Paradiso (Suitza)
Neskato bat laku baten aurrean dago urrunera begira. Jolasean egongo al da? Pentsakor al dago? Urazpian egongo diren arrainak asmatu nahiaz ariko al zaio urari begira?
Umea eta lakua (Lake and child)
Etiketa: ume
Umea eta ahuntzak (Boy and goats)
Speicher (Suitza)
Ume ahuntz zaintzailea ere batu da kalejirara. Bere ahuntzek beste abereak gidatzeko baino zailagoak direla ematen du. Baina honek ez dio lanari beldurra.
Umea gurditxoan (Child in cart)
Speicher (Suitza)
Kaixo txikito. Ongi zoaz zure gurditxoan. Aitatxok ongi eramaten zaitu.
Umeen ahotsak eta akordeoia (Children voices and an accordion)
St. Gallen (Suitza)
Jendea bildu da ikuskizun bat ikusteko. Buruen artean pixka bat ikusten da interesa zerk pizten du. Ikusi baino errazago, entzun egiten dira umeen ahotsak eta akordeoi baten soinua.
Umeen korua (Children choir)
St. Gallen (Suitza)
Neska koruak abesten du ezti. Beraien nagusiek egindako bidean jorratzen dute. Gura dituzte garai bateko usadioak.
Kantuz kantu alai (Singing happy)
St. Gallen (Suitza)
Kantuz kantu alaitasuna etortzen da. Umeok ari dira hori gogotik ikasten.
Haur abesbatza kaleetan (Children choir in the streets)
St. Gallen (Suitza)
Hiri txiki baten zentrua da eta eguraldi zakarretik babestuta dago ume talde bat. Zertain ari dira? Zertarako elkartu dira arropa eleganteak jantzita? Haur abesbatza bat da eta kaleko kontzertu bat eskaintzen ari dira.
Ama eta haurra (Mother and child)
Pfänder (Austria)
Ama eta haurra paseo lasaiean doaz mendialdean. Ez dago presarik. Ez dago beste zertan pentsatu beharrik. Momentuaz gozatu eta denbora igarotzen utzi baino ez.
Kiosko baten aurretik pasatzean (Passing by a kiosk)
Bregenz (Austria)
Aiton-amonak eta biloba paseoan irten etaa kiosko baten aurretik pasatzean, nola ez gelditu eta mokautxo bat hartu? Haurrak txokolate puska bat edo goxoki batzuk eskatuko ditu. Nagusiek mugak jarri beharko diote txikiaren apetei. edo ez?
Umea kulunkan (Swinging child)
Freiburg (Alemania)
Umea ari da dibertitzen edo jostatzen. Aurrera eta atzera kulunka egin, barre batzuk bota, abiaduraz gozatu. Sentimentu horiek denak batu zaizkio eta pozik dago.
Arropa tradizionalak umeentzat (Traditional clothes for kids)
Hundwil (Suitza)
Arropa tradizionalak jantzita atera dira plazara neska-mutilak. Tradizionalak izateagatik ez dira zaharrak. Kolore bizikoak dira oraindik.
Plisti-plasta jolasean (Playing in the water)
Laga (Euskal Herria)
Plisti-plasta umeak uretan jolasten dibertitzen dira. Lasai dago itsasoa txoko honetan eta txikiek primeran profitatzen dute.
Badia babestua (Protected bay)
Laga (Euskal Herria)
Badia txikian bildu da jendea bainua lasai hartzeko. Itsasoaren zakartasunetik babestutako txoko hau ezin hobea da zuretzat eta niretzat. Hemen ez dago olatuen eta korronteen beldurrik.
Oiloa hesiaren atzean (Hen behind the fence)
St. Gallen (Suitza)
Hesiaren atzean bizi dira oilo hauek ere. Lekua nahikoa mugitzeko izanda ere, ez da bizitoki hoberena. Bazka ekarriko duten zain egon behar eta orotariko bisitarien begiradapean bizi behar, ez da ororen gustokoa.
Jolasteko unea (Playing moment)
Appenzell (Suitza)
Jolasteko unea dute umee batzuk. Larunbata izanda ere, eskolara joan dira. Arratsalde pasan baina. Ez dute libururik irakurtzeko intentziorik edo ikasgelara joateko gogorik. Momentuan nahiago dute bere gailuekin jolastea.
Famili irudia (Family picture)
Dubai (UAE)
Famili irudi kuriosoa ikustea tokatu zaigu. Emakume ama bere gorputz osoko jantzian bakarrik paseoan eta ume hazia aulkitxoan eserita. Amaren beltzaren ondoan, mutikoa eta bere orgatxoa koloretsuak ematen dute.
Hosto eroriak eta umea (Fallen leaves and child)
St. Gallen (Suitza)
Hosto eroriak han eta hemen daude. Umeak nonahi aurkitzen ditu baina ez dira bere interes nagusia, jolasa da inportanteagoa berarentzat.
Umearen irudia (Picture of a baby)
St. Gallen (Suitza)
Umeak jolastea baino ez du buruan. Behar duen bezala, noski. Alai eta bere buruarenganako konfidantzaz haztea da bere eginbeharrik garrantzitsuena oraingoz. Gero gerokoak.
Zapatako lehoia (Lion in a shoe)
St. Gallen (Suitza)
Zeren bila ibiliko da umea lurrean? Jolasteko erabiliko duen zeozer izango da ziurrenik. Bien bitartean, zapatako lehoiak irribarrea ez du galtzen. Jolasean ibiltzeko irrikaz izango da hura ere.
Umetxoaren txartelak (Cards of a baby)
St. Gallen (Suitza)
Txarteltxook ume baten hazkundea laburbiltzen dute. Noiz lehenengo pausoak eman dituen, noiz esan dituen lehenengo hitzak, noiz eseri den. Memorien deposito xumeak dira, denboraren korroenteak eraman ez ditzan.