atzekaldean, baina, mendikate erraldoia beti ikusgai ageri da.
Leihoa agerleku (Staged window)
Appenzell (Suitza)
Leihoa leku berrien agerlekua bihurtzen da trenak bere bidea hartzen duen momentuan. Epe labur baterako ez bada ere. Etengabe etorri eta joan egiten bait dute kanpoko paisaiek, herri eta hiriek edo pertsonek.
Paisaia abiadura bizian (Full speed landscape)
Thun (Suitza
Trenak abiadura bizian jarraitzen dio bere bideari. Zuhaitzak lausotzen dira kristalaren bestaldean. Begiak urrunera begiratuta erlaxatzen dira. Lasaitasuna gorputz osora zabaltzen da, zainez zain, nerbioz nerbio.