Bakio (Euskal Herria)
Gaztez beteta dago hondartza. Udako egun luzeak azken muturreraino aprobetxatzen dituzte. Garaia aproposa da. Ez gutxien nerabeek denbora librea gehiago izaten dutelako.
Gazteak hondartzan (Beach full of youngsters)
Etiketa: uda
Surflari nekatua (Tired surfer)
Bakio (Euskal Herria)
Surflaria nekatua ematen du. Eguna luze joango zitzaion olatuak hartzen. Gora eta behera. Azkenengo momentuak egindakoetan pentsatzen eta biharkoak prestatzen emango ditu, beharbada.
Hondartza jolasak (Beach games)
Bakio (Euskal Herria)
Jolasteko astia eta gogoa dago oraindik. Beharbada azken bainua hartzeko ere. Gero etxera joateko garaia izango da. Dutxa freskoa eta afari beroa hartu eta gero lotara. Edo festara joan liteke, gau laburrak eta epelak horretara dei egiten bait dute.
Arratsaldea lasai doa (Quiet afternoon)
Bakio (Euskal Herria)
Ez al da berandu egiten tipo hauentzat? Hondartzan etzanda diraute. Harea hutsik geratu da eta eguzkiak oraindik bizkarra epeltzen die. Momentuaren lasaitasunaz gozatzen ariko dira. Neguan momentu hauek faltak botako dituzte.
Ortzimugatik beherako bidean (In the way below the horizon)
Bakio (Euskal Herria)
Ortzimugatik beherako bidean eguzkiak indarra galtzen du. Hala ere, mina ematen du berari zuzen begiratzeak. Egi gordinaren argitasunak bezala, zaurgarri egiten gaitu.
Etxerako garaia (Time to go home)
Bakio (Euskal Herria)
Etxerako garaia da. Eguzkia desagertzear dago. Gosea urdaila estutzen hasi da. Itsasorako grina gaurkoz asetuta dago. Pasealariak baino ez dira hondartzan gelditzen. Uhinei begira ibilaldi koxkorra egitea ez da eguna bukatzeko modu txarra.
Kaioak hondartzan (Seagulls in the beach)
Bakio (Euskal Herria)
Hondartza jendez husten den heinean, itsas txori janari biltzaileak ausartzen dira harea zapaltzen. Bertatik bertara errazago aurkitzen dira bilatutakoak.
Hondartza egunaren amaiera (End of beach day)
Bakio (Euskal Herria)
Udako eguna amaitezina zela ematen zuen, baina azkenean arrats garaia heldu da. Horrekin batera, hondartza husten hasi da.
Hegaldi abila (Skilled flight)
Bakio (Euskal Herria)
Arratsaldeko urre koloreko argi artean hegaz dabil kaioa. Itxuraz ahaleginik gabe mugitzen da hara hona hegazti abila. Bitartean, azpiko lurzoru mailan zer interesgarri dagoen adi-adi behatzen du.
Kaioa behekaldetik (Seagull from below)
Bakio (Euskal Herria)
Hurbil pasatu da kaioa. Hurbildu zait hare artean utzitako janari ondarren bila. Aurkituko du ogi papurren bat, gazta zati bat edo fruta apurren bat ongi begiratu ezkero.
Hegoak zabalik (Wide open wings)
Bakio (Euskal Herria)
Hegoak zabal-zabal uzten du gorputz arina airean flotatzen. Ari da adi begiratzen bere azpian zer dagoen. Aireko printzeak dira hegaztiak. Esfortzu gabe nabigatzen dute zeruko espazio ukiezin eta ikustezina.
Kaioa hegaz (Flying seagull)
Bakio (Euskal Herria)
Kaioak gurean itsas animaliak dira. Ur barruan bizi ez badira ere, itsasoa behar dute jatekoa aurkitzeko. Horrek bihurtzen ditu ur masa erraldoi hauen sinbolo. Zeruetan zehar hegaz etengabe darabilte.
Ahaztu premiazko eginbeharrez (Forget the obligations)
Bakio (Euskal Herria)
Jende gaztea udako arratsalde lasai batez gozatzen ari da. Hondartzara etorri dira jolastera, elkarrekin xolas egitera, bainu bat hartzera. Denbora astiro igarotzen uzteaz disfrutatzen ari dira. Aldi batez ahaztu dituzte premiazko eginbeharrak.
Harrizko maila ugari (Plenty stone steps)
Laudio (Euskal Herria)
Eskilara altu hauek ez dira guztiontzat egokiak. Maila bat eta beste igo edo jeitsi beharra ez da batere erosoa. Hesidun pasabideak Ermuko santutegira darama. Leku hau basatia eta bakartia dirudi baina aintzinatik bizi izan da jendea hemen.
Zaingorri ederra (Fantastic geranium)
Laudio (Euskal Herria)
Zaingorri ederra. Harro begiratzen du urrunera. Uda betea da eta loreak bere onenean daude. Zutoina berde eta sendo, lore handiak eta ugari. Eguzkia eta ura behar du hazteko eta horietatik nahikoa du.
Haizearen jolasa (Game of the wind)
Laudio (Euskal Herria)
Haizeak bere jolasetan dabil oihal puskekin. Gora, behera, ezker, eskuin dantzari dabil eguzkitakoarekin.
Kale hutsa (Empty street)
Logroño (Espainia)
Kale hutsa arratsalde erdian. Non egongo da jendea? Lanean neurri handi batean. Dendadun kaleetan eguneko edo asteko erosketak egiten. Horrela izango da ziurrenik.
Kalearen goiko partea (Upper part of a street)
Logroño (Espainia)
Kalearen goiko parteak bere bizi propioa dauka. Pribatutagoa da. Etxebizitza bakoitzak bere nortasuna erakusten du. Beharren arabera osatzen da. Loredun balkoiak edo burdinezko barandaz mugatutako eremu hutsa izan daiteke. Berdin leihoak. Eta eraikuntz denak teilatu batekin bukatutak daude, euriarengandik eta eguzkiaren garraztasunetik babesteko.
Denda batean margotutako graffitia (Graffiti in a shop)
Logroño (Espainia)
Beste graffiti bat hiri honen kaleak apaintzeko. Lekuko artistek aukerak izan dituzte bere lanak erakusteko. Baten batek ondo pasatzeko aukera modura hartuko zuen ere, zihurrenik.
Denda zaharra (Old shop)
Logroño (Espainia)
Izkinan badago denda zahar bat aspaldi itxita dagoena. Garai batean hiriko liburudenda handiena zen eta jendea urrundik etortzen zen honera liburu berriak ezagutzera eta erostera. Istorio gehienak bezala hau ere bukatu zen. Jabe zaharra atseden hartzea erabaki zuen, hil baino aste bat lehenago. Orain beste liburuzale amorratu baten zain dago. Liburuz eta ametsez beterik.