Eguneko argazki bat
Matxitxako (Euskal Herria)
Haize neurgailua, anemometroa, dotorea eraiki dute. Zutoin fin eta luzearen puntan montatu dute. Inguruetako lekurik haizetsuena omen da penintsula koskor hau. Itsasoak erabat inguratuta dagoenez gero, ez du enbaten bortizkerietatik non ezkutatu uzten. Hori dela eta, metereologi fenomeno hori ondo ulertzeko leku aproposa da.
Laudio (Euskal Herria)
Haizeak bere jolasetan dabil oihal puskekin. Gora, behera, ezker, eskuin dantzari dabil eguzkitakoarekin.
Simplon (Suitza)
Lore xume honek haizearen joa jasan behar du. Baina horretarako badu tresna berezia. Lasto luzea tolesten utzi eta alde batetik bestera ibiltzen da gelditu ezinik.
St. Gallen (Suitza)
Haizeak denboraren seinalea utzi du argazkian. Landarea, kubismoaren itxura hartu du. Bere aurpegi anitzak aldiberean erakutsi eta nahastu ditu irudi edo mihixe berean.
Schwellbrunn (Suitza)
Haize arinak aurpegia laztantzen digu. Gorago, baina, libre ibiltzen eta trabarik gabe ibiltzen da. Lanbroaren hodei alferrak gogoz eragin eta berarekin eramaten ditu bere bidai luzean zehar.
Appenzell (Suitza)
Argi kontrara desberdin eta elegantzia berezi batekin agertzen dira argazkien subjektuak.
Appenzell (Suitza)
Etxe artean egonda ere ez dago haize ufadetatik salbu. Adarren mugimendua eta enborraren kulunka arbolaren haizearekiko ikara adierazten du, panpina balitz moduan bait darabil airezko korronte bortitzak zurezko erraldoia.
Appenzell (Suitza)
Pinuak ez du lasaitasun momenturik udazkeneko goiz honetan. Haizea etorri behar den ekaitz baten seinalea izango ote da?
Santoña (Espainia)
Irudiak dena esaten du. Ez dago eguna paseo lasaia egiteko. Horren ordez, jaka ongi estutu, aurpegia babestu haize eta euritik eta pauso arinean abiatzea komeni da.
Santoña (Espainia)
Haizeak itsasaldetik jotzen ari da pasealekuan zehar. Eguna hodeitsu dago eta euria ez da urrun. Ez dago giro kaletik ibiltzeko. Negua ate joka dagoela nabari da eta kantabriar itsasoak gogorarazten die momentuan kalean dabiltzanei.
Suances (Espainia)
Udako arratsalde haizetsu batean, badia honek enbatarengandik babesa ematen die untziei. Hala ere haizeak erabat mende hartuta zebiltzaten dantzan. Ibili ere kostata egiten zen.
