Gossau (Suitza)
Eskultura bat ematen du argazki honek. Urrunean konkortutako estatua naturala eta hurbilago metalezko estatua mehe eta liraina. Taldea edertzen dute eguzkiak sortutako argi-itzalek.
Paisai eskultorikoa (Sculptural landscape)
Etiketa: zeru
Itzalen artean argia (Light among the shadows)
Gossau (Suitza)
Negu erdiko eguna da, baina zeru oskarbiak pixkat arintzen du giroaren hoztasuna eta gauaren luzera. Arratsaldeko itzalak luzeak dira eta apenas uzten dute argirako lekurik. Itzalez inguratuta geratu dira arbola, edo bere hezurdura esan daiteke, eta kaleko argia luzea.
Txinpanze zaharraren atsedena (Rest of the old chimpanzee)
Gossau (Suitza)
Txinpanze zahar honek bere lekua aukeratu du denborapasa egiteko. Leku gutxi behar du esertzeko. Ingurua mihatzen du bitartean, tartean argazkilaria.
Gailur garratz elurtuak (Harsh and snowy summits)
Chur (Suitza)
Negu garaian tokatzen da elurra goi mendietan ikustea. Nere gogorako arrotza da mendi hauen erraldoitasun harritsu eta garratza ikustea. Haur garaiko gailur belartsu eta leunak etortzen zaizkit gogora. Hemengoek, berriz, edertasun exotikoak dute, eta lilura amaigabea sortzen didate.
Neguko eguzkia (Winter sun)
Gais (Suitza)
Eguzkiak gogoz jotzen du zeruan. Negua izanda, baina, ez du nahikoa indarrik giroa berotzeko. Hala ere, gogoa berotu eta arintzen du. Paseoa bat emateko grina pizten du ere.
Zeru lainoa basamortuan (Overcast in the desert)
Dubai (UAE)
Zerua ilun antzean eta laino dago. Ez da leku honetako gure irudia. Basamortuak beti eguzkia eta beroa ekartzen bait digu gogora. Orain, baina, udazken bukaeran gaude eta giroa freskatzera jotzen du.
Paisai berria (New landascape)
Dubai (UAE)
Beste kontinente, beste munduko ia, paisaia eta natura ikusten dugu gure aurrean. Gure zuzeneko esperientziatik urrun dagoen lekua eta giroa sentitzen dugu gure inguruan. Gure barrunbeak aztindutak sentitzen ditugu.
Mendi gainean zeru infinitoa (Infinite sky at the summits)
Schwellbrunn (Suitza)
Mendi gainetan zerua infinitoa da. Urruneko mendiek sortutako zerumuga arte hedatzen da eta beheragoko paisaia eta topografiari argia ekartzen dio.
Goizeko irudia (Morning picture)
Schwellbrunn (Suitza)
Itzal luzeak, goizeko eguzkia. Hodei luzeak, haizea goian.
Egun eguzkitsu elurtua (Snowy sunny day)
Schwellbrunn (Suitza)
Goizeko argiak inguru zuritua erakusten digu. Itzalak oraindik luzeak dira eta gaueko hotzak ez da erabat joan. Tarte urdinak eta hodei zuriak ditu zeruak. Egun ona datorrela seinale.
Elur zuri izoztua (White frozen snow)
Schwellbrunn (Suitza)
Negua ate joka dator eta elurra bidali du hori gogorarazteko. Zuhaitz ilunak tapaki zuri izoztuaz estali agertu dira goizez. Zelaietan kolore zuria nagusitzen da. Horrela da begiek atzeman dezaketen leku urrunenerarte.
Zerumuga trenetik (Horizon from the train)
Appenzell (Suitza)
Treneko eserlekua leku ederra da urruneko paisaia behatzeko. Zerumuga nola aldatzen doan ikustea plazer goxoa da. Mendiek haranei lekua egiten diete, eta berriz mendiak bueltan.
Zuri-beltzezko paisaia (Landscape in B&W)
Appenzell (Suitza)
Zuria eta beltza nahikoak dira edertasuna transmititzeko eta ahoa zabalik uzteko. Hona hemen horren adibidea.
Leihoko ikuspegia (View through the window)
Appenzell (Suitza)
Leihoan zehar mendi gailurrek sortutako zerumuga ikusten da. Arratsaldeko azken orduko eguzki argi leunak gailurren profil harrokatsuak margozten ditu. Muinoak, baina, itzalean sartuk dira dagoeneko.
Bandera dantzan (Dancing flag)
Appenzell (Suitza)
Bandera haizeak astintzen du. Makilan dantzan jartzen du.
Arratsa nagusi (Sunset takes over)
Zurich (Suitza)
Arratsaren kolore bizi eta gorriztatua gailenduz joan da zeru osoa hartzera heldu arte. Lurretako detaileak galtzen doazen einean, zeruetako koloreak eta argi jokoak baino ez dira gelditzen gaua heldu bitartean.
Metalezko txori erraldoiak (Giant metal birds)
Zurich (Suitza)
Metalezko txori erraldoiak bare daude hangarrean aparkatuak, baina zeruan abiadura bizian doazela ozen egiten dute orro. Xamurki esnatzen dira. Lehenengo pausoak astiro eta pauso astunekin egiten dituzte pistetan zehar. Baina abiadura hartzen duten heinean, transformatu egiten dira. Ez dira metalezko tramankulu astunak, airea artezki nabigatzen duten belatzak baizik.
Aireportuko zeru zabala (Wide sky of the airport)
Zurich (Suitza)
Aireportuko eremu zabaletan zeruak eta zerumugak infinitoak izaten dira. Hegazkinek beraien leku naturalera joateko bide zuzena izaten dute, haiek zentruan jarrita pentsatuak daude.
Argiluna goian eta behean (Light and shadows above and below)
Isla (Espainia)
Azken errainuek hodeiei gorpuzdura eta bolumen sentsazioa ematen diete. Itzalak dagoeneko nonahi dira ikusgai, paisaian nagusitu dira. Soilik zeruan ikusten da hodeien artetik heltzen den argi zantzuren bat.
Euri hodeiak (Rain clouds)
Isla (Espainia)
Euri hodeiak zeruan nagusitzen hasi dira. Oinarrian ilun, bertikalean hazten dira, dorre zuriak osatu arte. Hezetasuna metatzen ari da eta gutxi behar du kondentsatzeko eta euri modura mara-mara erortzeko. Eguzkia ere ahul ageri da bapore poltsa hauen artetik ikusita.